Azombwe—muwaredhengana na anamabalinyu mothathuwa

Mwasiwa ngwan’ni munofwanela wandela anamabalinyu vyarimanimwinyu mothathuwa? (Sang 23:26) Mwasiwa Yohova utoava-a izo yousamalelani na uing’anelani. (Sal 127:3, 4) Vinooda kala vyorucha ira taukami-eni mwa-awandelenga vyevyo vinothuulelanyo na vinousukwali-ani. Thitho kamunodha funjedha yongo iliyothene va vyevyo vyaguman’nena aliwa va ingumi iwa. N’nga kudawa a-wandela atu enango vyevyo vinothuulelanyo? Kai hora dothene, mbwenhe akala kamunaanama.—Sang 3:32.

N’nga munaire a-vi ira mutapanyenga pama na anamabalinyu? Muvilimbi-edhenga fwanya hora inakale yapama wanyo thitho wa aliwa. Akala vinouruchani tapanyanaaliwa, munooda lemba karta loawandela mwemo munovivwelanyo. N’nga vinokala a-vi tafunanga tapanyananyo vamwasa wa-anofunanyo tapanya na mutu uliwethene? Muthuulelenga ira ifunelo iwa choukami-ani. Mwaaonenga anamabalinyu kala afwinyu, a-kala amwiidaninyu. Mwavilimbi-edhanga onga na anamabalinyu mothathuwa, vyongo vinodha uwendelani pama vaingumiinyu yothene, thitho munodha fwanya ingumi yo-omala!—Sang 4:10-12.

MUONELE VIDIYO YOI MOYO WANGA WACHINYAMATA—KODI NDINGATANI KUTI NDIZILANKHULANA BWINO NDI MAKOLO ANGA? MWAMALA WAKULANI VYOFUKA VYO-ARELAVI:

• 

  N’nga Ester na Partik tazindiele n’ni vyoonga mwemo munairela aliwa vyongo vaingumi iwa?

• 

  N’nga munafunjedhen’ni vaifwanafwani-o ya Yesu?

• 

  N’nga anamabalinyu tanooni-a a-vi ira tanoudhiveliwanani?

• 

  N’nga mbamakundo avi a Bibilyani anaukami-eni ira mutapanyenga na anamabalinyu?