N’nga Mutoidhiwa?

Mwasiwa ngwani Aisraeli tanomusa?

WALELENE, atu tanodhowa mamusa waniwa i-yana akala ninga lombwana na-iyana tatovwelana ira tathelane. Tadhowanga mamusa tatukulecha vyongo ninga vinyama, kobiri venango vyongo vinango vya pereso yavadhulu. Hora dhinango, mutu anooda laba basa ninga mwemo mwairile Yakobo, wenuo arumenle mlabela basa babee Rakele wa vyawa 7 ira amthele Rakele. (Maro. 29:17, 18, 20) N’nga mwasiwa ngwan’ni atu anoirana vyevyo?

Mutu mwinango wadodoliso wamafunji-edho a Bibilya dhinalee Carol Meyers, aongile ira: “Atu tanodhowa mamusa waniwa i-yana vofuna pepesa banjalo namwasa okumavo wamwaniwa aakami-echa mabasa o-iyana-iyana ninga olima.” Musawo wanokami-a mabanja meli enao tali vaubali namwasa othelelana ira takale ovwelana. Vyevi vyanokami-a ira takami-engana vaoneya nyarwa. Wenjedhela vevo musawo wanokami-a atu enango idhiwa ira i-yanuo utofwanya lombwana thitho unodedi-edha kumamo mandhani mwaanamabalee, nodhowa masamaleliwanga na man’nee.

Musawo kwaathapulela ira i-yana ali ninga vyongo vyevyo vyaode guliwa venango guli-iwa. The book Ancient Israel—Its Life and Institutions states laongile ira: “Pagali kobiri venango vyongo vinango waniwa i-yana, unoiri-a atu onanga ira Aisraeli tanoira malonda vamwasa othelana. Mbwenye vinooneya ira musa kaali (pagali omgulana i-yana) malo mwavyevyo ali pepesa banja la waniwa i-yanuo.”

Malamboano, muvilambo vinango atu anomusa. Anamabala Amakristau tanofuna wachela maraguwa, tanofwanela dhilimbi-edha “ira atu othene taidhiwe ira mbololela,” vorambela onga ira tanofuna kobiri dhinjinji. (Afil. 4:5; 1 Akor. 10:32, 33) Taira e-no, tanooni-a ira kai “odhiveliwana kobiri” venango nionge ira aidyani. (2 Timo. 3:2) Wenjedhela vevo, akala anamabala Aukristau kativepile awaniwa lombwanuo kobiri injinji, mbwenye fwanyeya ira lombwanuo kana kobiri kanofwanela dhikanyi-edha noroma dedi-edha ira afwanye kobiri yokwakwanela ira apagali. Vyevyo vinooda kami-a ira lombwanuo a-a-iye basalee lolaleela venango laupainiya, noroma laba basa naifunelo yoi aode fwanya kobiri yoi aode pagali.

Vilambo vinango mutokala malamulo onga vyomusa. Vilambo vyevyo anamabala Aukristau tanoira vyongo movwelana na malamuloao. Mwasiwa ngwan’ni? Namwasa oi Madhu a Nlungu tanoonga ira Makristau “tavwelenga anamatonga aandimuwandimuwa” vamalamulo ta-ana-iyana na malamulo a Nlungu.—Aroma 13:1; Mayir 5:29.