MURU OFUNJEDHA 30
NYUMBO 97 Mawu a Mulungu Amatithandiza Kukhala ndi Moyo
N’nga makhundo oroma a Bibilyani anaukhami-eni a-vi malamboano?
“Ndinofuna ira ndiuthuucheni vyongo vyevi hora dhothene, angalive ira mutoidhiwa wale thitho muli olimba muimbarimbari.”—2 PE. 1:12.
VINOFUNA I-YO FUNJEDHA
Muyofunjedha yei ninofunjedha makhundo oroma a Bibilyani enao aafunjedhile i-yo niiranga roma wene imbarimbari.
1. N’nga makhundo a Bibilyani taukami-idheni a-vi mungaromile wene funjedha imbarimbari?
MAKHUNDO oroma a bibilyani tatoonikami-a maningi vaingumi-u. Mwaifwanafwani-o, ningaidhiwile ira dhina la Nlungu ndi Yohova natoodhilimbi-edha ira akale fwi-u. (Esa. 42:8) Ningaidhiwile vinoireya mutu akwa, kaninokumbanya ira bali-u odhiveliwiwa ukwide unaaoni-iwa nyarwa. (Nam. 9:10) Thitho ningafunjedhile vyoi Nlungu utolanyedha paradaiso, kaninokumbanyedha vyokuza sogolo li-u. Ninoidhiwa ira ninodha kaana ingumi, a-kala wahora yoyeva ninga vyawa—70 venango 80—baai, mbwenye modhowa nodhowa.—Sal. 37:29; 90:10.
2. N’nga lemba la 2 Pedru 1:12, 13 linothonyi-edha a-vi makhundo oroma anokami-a wamakristau enao anotumikela Yohova wahora indendai?
2 Kaninofwanela diwala makhundo oroma a Bibilyani. Mu kartalee lanambili, rumiwi Pedru atoolembela makristau enao ali “olimba muimbarimbari.” (Muleri 2 Pedru 1:12, 13.) Mbwenye va-eeni anogumanana nyarwa dhinango pingoni, thangani-avo anamafunji-a onama thitho atu othakala. (2 Pe. 2:1-3) Pedru afuna limbi-a abali naarongolee ira taode limbanana nyarwa dhedhi. Ee-no liye atoowathuucha vya vyongo vyafunjedhile aliwa voroma. Makhundo enala tangaodile alimbi-a ira takaleve ororomeleya wa Yohova fiyedha komoni.
3. Mwasiwa ngwan’ni makristau othene tanofwanela thuulelanga makhundo oroma a Baibilyani? Muongemo.
3 Makhundo oroma a Bibilyani tanooda nikami-a akala ira niromile wale nlabela Yohova. Nifwanafwani-edhele mo-i ee-ni: mutu wadodoliso oidhiwa piya thitho na mutu oi unaafunjedha piya unooda indi-edha basa vyongo vyofwanafwana vopiya yodya. Mbwenye mutu wadodoliso wenuo ukadhi apiyanga wahora indendai, unokala angafunjedhile wale indi-edha basa vyongo vyopiyana yodya yoriya mundhila dho-iyana-iyana. Molandana na vyevi, Arumiwi a Yohova enao takanle tam’tumikelanga wa vyawa vinjinji na anamafunjedha apya, tanooda ona makhundo oroma a Bibilyani mo-iyana. Vyongo vaingumii-u venango vyongo vikadhi i-yo niiranga vom’tumikela Yohova, vinokala vyo-iyana kumela vahora ibadiziwile i-yo. Na-indi-edhanga basa makhundo enao afunjedhile i-yo walelene, ninooda fwanya makhundo mapya movwelana na muli vyongo va-eeni. Dhoweni nione mwemo makristau enao takanle tam’tumikelanga Yohova wa vyawa vinjinji, munafunjedhele aliwa makhundo mararu oroma a Bibilyani.
YOHOVA NDI NAMAPANDUCHA
4. N’nga idhiwa ira Yohova ndi namapanducha unanikami-e a-vi
4 Bibilya linoonga ira “upanduchile vyongo vyothene ndi Nlungu.” (Aeb. 3:4) Ninoidhiwa ira ilambo yavathila na vyongo vyothene vyapanduchiwile na namapanducha wazelu thitho wakopolo dhothene. Liye ngwenuo unipanduchile thitho unoniidhiwa pama maningi. Mbwenye yongo yofuneya maningi choi liye unonisamalela. Yohova unoidhiwa vyongo vyapama maningi wa i-yo. Idhiwa makhundo o-orucha aimbarimbari okhuza Yohova namapanducha, unooda nikami-a mundhila dhinjinji thitho unoniiri-a ira nikaengana ingumi yapama.
5. N’nga ndi likhundo liivi laimbarimbari lelo linanikami-e kala odhiyevi-a? (Esaya 45:9-12)
5 Likhundo loi Yohova ngu namapanducha, linooda nifunji-a kala odhiyevi-a. Mwaifwanafwani-o, vahora yathuulela Yobo vya liye thitho vyaatu enango Yohova atoothuucha ira liye ngu namapanducha wakopolo dhothene. (Yob. 38:1-4) Vyevi vyatothuucha Yobo ira ndhila dha Yohova tavadhulu maningi kwaranya dhaatu. Movwelana na likhundo leli, vasogolovee namaongela Esaya atoolemba ira: “N’nga ulongo unooda fuka mulimbo omba yombwe ira: ‘N’nga unoira n’ni?’”—Muleri Esaya 45:9-12.
6. N’nga ndi vahora iivi vevo vanafuna i-yo thuulelanga vya namapadhuchi-u wazelu thitho wakopolo dhothene? (Muone thitho iruthiruthi.)
6 Mutu wenuo ukanle alabelanga Yohova wa vyawa vinjinji unooda nyindelanga zeludhee baa-i, malo mom’nyindelanga Yohova namadhwee ira am’sogolele. (Yob. 37:23, 24) N’nga a-vi akala mutu unothuulela vya zelu dho-okaana madile thitho kopolo dhedho dhina namaphanducha? (Esa. 40:22; 55:8, 9) Makhundo aimbarimbari enala anooda ukami-ani ona ira mathuulelo a Yohova mbolinyali thitho mbofuneya maningi.
N’nga chini inandikami-e ira ndionenga mathuulelo a Yohova ira mbapama maningi kwaranya aatu? (Muone ndima 6)d
7. N’nga chini yam’kami-idhe Rahela ira arumelele chinja weo waireile?
7 Raela wenuo unokala wu Slovenia, aona ira thuulela vyokhuza namapanduchee wam’tonkami-a rumela chinja weo waireile mugululi. Liye atoorumela ira: “Hora dhinango vyanoondirucha roromela vyongo vyasakunle abali enao anonisogolela. Mwaifwanafwani-o, angalive ira vasogolo voonela Lipoti la Bungwe Lolamulira la Nambala 8 la 2023, vyaoneya kala vyailendo wa miyo wahora yoroma ona bali angana ndevu aonganga mwasa ee-no ndatoovepa Yohova ira andikami-e rumelela chinja weu.” Raela atoozindiyela ira Yohova ngu namapanducha wadhulu thitho wavailambo yavathi, hora dhothene ninoidhiwa pama moda munasogolele liye gulule. Akala nyo thitho hora dhinango munorucheya a-rela malangi-o mapya venango chinja unoireya, munooda ira pama dhiyevi-a nothuulelanga kopolo na zelu dha namapanduchi-u wavadhulu.—Aro. 11:33-36.
MWASEE NLUNGU UTORUMELI-A IRA ATU TARUCHEYENGA
8. N’nga idhiwa mwasa oi Nlungu utorumeli-a ira atu tarucheyenga unonikami-a a-vi?
8 Mwasiwa ngwan’ni Nlungu unorumeli-a ira atu tarucheyenga? Namwasa oimwanana fwanya yowakula ya yofuka yei, atu enango tanom’nyanyuwelecha Nlungu venango roma onanga ira kaliwo. (San. 19:3) Mo-iyana naatu enala, nyo mutofunjedha ira madao mbenao anoiri-a ira atu tarucheyenga, a-kala ira unoiri-a ngu Yohova. Mutofunjedha thitho ira leva rima wa Yohova utokami-a ira atu anjinji tam’mwidhiwe thitho dhionela okene moda Yohova munamali-edhele liye vyorucha vyothene modhowa nodhowa. (2 Pe. 3:9, 15) Makhundo aimbarimbarala anoulimbi-ani thitho ukami-ani ira mukale vauxamwali olimba na liye.
9. N’nga ndi vahora iivi vevo vanofuneela i-yo thuulela mwasiwa Yohova utorumeli-a ira atu tarucheyenga?
9 Ninoidhiwa funeya okala oleva rima vahora inodedhi-edhela i-yo ira Yohova amali-e nyarwa. Mbwenye atu anoadhiveliwana i-yo tagumanangana vyorucha, vyo-olongomana venango takwa, ninooda onanga ira Yohova unaadembuwa mali-a nyarwa. (Aba. 1:2, 3) Vahora ninga dhedhi, ninooda ira pama thuulelanga vyofuneya vyevyo Yohova virumeli-idhe liye ira atu olongomana tarucheyenga.a (Sal. 34:19) Nithuulelenga thitho ifunelwe yodhamali-a nyarwa modhowa nodhowa.
10. N’nga chini yamkami-idhe Anne ira avilele m’me angakwide?
10 Idhiwa mwasee urumeli-idhe Yohova ira atu tarucheyenga unonikami-a vilela. Anne wenuo unokala vaisuwa ya Mayotte va-inje wa Oceano Indiku, Aongile ira: “M’manga angakwidhe vyawa vingasi ndulimu ndatoosukwala maningi. Mbwenye hora dhothene ndinothuulela ira kai Yohova uiri-idhe ira atu tarucheyenga. Liye unofunechecha mali-a nyarwa dhothene thitho dhavenyati-a abali-u odhiveliwiwa enao takwide. Thuulela makhundo aimbarimbari enala unondiva-a rendele warimani wenuo unondidabwi-a.”
11. N’nga thuulela mwasa uiri-idhe ira atu tarucheyenga unanikami-e a-vi ira nidhowenganave laleela?
11 Idhiwa mwase urumeli-idhe Yohova ira atu tarucheyenga unonilimbi-a ira nidhowenave laleela. Angaogile ira leva rima wa Yohova unodha kami-a atu ira tavulumuwe, Pedru atoolemba ira: “Muthuulelenga vya tundu wamutu munofwanela nyo kala. Munofwanela kala mutu ochena thitho mulabenga mabasa othonyi-edha ira muli odhivelela wa Nlungu.’’ (2 Pe. 3:11) Laleela ndi imbo-i mwa vyongo vinothonyi-edha i-yo ira nili “odhivelela wa Nlungu.” Molandana na babi-u, i-yo thitho ninodhiveliwana atu. Ninofuna ira aliwa tadhavolowe muilambo ipya mwemo munofuna dhakala longomano. Moleva rima, Yohova unovelela ngari waatu atatamo linyu oi taromenga n’lambela. Ndi ngari ilukulu maningi kala afwee a Nlungu, nokami-a atu moda munaodele i-yo idhiwa vya liye komoni wa-anafiye.—1 Ak. 3:9.
NINOKALA “MUMALAMBO OMARI-A”
12. N’nga idhiwa ira ninokala “mumalambo omari-a” unanikami-e a-vi?
12 Bibilya linoonga mwaimbarimbari makalelo aatu okuza “malambo omari-ala.” (2 Ti. 3:1-5) Ninofwanela ona moda uli vyongo tatamoni uli i-yo ira nione moda unokwakwaneli-edhiwa ulosula, naona makalelo aatu tadhowanganave thakala vinonikami-a thuulela maningi ira madhu a Nlungu mbonyindeleya.—2 Ti. 3:13-15.
13. Movwelana na ifwanafwani-o ya Yesu inofwanyeya valemba la Luka 12:15-21, n’nga ninofwanela dhifuka yofuka iivi?
13 Idhiwa ira ninokala malambo omari-a, unonikami-a ona ira vyongo vyofuneya maningi ndi viivi. Dhoweni nioneni vyongo vinafunjedhe i-yo vamakhundo enala khumela va ifwanafwani-o ya Yesu inofwanyeya valemba la Luka 12:15-21. (Muleri.) Mwasiwa ngwan’ni mutu wafuma muifwanafwani-o atooitaniwa ira “o-okaana zelu”? Kaiira liye atoonga vyevi namwasa oi mutuo ali ofuma, mbwenye namwasa oi kaa-ela vyongo vyofuneya valimburo loroma. Liye “atoodhigumanyela fuma yavailambo yavati mbwenye kaali ofuma wa Nlungu.” Mwasiwa ngwan’ni mutuo anoofuneela iravo yongo mombaranya? Namwasa oi Nlungu atoomwandela ira: “Ma-iyano unokwa.” Malamboano, vinowandamela komoni wailambwila, ninodha ira pama dhifukanga ira: ‘N’nga vifunelo vyanga vinooni-a ira vyofuneya maningi chini? N’nga ndinokami-a a-imanga kaana vifunelo vyoi a-vi? N’nga ndino-indi-edha basa kopolo dhanga, na horanga, vodhigumanyela kobiri venango ndinolokota fumanga dhulu?’
14. N’nga ifwanafwani-o ya Miki inothonyi-edha a-vi ira ndi zelu thuulela umboni wamalemba oi ninokala mumalambo omari-a?
14 Thuulela umboni oi nili mumalambo omari-a, unooda nikami-a sakula vyongo vyofwanelela irana vaingumii-u. Vyevi ndi vyairile rongola mwinango dhinalee Miki. Liye aongile ira: “ndingamari-idhe funja xikola ndanoofunechecha ira mafunji-edho avadhulu okuza vinyama. Ndatookana ifunelo yofuna ira upainiya thitho tumikela weo wafuneya anamalaleya anjinji. Afwanga olimba mwauzimu atoondikami-a ira ndithuulele mosamala akala vyali vyofuneyadi ira ndiire mafunji-edho avadhulwale venango kaana vifunelo vyauzimu. Aliwa tatoondithuucha ira vachineneeva komoni wailambo-i unofiya. Aliwa thitho atoondiwandela ira mu ilambo ipya ndinodha kaana ngari yofunjedha vyokuza vinyama. Ee-no ndatoosakula ira mafunji-edho ahora yoyeva enao anandikami-e fwanya vyofuneela vyavaingumini wunangou ndiiranga upainiya. Ee-no ndatoothamela wu Ecuador, weo wafuneela anamalaleya anjinji.” Va-eeni Miki na man’nee anotumikela ninga anamaing’anela isa wuilambwiyo.
15. N’nga atu enango tanoira a-vi tavwa milanyu yapama? Muonge ifwanafwani-o. (Muone iruthiruthi.)
15 Kaninofwanela kaana pwadho akala atu enango katinovuruwana milanyu yapama. Ninoonga ee-no namwasa oi atu tanooda chinja. Ifwanafwani-o vamwasula ndi Yakobo balee Yesu liye atoona Yesu aulukulanga nokala Mesiya thitho atoofunji-iwa kwaranya mutu uliwethene. Mbwenye wa vyawa vinjinji, Yakobo kakanle nama-arela wa Yesu. Liye atookala nama-arela—wathindhi vasogolo voi Yesu utovenyathi-iwa.b (Ju. 7:5; Agl. 2:9) Ee-no kani-iye laleela abali-u enao voroma katathonyi-edhe ifunelo thitho niwelelenga waatu enao takondile vuruwana milanyu yaumwene. Nithuulelenga ira ninokala mu malambo omari-a, thitho basi-u yolaleela inofuneya labiwa mombaranya. Vinooneya ira vyongo vinaawandele i-yo va-eeni anoda vithuulela sogolou wadhaireya yongo inango thitho nyarwa ilukulu yadharoma.c
N’nga chini inanikami-e ira nilaleelengave abali-u oi kai amboni? (Muone ndima 15)e
MUSIMBENGA VYOTHUUCHA VYA YOHOVA
16. N’nga vyothuucha vya Yohova vinoukami-ani a-vi? (Muone kwadru loi “Mu-indi-edhenga basa vokami-a atu enango.”)
16 Vinango mwa vyodya vyauzimu vyevyo vinowachela i-yo, vinosaka-edheliwa waatu oi katinavwevo imbarimbari. Mwaifwanafwani-o, myasa yotheene inoongiwa vasumana iliyothene, na mavidiyo enango ava jw.org, thitho marevista ogawela, anosaka-edheliwa atu oi kai amboni. Angalive vili ee-no iyo thitho ninoganyali na vyongo vyevi. Vinonikami-a ira nim’dhiveliwengana maningi Yohova, niroromelenga madhwee thitho nifunji-enga atu mo-inda rima makhundo oroma a imbarimbari.—Sal. 19:7.
17. N’nga ndi vahora iivi vevo vanathuulelenga i-yo makhundo oroma a Bibilyani?
17 Waatu oi niromile wale m’tumikela Yohova ninokala osangalala navwa makhundo aimbarimbari enao tachinjile. Ninosimba maningi makhundo aimbarimbari enao afunjile i-yo voroma atonikami-a kala vauxamwali wapama na Yohova. Akala hora dhinango ninokamela, mathuulelwi-u, malo mo-arelanga malangi-o a gulu la Yohova nidhiyevi-enga thuulela namapanduchi-u wakopolo thitho wazelu ngwenuo unosogolela gululee. I-yo venango atu anowadhiveliwana i-yo tavilelanga vyowesedha hora dhinango, nikalenga oleva rima nothuulela mwasee Yohova utorumeli-a ira atu tarucheyenga. Nasakulanga moda muna-indi-edhe i-yo basa hori-u na fumi-u, nithuulelenga ira ninokala mumalambo omari-a. Dhoweni nirumeli-enga ira vithuucho vya Yohova vinikami-e kala atu azelu thitho dhowanave m’tumikelanga mororomeleya.
NYUMBO 95 Kuwala Kukuwonjezerekabe
a Muone mwasa oi “Mavuto onse azatha posachedwapa” mu Nsanja ya Olonda ya 15 wa maio wa 2007, thakuru 21 fiyedha 25.
c Muone mu Nsanja ya Namaing’anela ya maio wa 2024 thakuru 8 fiyedha 13 va mwasa oi N’nga ninoidhiwa n’ni vamwasa oonga mwemo Yohova munofuna liye dhatongela atu?
d MADHU OONGA IRUTHIRUTHI: Gulu laandimua kalino-arela mathuulelo a ndimua mwinango. Vasogolovee angali nyumbaniwee, ndimuo aing’ananga nyenyedi dhulu thitho dhinon’kami-a ira aromenga ona mofwanelela mathuulelweee.
e MADHU OONGA IRUTHIRUTHI: Vasogolo vofunjedha vaekene nosakasaka umboni osikimizela ira nili malambo omari-a, rongola unaligarela balee angali merekado agulanga vyongo namwanee wa-iyana ira anlaleele.