Mwasiwa ngwan’ni atu tanogumanana nyarwa?

Vyongo vyothakala vyaireya atu tanodhifuka ira, “Mwasiwa ngwan’ni vyevi vitoireya?” Pyosangalali-a ira Bibilya linowakula yofuka yei!

1. N’nga Satana airilen’ni ira vyothakala virome ireya vailambwila?

Satana Namanami-a atoom’dhimbinuwela Nlungu. Satana afuna ira atongenga atu enango, ee-no atonami-a atu oroma Adamu na Eva ira naaliwene tam’dhimbinuwele Nlungu. Satana atoira vyevi vom’mwandela Eva vyonama. (Maromelo 3:1-5) Atoiri-a ira Eva athuulelenga ira Yohova anoalokothedha vyongo vinango vyapama. Liye athapulela ira atu tanooda kala osangalala masiki ta-avwele Nlungu. Satana atoonga yonama yoroma vowandela Eva ira katinodha kwa. Ngumwasiwa, Bibilya linoonga ira Satana “ngonama thitho ngubaba wa vyonama.”—Juwau 8:44.

2. N’nga Adamu na Eva tasakunle ira n’ni?

Yohova atoava-a Adamu na Eva iliyothene yafuneela aliwa. Liye atooawandela ira tanooda udya vyova-a vyamwiri uliwethene wa mundani mwa Edeni kumi-avo umbo-i baa-i. (Maromelo 2:15-17) Mbwenye Adamu na Eva, tatosakula udya vyova-a vya mwiri waakondi-idhe Nlungu. Eva “atoocha yova-a ya mwiri noroma udya.” Vasogolovee, atomva-a Adamu “naliyene atoroma udya.” (Maromelo 3:6) Othene katavwenle Nlungu. Namwasa oi Adamu na Eva tali ochena, vyali vyo-orucha ira tasakule irana vyapama. Mbwenye aliwa tasakunle avwela Nlungu. Vyairile aliwa vyevi tatodawa thitho tatokonda ira Nlungu taatongenga. Vyairile aliwavi vyatoadi-edha nyarwa dhilukulu.—Maromelo 3:16-19.

3. N’nga vyasakunle Adamu na Eva vyanikuzile a-vi?

Adamu na Eva tangadawile, atova-a vyodawavyo a-imiwa othene. Voonga vya Adamu, Bibilya linoonga ira: “Ngumwasiwa, ninga mwemo madawo mwavolowile aliwa mwiilamboni dhela mwa mutu m’mbo-i, na wukwa dhela mwa madawo, wukwao watomwadheya waatu othene, neri-a othene tatodawa.”—Aroma 5:12.

I-yo atu ninogumanana nyarwa va myasa dho-iyana-iyana. Hora dhinango ninogumanana nyarwa namwasa oi kanisakunle vyongo mwazelu. Thitho hora dhinango ninogumanana nyarwa namwasa oi atu enango tasakunle vyongo modaweya. Venango ninorucheya namwasa oi nitogumanana vyongo vyo-odedi-edha.—Muleri Namalaleya 9:11.

FUNJEDHANI VINJINJI

4. N’nga mbaani unoiri-a ira nigumanengana nyarwa?

Atu anjinji tanororomela ira Nlungu ngunotonga ilambwila. N’nga vyevi pyaimbarimbari? Muonele VIDIYO.

VIDIYO: Ndi Ndani Amene Akulamulira Dziko? (1:24)

Muleri Tiyago 1:13 na 1 Juwau 5:19, mwamala mutapanye yofuka yo-arelai:

• N’nga Nlungu ngunoiri-a ira nigumanengana nyarwa?

5. N’nga vyongo vikadhi viwendanga a-vi kumela varomile Satana tonga?

VIDIYO: N’chifukwa Chiyani Mulungu Amalola Kuti Anthu Azivutika?—Kachigawo Kake? (3:07)

Muleri Maromelo 3:1-6, mwamala mutapanye vyofuka vyo-arelavi:

• N’nga chonama iivi yaongile Satana?—Muone maversu 4 na 5.

• N’nga Satana airi-idhe a-vi atu thuulela ira Yohova anoalokotedha vyongo vyapama?

• N’nga vyaongile Satana vyathonyi-edhe a-vi yonama yoi atu tanooda kalave osangalala angalive ira ta-atongiwenga na Yohova?

Muleri Namalaleya 8:9, mwamala mutapanye yofuka yo-arelai:

• Kumela va-iidhe Yohova tonga atu, n’nga vyongo vikadhi viwendanga a-vi vailamboi?

1. Adamu na Eva tangali Paradaizoni tali atu olongomana. Mbwenye tangamvwenle Satana tatomdhimbinuwela Yohova

2. Tangamadhi mpanduwela, ilamboni mwatodhala vyodawa, nyarwa, na wukwa

3. Yohova unodha mali-a madao, nyarwa, na wukwa. Thitho atu tanodha kala olongomana Paradaizoni ninga vyali aliwa walelene

6. I-yo atu nagumanana nyarwa vinonkuza maningi Yohova

N’nga Nlungu vinom’kuza i-yo nagumanangana nyarwa? Dhoweni nioneni vyalembile Mwene Davide na rumiwi Pedru. Muleri Salimo 31:7 na 1 Pedru 5:7, mwamala mutapanye yofuka yo-arelai:

• N’nga munovwa a-vi mwathuulela ira Yohova unoona nyarwa dhinogumanana i-yo thitho unonisamalela?

MAKUNDO OGWANDELA

Satana Namanami-a thitho Adamu na Eva mbaromi-idhe nyarwa dhothene dhinoireya vailamboi. Mbwenye Yohova unokuziwa maningi naonanga nyarwa thitho mo-odimbela unodha mali-a nyarwa dhothene.

Vyofuka vyowelela

• N’nga chonama iivi Satana Namanami-a yaongile liye wa Eva?

• N’nga a-vwela wa Adamu na Eva unikuzile a-vi i-yo othene?

• N’nga ninoidhiwa a-vi ira Yohova unonikhumbanyedha nagumanana nyarwa?

IDHIWANI VINJINJI

Muone Bibilyani madhu oi madao vinothapulela aliwa.

“Kodi Tchimo N’chiyani?” (Mwasa wavasaiti)

Muleri ira mwiidhiwe vinjinji vyoonga myasa iromi-idhe Satana Namanami-a mundani mwa Edeni.

“N’chifukwa Chiyani Mulungu Amalola Kuti Anthufe Tizivutika?” (Nsanja ya Olonda, 1 wa Janeiro wa 2014)

Sakasakani vyowakula vyodidili-a rima vya yofuka yorucha maningi.

“N’chifukwa Chiyani Mulungu Analola Kuti Anthu Ambirimbiri Aphedwe mu Ulamuliro wa Nazi ku Germany?” (Mwasa wavasaiti)

Muone mwemo Bibilya mwakami-idhe aliwa mutu mwinango aguman’nena nyarwa vaingumiyee.

Sindilinso Ndekha (5:09)