Munooda kami-a banja linyu ira likalenga losangalala

Yohova unofuna ira mabanja takalenga osangalala. (Sal 127:3-5; Namal 9:9; 11:9) Mbwenye imwerumweru yi-u inooda dhodhome-eya namwasa wa vyoireya vya ilamboi venango vyodawa vyaatu abanjani mwi-u. N’nga uliwethene banjani unaire a-vi ira akami-e banjalo kala losangalala?

Lombwana amlemezenga i-yanee. (1Pe 3:7) lombwana unolemeza i-yanee, unokaana hora yowaredhana na liye. Kanodedi-edhela vyongo vinjinji kwaranya vile i-yane vinaode liye thitho unothonyi-edha ira unomsimba vavile vinom’mwirela liye na vinoirela liye banjalee. (Akol 3:15) Unomthonyi-edha udhivela thitho unomtitimi-a.—Sang 31:28, 31.

I-yana unosakasaka dhila yomkami-edhana man’nee. (Sang 31:12) Unomgonjela thitho unoira vyongo movwelana na man’nee. (Akol 3:18) Unoonga na man’nee moriya rima thitho unoonga vyongo vyapama vyokuza maneuo.—Sang 31:26.

Anamabala anokaana hora yowaredha naa-imiwa. (Dotor 6:6, 7) Anoawandela a-imiwa ira anoadhiveliwana. (Mat 3:17) Taalangi-anga a-miwa, anoira vyongo mwaudhivela thitho mozindiyela.—Aef 6:4.

A-ima anolemeza anamabaliwa noavwela. (Sang 23:22) Anoawandela vinothuulela aliwa thitho mwemo munovwela aliwa. Anovwela malangi-o okumela wa anamabaliwa thitho anoalemeza.—Sang 19:20.

MUONELE VIDIYO YOI, MUZISANGALALA M’BANJA MWANU, MWAMALA MUWAKULE YOFUKA YO-ARELAI:

N’nga uliwethene banjanimu, airilen’ni ira banja liwa likale losangalala?