YOFUNJEDHA 54
N’nga “dhaari ororomeleya na wazelu” mbaani, n’nga unoira vyoi a-vi?
Yesu ngu muru wa pingo wa Ikristau. (Aefeso 5:23) Namwasa oi Yesu uli dhulu, malamboano unosogolela anama-arele vailambo yavathi, vo-indi-edha basa “dhaari ororomeleya na wazelu.” (Muleri Mateu 24:45.) Yesu Kristu ngwenuo asakunle “dhaarula” thitho atomva-a vyoira pingoni wa Kristau. Mbwenye dhaarula unofwanela vwela Kristu thitho unolabela abali a Kristu. N’nga dhaarula mbaani? N’nga unonisamalela moi a-vi?
1. N’nga “dhaari ororomeleya na wazelu mbaani”?
Yohova ukanle a-indi-edhanga basa mutu, venango ixigulu yaatu vovelela malangi-o waatwee. (Malaki 2:7; Aebere 1:1) Yesu angapiwile arumiwi naandimuwa au Yerusalemu, mbenao tasogolela pingo wa Ikristau. (Mayirelo 15:2) Mofwanafwana na vyevi, malamboano Gulu Lotonga la Mboni dha Yohova, lelo nli ixigulu yaandimuwa, linovelela yodya yauzimu thitho sogolela basa lolaleela. Ixigulu yei ndi “dhaari ororomeleya na wazelu wenuo a-enle [Yesu] ira airenga vyevi.” (Mateu 24:45a) Abali othene a Gulu Lotonga ndi Makristau ozoziwa na zimu ochena thitho tanodedi-edhela ira tadhakwa tanodha dhowa dhulu ira tamatonge vambo-i na Yesu.
2. N’nga ndi yodya ivi yauzimu inovelela dhaari ororomeleya?
Yesu aongile ira dhaari ororomeleya unodha velelanga “yodya wa [Makristau afwiwa] vahora yofwanelela.” (Mateu 24:45b) Mofwanafwana na yodya yeyo inonikami-a ira nikaena kopolo thitho kaana manungo apama, yodya yauzimu yeyo ili malangi-o okumela Madhu a Nlungu, inoniva-a kopolo ira nidhowenave kala ororomeleya wa Yohova thitho ira nilabenga basa liniva-idhe Yesu. (1 Timoteo 4:6) Ninowachela yodya yauzimui dhela migumanoni ya pingo, migumano ya isa na migumano ya gawo. Ninowachela thitho malangi-o dhela mabukhu oonga vya Bibilya thitho mavidiyo enao anonikami-a ira niirenga vinofuna Nlungu, naifunelo yoi nilimbi-e uxamwali-u na liye.
FUNJEDHANI VINJINJI
Muone mwasee unofuneela i-yo“dhaari ororomeleya na wazelu”—wenuo uli Gulu Lotonga.
Gulu Lotonga linovelela yodya yauzimu, malangi-o thitho linokami-a a Mboni dha Yohova enao anogumanana nyarwa vailambo yothene yavathi
3. Atu a Yohova tanofwanela ira vyongo mwapama
Mosogoleliwa na Yesu, Gulu Lotonga linosogolela basa la Mboni dha Yohova ira liwendenga molinyali. Yesu anoosogolela thitho Makristau mu hora yaarumiwi mundhila yolandana na yen’na. Muonele VIDIYO.
Muleri 1 Akoritiyo 14:33, 40, mwamala mutapanye yofuka yo-arelai:
N’nga maverswala anothonyi-edha a-vi ira Yohova unofuna ira anamalabee tairenga vyongo mwapama?
4. Dhaari ororomeleya unosogolela basa lolaleela
Basa lolaleela lali lofuneya maningi wa Makristau a muhora yaarumiwi. Muleri Mayirelo 8:14, 25, mwamala mutapanye vyofuka vyo-arelavi:
N’nga mbaani asogolela basa lolaleela muhora yaarumiwi?
N’nga Pedru na Juwau tairilen’ni tangava-iwile malangi-o naarumiwi afwiwa?
Basa lofuneya maningi linosogolela Gulu Lotonga, tolaleela. Muonele VIDIYO.
Yesu atoonga ira basa lolaleela tofuneya maningi. Muleri Marku 13:10, mwamala mutapanye vyofuka vyo-arelavi:
Mwasiwa ngwan’ni Gulu Lotonga linoona ira basa lolaleela tofuneya maningi?
Mwasiwa ngwan’ni ninofuneela dhaari ororomeleya na wazelu ira awendi-enga basa lolaleela linoireya vailambo yothene yavathi?
5. Dhaari ororomeleya unovelela malangi-o
Abali a Gulu Lotonga anovelela malangi-o wa Makristau vailambo yothene yavathi. N’nga anoidhiwa a-vi malangi-o anofwanela aliwa velela? Muone mwemo Gulu Lotonga la muhora yaarumiwi mwairela aliwa vyevi. Muleri Mayirelo 15:1, 2, mwamala mutapanye vyofuka vyo-arelavi:
N’nga Makristau a muhora yaarumiwi tarucheya vwelana vamwasa uvi?
N’nga Paulo, Barnaba naatu enango tadhowile wani ira tamavelele malangi-o omali-edha mwasa wenuo?
Muleri Mayirelo 15:12-18, 23-29, mwamala mutapanye yofuka yo-arelai:
N’nga Gulu Lotonga la muhora yaarumiwi lairile a-vi la-anasakule vyoira ira liidhiwe mathuulelo a Nlungu vamwasuo? Muone maversu 12, 15, na 28.
Muleri Mayirelo 15:30, 31 na 16:4, 5, mwamala mutapanye vyofuka vyo-arelavi:
N’nga Makristau a muhora yaarumiwi tairan’ni tawachela malangi-o okumela wu Gulu Lotonga?
N’nga Yohova aaraeli-a a-vi namwasa ovwela malangi-oao?
Muleri 2 Timoteo 3:16 na Yakobo 1:5, mwamala mutapanye yofuka yo-arelai:
N’nga Gulu Lotonga la malamboano linoira a-vi ira lifwanye malangi-o lafunanga sakula vyoira?
ATU ENANGO ANOONGA IRA: “Mwavwelanga Gulu Lotonga munokala mu-arelanga malangi-o aatu.”
N’nga chini inausikimizeli-edheni ira Yesu ngunosogolela Gulu Lotonga?
MAKUNDO OGWANDELA
Gulu Lotonga ndi “dhaari ororomeleya na wazelu” wenuo u-eliwile na Kristu. Dhaarula unovelela malangi-o thitho yodya yauzimu wa Makristau availambo yothene yavathi.
Vyofuka vyowelela
N’nga dhaari ororomeleya na wazelu a-eliwile naani?
N’nga Gulu Lotonga linonisamalela a-vi?
N’nga nyo munororomela ira Gulu Lotonga ndi “dhaari ororomeleya na wazelu”?
IDHIWANI VINJINJI
Muone mwemo Gulu lotonga munalabela aliwa basa liwa.
“Kodi Bungwe Lolamulira la Mboni za Yehova Limachita Zotani?” (Mwasa wavasaiti)
Muone mwemo Gulu Lotonga munairela aliwa voonechecha ira ninowachela yodya yauzimu yapama.
N’nga abali a Gulu Lotonga tanoliona a-vi basa laava-idhe Yesu?
N’nga migumano ya pingo thitho migumano milukulu inothonyi-edha a-vi ira Yohova unosogolela Gulu Lotonga?