Munodha fwanya rendele vahora ya nyarwa

1. N’nga “rendele wa Nlungu” chini, n’nga unonikami-a a-vi? (Afilipi 4:6, 7)

VATOKALA rendele unango oi atu anjinji ailamboi katuidhi. Wenna “ngurendele wa Nlungu” venango ira kaatheya mathuulelo unokaana i-yo namwasa okala vauxamwali wa pama maningi na Babi-u wadhulu. Nakaana rendele wa Nlungu ninodhivwa kala obareleya. (Muleri Afilipi 4:6, 7.) Ninokala vauxamwali wa pama na “Nlungu wa rendele” naatu tanomdhiveliwana. (1 Atez. 5:23) Naidhiwa, roromela thitho mvwela Babi-u, rendele wa Nlungu unodha iri-a ira rimi-u ukale okaatheya nagumanana nyarwa.

2. Mwasiwa ngwan’ni ninooda kala osikimiza ira pyoodeya fwanya rendele wa Nlungu?

² N’nga pyoodeya kaana rendele okumela wa Nlungu vaoneya nyarwa ninga masoka avilengo, kondo, oni-wa nyarwa venango vaoneya sau? Iliyothene mwa vyongo vyevi vinooda niovi-a venango nisukwali-a. Mbwenye Yesu atovelela malangi-o wa anama-arelee ira: “Miriminyu kirucheye venango ova.” (Juwau 14:27) Pyosangalali-a ira abali naarongola tano-arela malangi-o a Yeswala. Mokami-iwa na Yohova aliwa tatooda fwanya rendele angalive ira tanogumanana vyowesedha vilukulu.

MUNOODA FWANYA RENDELE VAHORA YA SAU

3. N’nga sau unairi-e a-vi ira na-akaena rendele?

³ Vyongo vinooda chinja mombaranya vavingumi vyaatu vahora ya sau. Kathuulelani vyaaireele atu anjinji vahora ya sau wa COVID-19. Alimbo sakasaka tatoozindiyela ira kwaranya meya yaatu vailambo yothene yavathi tanoorucheya ira tagone vahora ya sauila. Saula watoiri-a ira atu anjinji takale ovikumbanyedha, orucheya mathuulelo, umwa mokwaranyi-a madile vyomwa vyolezeli-a, i-ndi-edha basa mirombwe yodhodhomi-a ugogo, uwalanga wavabanjani thitho funa dhipa. Akala unokalanyo utokala sau, n’nga munaire a-vi ira mwa-avikumbanyedhelenga maningi thitho ira mufwanye rendele wa Nlungu?

4. Mwasiwa ngwan’ni idhiwa ulosi wa Yesu oonga vya malambo omari-a unoniva-a rendele?

⁴ Yesu atoongelatu ira malambo omari-a unodhakala sau venango ira marenda anomwadheya maningi “mumamburo o-iyana i-yana.” (Luka 21:11) N’nga idhiwa vyevi unanikami-e a-vi ira nikaena rendele? I-yo kaninodabwa naonanga sau uireyanga. Ninoidhiwa ira vyevi vinoireya ninga mwemo Yesu mwaongele liye. Ee-no nitokaana myasa yovweya yo-arela malangi-oe avelele liye waatu anokala muhora yakomonila ira: “Vyevi kavidha uovi-eni.”—Mat. 24:6.

5. (a) Movwelana na lemba la Afilipi 4:8, 9, n’nga ninalobelelengan’ni vahora ya sau? (b) N’nga vuruwana leriwa wa Bibilya oira garavariwa unanikami-e a-vi?

⁵ Sau unooda niiri-a ira nivikumbanyedhenga maningi thitho kala opingeya. Vyevi pyam’mwireele rongola mwinango dhinalee Desi.b Tiwee wa ng’ono, manwee thitho firimerwee tangakwide na sau wa COVID-19 venango koronaviru, liye anoova ira venango unooda landa marendala thitho mtapuli-a m’mee oi ali oulula. Namwasa wa saula, anoova thitho ira venango basalee lingamadhi ee-no anoovikumbanyedha ira unafwanye a-vi kobiri dhogulana yodya thitho pagali nyumba ya lendi. Vikumbanyedha weu wanoobalalecha mathuulelo thitho wanom’mwiri-a ira aimwananenga gona nama-iyu. Mbwenye Desi, atokala okoka varendele. N’nga vyevi vyaodeile a-vi? Liye atolobela wa Yohova ira amkami-e kaathei-a rima thitho ira athuulelenga vyongo vya pama. (Muleri Afilipi 4:8, 9.) Anoovuruwana Yohova “aonga” novuruwana leriwa wa Bibilya oira garavariwa. Liye aongile ira: “Madhu odidili-a rima a namaleri tanoondiiri-a ira nda-adhikumbanyedhenga thitho tanoondithuucha vya tangaranga dha Yohova.”—Sal. 94:19.

6. N’nga funjedha Bibilya wavamwekene thitho migumano ya pingo vinaukami-eni a-vi?

⁶ Saula unooda dhodhomi-a thandhinyu oirela vyongo vya dambo na dambo. Mbwenye kamurumeli-e ira vyevi viuimwanani-eni funjedha wavamweka thitho fwanyeya vamigumanoni. Vyoireya vyavaingumi vyaatu enango vinofwanyeya mabukhunimwi-u na mavidiyo, vinooda uthuuchani ira abali naarongoli-u tanodhowanave kala ororomeleya angalive ira tanogumanana nyarwa ninga dhedhi. (1 Pe. 5:9) Migumano inooda ukami-ani ira muthuulelenga maningi vavyongo vyolimbi-a vya malembani. Vyothene vyevi vinooda uva-ani thitho ngari yoi mulimbi-enga atu enango thitho mulimbi-iwenga. (Aroma 1:11, 12) Mwathuulelanga moda Yohova mwakami-edhe liye arumiwee tabulela, taova venango tadhiona ira tali okene iroromelo yinyu inooda limba thitho kamunodha kaikela ira nanyeene thitho unodha ukami-ani.

7. N’nga ninafunjedhevon’ni wa rumiwi Juwau?

⁷ Mudhilimbi-edhenga tapanya naabali naarongolinyu. Venango saula, unooda uiri-ani ira mukale olapelana naatu enango thangani-avo Makristau afwinyu. Vahora ninga yenna ninooda vivwa ninga mwavivwela rumiwi Juwau. Liye anoofuna onana na Gayo oi ali fwee, mbwenye atoidhiwa ira muhora yeniyo kavyakale vyoodeya m’monananee. (3 Ju. 13, 14) Mbwenye atoira vyaodile liye thitho atomlembela karta Gayo. Akala ira wanyo thitho kavinoodeya ira muonane naabali naarongolinyu, munooda dhilimbi-edha ira mutapanyenga naaliwa dhela va telefonini, vidiyo koferensiya venango atumizela mesange. Mwatapanyanga na Makristau afwinyu munooda dhivwa ira muli obareleya thitho munodha kaana rendele. Mwadhikumbanyedhanga maningi muongenga naandimuwa avapingoni oi tanooda ulimbi-ani mwaudhivela.—Esaya 32:1, 2.

NINOODA FWANYA RENDELE VAHORA YA MASOKA AVILENGO

8. N’nga masoka avilengo anadhodhomi-e a-vi rendelinyu?

⁸ Akala mutogumanana ngovi yodhalela wa ma-inje, indharandhara venango mulo, pyoodeya kala ovikumbanyedha wa hora yolapela. Akala mutu unomdhiveliwana nyo utotatiya venango vyongo vinyu vitonongeya, munooda kala osukwala, gomiwa luso venango kala othakaleliwa. Vyevi kavinothapulela ira muli mutu odhiveliwana kobiri venango o-okaana iroromelo kabe. Vinokala ira mutegumanana vyowesedha vilukulu thitho atu enango tanodedi-edhela ira muire vyongo mo-othuulela pama. (Yobo 1:11) Masiki mugumanena vyongo vyogomi-a luso ninga vyevyo, munooda kalave varendele. N’nga vyevi vinaodeye a-vi?

9. N’nga vyaongile Yesu vinanikami-e a-vi kozeela masoka avilengo?

⁹ Kathuulelani vyaongile Yesu. Mo-iyana naatu enango ailamboi oi tanothuulela ira masoka avilengo katinaaireele, i-yo ninodedi-edhela ira masokao tanongodhowanave wenjedheleya thitho enango mwaaliwa tanodha nikuza. Yesu atoawandela anama-arelee ira: “Vindharandhara vya kopolo” na masoka enango avilengo vinodha ireyanga komoni wa-anafiye. (Luka 21:11) Atoonga thitho ira unodhakala wenjedheleya “o-ovwela malamulo” thitho ninoonadi vyongo ninga a-vwela malamulo, uwalanga thitho upanga. (Mat. 24:12) Yesu kaaongile ira vyongo ninga vyevi vinodha aireela atu enao baa-i oi Yohova kanoasangalalana. Ee-no arumiwi anjinji ororomeleya a Yohova tanogumanana masoka avilengo ninga enala. (Esaya 57:1; 2 Akor. 11:25) Yohova kananibarele modabwi-a vamasoka othene avilengo. Mbwenye unodha niva-a vyothene vinofuneela i-yo ira rimi-u ukaatheye thitho nikaena rendele.

10. Mwasiwa ngwan’ni kozeelatu va-eeni masoka avilengo ta-anaireye unothonyi-edha ira nili ororomeleya? (Sanganiko 22:3)

¹⁰ Vinooda kala vyo-orucha ira rimi-u ukaatheye vahora ya masoka avilengo akala natovaela kozeelatu. N’nga kozeela unothonyi-edha ira kaninomroromela Yohova? Kabe kai e-no. Mbwenye kozeelau unothonyi-edha ira ninororomela ira Yohova unodha nikami-a. Mwasiwa ngwan’ni ninoonga e-no? Namwasa oi Madhu a Nlungu anonilangi-a ira nikozeelenga masoka avilengo ta-anaireye. (Muleri Sanganiko 22:3.) Dhela mumyasa ya marevista, migumano thitho milanyu gulu la Nlungu likanle linilimbi-anga moweli-edha weli-edha ira nikozeelenga masoka avilengo o-iyana i-yana.c N’nga ninomroromela Yohova? Akala ndi ee-no nino-arela malangi-oala va-eni masoka avilengo ta-anaireye.

11. N’nga ninofunjedhavon’ni va ifwanafwani-o ya Margaret?

¹¹ Kathuulelani vyam’mwireele rongola mwinango dhinalee Margaret. Liye atowandeliwa ira akume vandhevee mulo ungaromile i-nda isaniwiwao. Voi atu anjinji tafuna tatawe vahora imbo-ive ndhila dhatomala fungeya, thitho makaro katawendave. Tatamo lothene lelo latodhala na wichi odimba thitho Margaret atoimwanana kumamo karonimwee wa hora yolapela. Mbwenye liye atovuluwa namwasa oi ali angamadhi kozeela wale. Liye atokaana mapa muixipastayee oi tanomkami-a idhiwa ndhila yoi angaodile makumelela tatamo lawaniwao. Liye ali angavirileo fendo imbo-i ndhila yeniyo vakozeela liye ira a-arucheye viramo vahora ya masoka avilengo. Voi atomala kozeela wale liye atovulumuwa vangoviyo.

12. Mwasiwa ngwan’ni ninofwanela a-rela malangi-o onikami-a ira nikale ovuneleya?

¹² Vofuna nibarela thitho ira vyongo viireye mwamasaka-edho apama andimuwa andimuwa anamatonga tanooda nivepa ira ni-arele malamulo enangweene, nikume tatamonimo venango niire vyongo vinango. Atu enango anodembuwa vwela venango ira vyongo mokaikela namwasa oi katinofuna i-yachi vyongo viwa. N’nga Makristau tanoira a-vi va myasa yenna? Bibilya linoniwandela ira: “Namwasa wa Mbwiye gonjelani masaka-edho aliothene oiriwa na mutu, akala ndi mamwene namwasa oi tatokaana izo ilukulu, venango anama-arelee namwasa oi tarumiwile na mwenuo.” (1 Pe. 2:13, 14) Gulu la Nlungu linoniva-a malangi-o vofuna nivunela. Hora dhothene ninolimbi-iwa ira naava-enga andimuwa avapingoni manumero atelefoni ano-indi-edhelecha i-yo basa na ifunelo yoi tadhatapanye na i-yo vaireya masoka avilengo. N’nga nyo mutomala ira wale vyevi? Venango ninooda va-iwa malangi-o oi nikale ulimburo lovuneleya, nikume isaniwo thitho okuza mwemo munawachelele i-yo vyongo vyofuneya vaingumi yi-u venango mwemo munakami-edhe i-yo atu enango. Mbwenye na-avwele ninooda e-la ingumi-u na ya andimuwa avapingoni vangovini. Nithuulelenga ira alombwana ororomeleyala tanoniing’anela. (Aeb. 13:17) Margaret aongile ira: “Ndinororomela maningi ira a-rela malangi-o aandimuwa avapingoni thitho a gulu watovulumucha ingumi yanga.”

13. N’nga chini yamkami-idhe Makristau anjinji oi tatawile waniwa ira takalenga osangalala thitho varendele?

¹³ Abali naarongola oi tatotawa waniwa namwasa wa masoka avilengo, kondo venango vyandale tanodhilimbi-edha chinja ingumi yiwa ira talemeele makalelo mapya thitho mombaranya tanoroma okoka irana vyongo vyokuza lambela. Mofwanafwana na Makristau a hora ya arumiwi oi tatomwadheya namwasa ooni-iwa nyarwa, aliwa tatoodhowanave “laleela milanyu yapama yopambuleya.” (Mayir. 8:4) Laleela unoakami-a ira tathuulelenga maningi vya Umwene wa Nlungu a-kala vya nyarwa dhinogumanana aliwa. Vyo-arelavovyee pyoi tanodhowenave kala osangalala thitho arendele.

NINOODA FWANYA RENDELE NAONI-IWANGA NYARWA

14. N’nga oni-iwa nyarwa unadhodhomi-e a-vi rendeli-u?

¹⁴ Oni-iwa nyarwa unooda niiri-a ira na-akaena vyongo vinjinji. Vyevyo vinoniiri-a ira nikaena rendele. Ninosangalala thitho kwakwanana na vina i-yo nagumaneyanga momathathuwa, laleela valivothene thitho ira vyongo vya dambo na dambo mo-oova ira venango ninodha mangiwa. Akala kanina ofulu oirana vyevi, ninooda vikumbanyedha mo-oidhiwa vyongo vinofuna niireela. Kai vyodabwi-a uvwa e-no. Mbwenye ninofwanela ira polepole. Yesu atoonga ira oni-iwa nyarwa unodha iri-a ira anama-arelee tafooke. (Juwau 16:1, 2) N’nga ninaire a-vi ira nidhowenave kala varendele naoni-iwanga nyarwa?

15. Mwasiwa ngwan’ni kaninofwanela ova oni-iwa nyarwa? (Juwau 15:20 na 16:33)

¹⁵ Madhu a Nlungu tanoniwandela ira: “Atu othene anofuna kaana ingumi yodhivelela wa Nlungu mwa Kristu Yesu, naaliwene thitho tanodha oni-iwanga nyarwa.” (2 Timo. 3:12) Bali mwinango dhinalee Andrei vyatomrucha roromela likundo leli vevo basa li-u lakondi-iwile aliwa ilambo yiwayo. Liye athuulela ira: ‘Uno utokala a Mboni anjinji. N’nga vinaodeye a-vi ira andimuwa andimuwa aanamatonga tanimange i-yo othene?’ Malo moi mathuulelo enala tam’mwiri-e kaana rendele, tatom’mwiri-a ira adhikumbanyedhenga. Abali enango tatoo-iya mwasuo mandhani mwa Yohova thitho katathuulela ira katinodha mangiwa. Aliwa tanooidhiwa ira tanodha mangiwa mbwenye katadhikumbanyedha maningi ninga andrei. Ee-no liye atoothuulela vyosazi-edha ifwanafwani-o yiwa thitho atoroma mnyindela maningi Nlungu. Mo-odimbela liye atoroma kaana okoka rendele thitho anoosangalala angalive ira anoogumanana nyarwa. Vyevi vinooda niireela thitho i-yo. Angalive ira Yesu atoonga ira ninodedi-edhela dhaoni-iwa nyarwa, liye atoonisikimizela thitho ira ninooda kalave ororomeleya.—Muleri Juwau 15:20; 16:33.

16. N’nga ndi malangi-o avi oi ninofwanela avwela naoni-iwanga nyarwa?

¹⁶ Akala andimuwa aanamatonga tatonikondi-a irana vyongo vinango venango kondi-a basali-u, ninodha wachela malangi-o okumela wu Ofesi ya tambi venango wa andimuwa avapingoni. Ifunelo ya malangi-oao kunibarela ira nidhowenave wachela yodya yauzimu thitho laba basa lolaleela mwemo munaodele i-yo. Nidhilimbi-edhenga a-rela malangi-oao angalive ira kaninovwechecha mwasiwa uva-iwele i-yo malangi-oao. (Yak. 3:17) Thitho kaniongenga myasa yokuza abali naarongoli-u venango pingo, waatu oi kai ofwanelela iidhiwa.—Namal. 3:7.

17. Molandana naarumwi, n’nga ninofwanela sikimizela rima iranganan’ni?

¹⁷ Mwasa m’mbo-i unom’mwiri-a Satana limbanana atu a Nlungu, ngoi aliwa “tatokaana basa loirela umboni vya Yesu.” (Apok. 12:17) Kamurumele ira Satana na ilamboyeei tauovi-eni. Laleela thitho funji-a atu angalive ira ninooni-iwa nyarwa, unoniva-a imwerumweru thitho rendele. Ndulimu anamatonga au Yuda tangaawandenle arumiwi ira ta-iyachi laleela, alombwana ororomeleyala tatosakula mvwela Nlungu. Aliwa tatoodhowanave laleela thitho vyevi vyatoakami-a kala osangalala. (Mayir. 5:27-29, 41, 42) Pyaimbarimbari ira basali-u lakondi-iwa ninofwanela laleela mwapolepole. (Mat. 10:16) Mbwenye akala ninoira vyothene vinaode i-yo ninooda fwanya rendele unodha namwasa oi ninomsangalali-a Yohova thitho ira ninolaba basa lolaleela milanyu yovulumucha vingumi.

“NLUNGU WARENDELE UNODHA KALA NANYO”

18. N’nga nithuulelengan’ni va mwasa wa mwemo munafwanyele i-yo rendele waimbarimbari?

¹⁸ Kamukaikelenga ira angalive vahora yorucha maningi munoooda kala varendele. Vahora ninga yenna nithuulelenga ira rendele unofuneela i-yo ndi rendele wa Nlungu, wenuo Yohova baa-i ngunaniva-e. Muthuulelenga vahora ya sau, masoka avilengo thitho mwaoni-iwanga nyarwa. Kani-iyachi gululee. Nithuulelenga vyongo vyapama maningi vinodedi-edha i-yo sogolou. Naira e-no “Nlungu warendele unodha kala na i-yo.” (Afil. 4:9) Muyofunjedha yo-arela ninodha tapanya mwemo munakami-edhe i-yo Makristau afwi-u oi tanogumanana nyarwa ira takaena rendele wa Nlungu.