Kamukaikelenga ira Yohova unolevelela

1-2. N’nga atu achinyuwile anovivwa a-vi Yohova aalevelela? (Muone yavakapani.)

MWENE Davide anooidhiwa pama moda munodhivwela mutu adhiombanga landu namwasa wa vyongo vyadawi-idhe liye ndulimu. (Sal. 40:12; 51:3, madhu oroma) Liye ali angairilevo vyodawa vilukhulu vaingumiyee. Davide atoochinyuwa mokhumela vathi varima thitho Yohova atoom’levelela. (2 Sa. 12:13) Ee-no liye anooidhiwa moda munodhivwela mutu Yohova am’levelela.—Sal. 32:1.

² Mofwanafwana na Davide, nyo thitho munooda sangalala mwazindiyela ira Yohova utouvwelani tangaranga. Pyolimbi-a idhiwa ira Yohova ngofunechecha nilevelela vyodawa vi-u masiki vilukhulu. Liye unonilevelela narumela vyodawa vi-u, nachinyuwa mokhumela vathi va rima thitho nadhilimbi-edhanga ira na-aviwelele okoka. (San. 28:13; May. 26:20; 1 Ju. 1:9) Pyosangalali-a idhiwa ira Yohova alevelela, unokala ira utofudhelatu vyodawavyo.—Zak. 33:16.

3-4. N’nga rongola mwinango adhivwide a-vi angabadiziwile, n’nga ninotapanyan’ni muyofunjedha yei?

³ Mbwenye hora dhinango, atu enango vinowarucha roromela ira Yohova utowalevelela. Vyevi pyaireele Jennifer oi aulukhulele banja la Mboni. Liye angali zombwe atooroma irana vyongo vyothakala thitho ingumiyee yali yainyengo. Vangavirile vyawa atoowelela wa Yohova thitho atoobadiziwa. Liye aongile ira: “Voroma ndanoodhiveliwana maningi vya mararuwo, lezela, thakaleliwa maningi, thitho ndanoodhiveliwana maningi kobiri. Ndanooidhiwa ira akala ndinolobela wa Yohova ira andilevelele nochinyuwa, sembe ya Kristu inooda ndikami-a kala ochena. Mbwenye ndanooimwanana sikimizeli-a rimanga ira Nlungu utondilevelela.”

⁴ N’nga hora dhinango vinouruchani roromela ira Yohova utoulevelelani vyadawi-idhe nyo? Yohova unofuna mwa-akaikelenga ira liye utouvwelani tangaranga thitho unofuna ira musangalalenga ninga mwemo mwairile Davide angaleveleliwile vyodawavyee. Muyofunjedha yei ninotapanya mwasee unofwanela i-yo a-kaikelanga ira Yohova unolevelela. Ninoona thitho inofuna nikami-a ira niroromelenga vyevi.

N’NGA MWASIWA NGWAN’NI KANINOFWANELA KAIKELA IRA YOHOVA UNOLEVELELA?

5. N’nga Satana unofuna niroromelenga n’ni? Muonge ifwanafwani-o.

⁵ Naroromelanga ira Yohova unolevelela, ninooda rambela imbo-i mwa migo-i ya Satana. Nithuulele ira Satana unodhilimbi-edha irana vyongo vyothene vinaode liye ira aniimwanani-e m’labela Yohova. Ira akwakwaneli-edhe ifuneloyee, Satana unooda iri-a ira nikaikelenga akala Nlungu unooda nilevelela vyodawa vi-u. Ifwanafwani-o vamwasa wen’na, ndi mutu mwinango wau Koritiyo wenuo akhumi-iwile pingoni namwasa wa mararuwo. (1 Ak. 5:1, 5, 13) Mutuo angachinyuwile, Satana afuna ira abali naarongolee ta-am’levelele nom’mwachela okoka pingoni. Vahora imbo-ive yeniyo liye afuna ira mutu ochinyuuo adhivwenga ira kanooda leveleliwa. Afuna ira liye adhivwelenga tangaranga mokwaranyi-a madile fiyedha fooka no-iya m’labela Yohova. Satana kanachinje, liye uno-indi-edhave basa go-i wen’na. Mbwenye i-yo ninoidhiwa ira “nitoidhiwa pama migo-ee.”—2 Ak. 2:5-11.

6. N’nga chini inanikami-e ira na-adhiombenga landu?

⁶ Naroromelanga ira Yohova utonilevelela, kaninodhowanave dhiomba landu. mwaibaliwelo, nadawa ninodhiomba landu. (Sal. 51:17) Vyevi pyapama namwasa oi ithuulela rimi-u inooda nilimbi-a ira nichinje nosaka-edha vyongo. Mbwenye nadhiombanga landu wahora yolapela vasogolo voi nitochinyuwa, ninooda fooka no-iya m’labela Yohova. (2 Ak. 7:10, 11) Mbwenye narumela ira Yohova utonilevelela nino-iya dhiomba landu. Naira e-no ninom’labela Yohova mosangalala ningana ithuulela rima yapama ninga munofunela liye. (Ako. 1:10, 11; 2 Ti. 1:3) N’nga ninasikimizeli-e a-vi rimi-u ira Yohova utonilevelela?

N’NGA CHINI INANIKAMI-E ROROMELA IRA YOHOVA UTONILEVELELA?

7-8. N’nga Yohova adhiongile a-vi wa Mose, n’nga vyevi vinonisikimizela n’ni? (Ekisodo 34:6, 7)

⁷ Nithuulelenga vyaongile Yohova vyokhuza liye. Mofwanafwani-a, muone vyongo vyam’mwandenle Yohova Mose Vamwango wa Sinai.a (Muleri Ekisodo 34:6, 7.) Vavyongo vyothene vyaongile Yohova vyokhuza makalelo na ndhiladhee, liye atoosakula dhionga ekhene ira ndi “Nlungu watangaranga na oriya rima.” N’nga Nlungu wen’na unoimwanana levelela namalabee oi utochinyuwa mokhumela vathi varima? Mwaimbarimbari khabe. Irana vyongo vyevi ndi a-kaana tangaranga thitho thakala rima, vyongo vyoi Yohova kanooda irana navang’onovene.

⁸ Ninororomela Yohova aonganga ira liye ngwatangaranga namwasa oi kanonama. (Sal. 31:5) Ee-no kaninokaikela navang’onovene vyongo vinoonga liye. Akala munodhowanave dhiomba landu namwasa wa vyongo vyadawi-idhe nyo ndulimu, munooda dhifuka ira: ‘N’nga ndinororomela ira Yohova ngwatangaranga’ oriya rima thitho ira kanoimwanana levelela mutu uliwethene uchinyuwile? N’nga vatokala mwasa oi ndikaikelenga ira utondilevelela?’

9. N’nga madhu oi levelela anoonga vya n’ni? (Salimo 32:5)

⁹ Nithuulelenga vinoonga Bibliya vyokhuza levelela wa Yohova. Mwaifwanafwani-o, nithuulele vyaongile Davide vamwasula. (Muleri Salimo 32:5.) Liye aongile ira: “Nyo mwatoondilevelela vyododoma na vyodawa vyanga.” Madhu Aiebere athapuleliwile ira “levelela,” anothapulela “tukula” venango “khumi-a.” Vahora yalevelele Yohova Davide, vyali ninga utotukula nokhumi-a vyodawavyee. Vingaireile e-no Davide atooroma dhivwa pama namwasa oi vyali ninga utorula tolo onyemela. (Sal. 32:2-4) Na-iyene thitho Yohova anilevelela ninoroma dhivwa pama rimani. Nachinyuwa mokhumela vathi varima, kanidhowenave dhiomba landu namwasa wa vyodawa vyoi Yohova utovitukula novikhumi-a.

10-11. N’nga madhu oi “okozeya levelela” anoniwandela n’ni vyokhuza Yohova? (Salimo 86:5)

¹⁰ Muleri Salimo 86:5. Voonga vya Yohova valembali Davide atoonga ira, ‘ndi okozeya levelela.’ Voonga madhu enala, bukhu n’nango latoonga ira: “Yohova ndi ‘olevelela,’ puemu ‘muli liye.’” N’nga mwasiwa ngwan’ni Yohova ngolevelela? Ikhundu yo-arela ya versu leli inoonga ira: “Munothonyi-edha udhivela ulukhulu ororomeleya waatu othene anouitanani.” Ninga muoni i-yo muyofunjedha ivirile, udhivela ngunoiri-a Yohova kala vauxamwali olimba naanamalabee ororomeleya. Udhivelula ngunom’mwiri-a thitho ira ‘alevelelenga narima wethene’ atu othene achinyuwile. (Esa. 55:7) Akala hora dhinango vinouruchani roromela ira Yohova utoulevelelani, munooda dhifuka ira: ‘N’nga ndinororomela ira Yohova Nlungu ngolevelela oi unokala okozeya levelela atu othene tachinyuwile thitho m’vepha ira aathonyi-edhe tangaranga? N’nga kandinofwanela roromela ira atoondilevelela ndingam’vephile ira andivwele tangaranga?’

¹¹ Pyolimbi-a idhiwa ira Yohova unovwechecha moda mwanipanduchile liye thitho ira kanili olongomana. (Sal. 139:1, 2) Vyevi vitoongiwa pama mu salimo n’nango la Davide loi linonikami-a roromelanga ira Yohova unolevelela.

KANIDIWALENGA VYONGO VINOTHUULELA YOHOVA

12-13. Movwelana na Salimo 103:14, n’nga Yohova unothuulela n’ni vyokhuza i-yo, n’nga vyevi vinom’limbi-a irana n’ni?

¹² Muleri Salimo 103:14. Davide atoonga ira Yohova “unothuulela ira nili tumbulu.” Na madhu enala, Davide atoonga mwasee Yohova unokalela liye okozeya levelela anamalabee oi atochinyuwa. Ngumwasee liye unoidhiwa ira nili odawa. Ira nivecheche vyevi, dhoweni nione okoka madhu a Davidala.

¹³ Davide atoonga ira Yohova ‘unoidhiwa pama moda wanipanduchile liye.’ Liye atoopanducha Adamu “khumela mateyani.” Ee-no liye unoidhiwa ira masiki mutu olongomana unofuneela vyongo ninga udya, gona thitho vuma. (Mar. 2:7) Mbwenye vadawile Adamu na Eva, atu tatookala thitho tumbulu mundhila inango. Voi nili mbumbiwa, natoolandela yodawa yoi inoniiri-a ira niirenga vyothakala. Kaiira Yohova unoidhiwa baa-i ira nili odawa. Davide atoonga ira liye ‘unothuulela’ vyevi. Madhu Aiebere athapuleliwile ira “thuulela,” anooda thapulela irana vyongo mwatangaranga. Ninooda onga ira madhu a Davidala anothapulela ira Yohova unovwechecha ira hora dhinango ninooda dawi-a vyongo. Thitho vyevyi vyaniireela i-yo chinyuwa mokhumela vathi va rima, unonivwela tangaranga nonilevelela.—Sal. 78:38, 39.

14. (a) N’nga Davide aongile ira levelela wa Yohova unogomela vavi? (Salimo 103:12) (b) N’nga ninofunjedhavo n’ni naona moda wanlevelele Yohova Davide? (Muone kwadru loi, “Yohova unolevelela thitho unodiwala vyadawi-idhe i-yovyo.”)

¹⁴ N’nga Yohova unolevelela gomela vavi? (Muleri Salimo 103:12.) Davide atoonga ira Yohova alevelela, uno-ela vyodawa vi-u “undendayi na i-yo” ninga “mwemo makhumelo adhuwa muli aliwa olaphelana na mavirelo adhuwa.” Hora dhothene wu makhumelo adhuwa unolaphelana maningi na wu mavirelo adhuwa moi vikhundu vinlivi kavinooda gumana. N’nga vyevi vinoniwandela n’ni vyokhuza vyodawa vinilevelele Yohova? Bukhu n’nango latoofwanafwani-a vyevi moi e-ni: “Nlungu akhumi-a vyodawa vi-u novi-ela undendayi na i-yo, unokala ninga utokhumi-elatu yongo moi masiki kwemalee kalinavweyeve.” Kathuulelani! kwema linooda m’mwiri-a mutu thuulela vyongo vinango. Mbwenye Yohova alevelela, vinokala ira utokhumi-elatu kwema loi lingairi-dhe ira athuulele yodawai-u noniomba landu.—Zak. 18:21, 22; May. 3:19.

15. N’nga ninaire a-vi akala ninodhowanave dhiomba landu namwasa wa vyongo vyadawi-idhe i-yo ndulimu?

¹⁵ N’nga madhu a Davide a mu Salimo 103 anaode a-vi nikami-a roromelanga ira Yohova unonilevelela? Akala ninodhowanave dhiomba landu namwasa wa vyongo vyadawi-idhe i-yo ndulimu, ninooda dhifuka ira: ‘N’nga ndinodiwala vinothuulela Yohova venango ira n’nga ndinodiwala ira liye unothuulela vyoi miyo ndili odawa thitho ira unolevelela mutu odawa oi utochinyuwa ninga miyo? N’nga hora dhinango ninodiwalecha ira Yohova utonilevelela? Mofwanafwani-a, n’nga ndinothuulela vyodawa vyandilevele liye ndulimu vyoi kanodha ndiombanave landu?’ Yohova kanothuulela vyadawi-idhe i-yo ndulimu. Ee-no na-iyene thitho kanithuulelenga vyevi. (Sal. 130:3) Naroromelanga ira Yohova utonilevelela, i-yo thitho ninodha diwala vyadawi-ile i-yo nodhowanave m’labela Yohova mosangalala.

16. Muonge ifwanafwani-o yothonyi-edha ophi-a wodhowanave dhiomba landu namwasa wa vyongo vyadawi-idhe i-yo. (Muone thitho iruthiruthi.)

¹⁶ Muthuulele ifwanafwani-o ila: Kalelanga dhiomba landu namwasa wa vyongo vyadawi-idhe i-yo ndulimu, uli ninga wendi-a karo wu niing’ananga va supeyo linooni-a vyanduli. Pyaimbarimbar ira ing’ana va supeyoni mwahora na hora kwapama. Namwasa oi unodha ukami-ani rambela vyongo vyoophi-a vinodha nduli winyu. Mbwenye ira muwende pama munofwanela ing’ananga maningi sogolo. Mofwanafwana na vyevi vinooda kala vyokami-a hora inango ing’ananga vyongo vyadawi-idhe i-yo ndulimu naifunelo yoi nifunjedhevo yongo thitho ira na-awelele okoka irana vyongo vyadawi-idhe i-yovyo. Mbwenye akala ninothuulelave vyongo vyadawi-idhe i-yo, ninooda dhiombanga landu thitho imwanana irana vyongo vinjinji vom’labela Yohova. Malomwee ninofwanela ing’ananga maningi sogolo unodhowa i-yo. Nili vandhila yodhowa muilambo ipya ya Nlungu yoi ‘kaninodha thuulelave’ vyongo vyothakala.—Esa. 65:17; San. 4:25.

MUDHOWENAVE ROROMELA IRA YOHOVA UNOLEVELELA

17. N’nga mwasiwa ngwan’ni ninofwanela dhowanave sikimizeli-a rimi-u ira Yohova unonidhiveliwana thitho nilevelela?

¹⁷ Ninofwanela dhowanave sikimizela rimani mwi-u ira Yohova unonidhiveliwana thitho nilevelela. (1 Ju. 3:19) Ninoonga e-no namwasa oi Satana unodha dhowanave niiri-a onanga ira Yohova kanonidhiveliwa venango ira kanonilevelela. Liye unoirana vyothene vyevi naifunelo yoi ni-iye m’labela Yohova. Ninodedi-edhela ira Satana unongo dhowanave irana vyevi, namwasa oi utoidhiwa ira u-adhina hora yoyeva. (Apk. 12:12) Mbwenye kanirumeli-e ira Satana aganyali.

18. N’nga ninaire a-vi ira nisikimizeli-enga rimi-u ira Yohova unonidhiveliwana thitho nilevelela?

¹⁸ Ira muroromelenga vyoi Yohova unoudhiveliwanani, munooda i-ndi-edha basa makhundo atapanyile i-yo muyofunjedha ivirile. Ira muroromelenga maningi ira Yohova unoulevelelani, muthuulelenga vyaongile Yohova vyokhuza liye. Muthuulelenga vinoonga Bibilya vyokhuza levelela wa Yohova. Kamudiwale ira liye unoidhiwa pama ira muli o-olongomana thitho unodha uirelani vyongo mwatangaranga. Muthuulelenga ira Yohova alevelela unoirana vyevi na rima wethene. Ee-no mofwanafwana na Davide oi kaakaikela ira Yohova utom’vwela thangaranga, munooda onga ira, “Nosimba Yohova namwasa ondilevelela ‘vyododoma na vyodawa vyanga’!”—Sal. 32:5.