Atu anom’dhiveliwana Yohova anosakhula vyongo mwazelu

Muleri Maromelo 25:29-34 ira muone akala Esau na Yakobo tatoosakhula vyongo mwazelu.

Musakesake modi-a mwasee. N’nga chini yaireile voromavene? (Mar. 25:20-28) N’nga chini yaireile vasogolovee?—Mar. 27:1-46.

Musakesake modi-a makhundwee. N’nga vahora yeniyo mwana oroma anookaana ufulu uvi?—Mar. 18:18, 19; w10-CN 1/5 thakuru 13.

• N’nga hora dhothene kala mwana oroma unothangani-avo khala namabala wa Mesiya? (w17.12-CN thakuru 14-15)

Muone vyongo vinofunjedhavo nyo, mwamala muvi-arelenga. Mwasiwa ngwan’ni Yakobo aona ira kala mwana oroma kofuneya maningi i-yani-ana Esau? (Aeb. 12:16, 17; (w03-CN 15/10 thakuru 28-29) N’nga Yohova aaona a-vi atu ambilala? N’nga mwasiwa ngwan’ni? (Mak. 1:2, 3) N’nga Esau afwanela iranan’ni ira asakhule vyongo mwazelu?

• Mudhifuke ira, ‘N’nga ndinathonyi-edhe a-vi ira ndinosimba vyongo vyauzimu sumana nlilothene, mofwanafwani-a, voonechecha ira ndinoirecha lambela wavabanjani?’