Makundo Okami-a Vofunjedha

Muromenga vyongo vyofuneya maningi

I-yo othene ninokaechana hora yoyeva ira nifunjedhenga vaokene. N’nga ninaire a-vi ira ni-indi-edhenga pama basa hori-u? Yoroma, mukaengana hora yokwakwanela yoi muleri. Munooda ganyali maningi mwafunjedhanga mopwasedha vyongo vyoyeva baa-i, i-yana nofunjedha vyongo vinjinji mombaranya.

Mwaira e-no, muonechechenga ira vyongo vyofuneya maningi pivi. (Aef. 5:15, 16) Muthuulele makundo o-arelala:

• Muleringa Bibilya malambo othene. (Sal. 1:2) Thandha oleri Bibilya wa migumano ya wari mwa sumana, unooda kala maromelo apama maningi.

• Mukozeelenga Nsanja ya Namaing’anela yofunjedha na migumano ya wari mwa sumana. Mukalenga okozeya wakula vamigumanoni.—Sal. 22:22.

• Vyakala vyoodeya mudhilimbi-edhenga kaana hora yoi muleringa vyongo vipya ninga marevista ogawela na vyongo vipya vi-eliwile va jw.org.

• Mukaengana masaka-edho oi mufunjedhenga myasa inangoyee. Munooda sakasaka vyokuza nyarwa inogumanana nyo, yofuka inanyo venango mwasa unangwee wa Bibilyani wafuna nyo munga uvwechechile pama. Ira mufwanye makundo enango anofuna nyo funjedha muvolowe va jw.org va ikundu yoi “Zoti Muchite Pophunzira Baibulo.”