‘Kati na yango, “namonaki Nzambe oyo nazalaki koluka”’

Kati na nini? Moto oyo alobaki maloba oyo alingaki kolobela nini?

Mosali moko monene ya badiskur mpo na makambo matali arkeoloji, ye afandaka na Espanye mpe asila kozwa pension, azwaki likabo. Batindelaki ye mokanda La vie: comment est-elle apparue? Evolution ou création? Nsima na yango, wana moto oyo apesaki ye mokanda ayaki kotala ye ntango asalaki mobembo na Espanye, bongo mosali monene wana na badiskur alobaki na ye: Edwin, merci na ndenge otindelaki ngai mokanda wana. Natangaki yango, kasi na nsima napesaki yango epai na elenge Mosipanyole moko.

Elenge yango azalaki momeli bangi; azalaki na madefu mpe nsuki mingi. Kasi nsima na kozwa mokanda yango, asalaki mbongwana monene mpenza na bomoi na ye. Akataki mandefu na ye, akatisaki nsuki mpe atikaki komela bangi. Ntango Edwin aokaki likambo yango, ayokaki mpenza mposa ya kokutana na elenge wana.

Ntango bakutanaki mpe ntango elenge yango ayebaki esika mokanda eutaki, ayambaki Edwin mpe alobaki na ye: ‘Nazalaki koluka Nzambe eleki sikawa mibu mitano, mpe ntango nafungolaki mokanda oyo namonaki Nzambe oyo nazalaki koluka.’ Elenge wana akolaki kino abandaki kolobela kondima na ye epai na bato mosusu.

Tokanisi ete mokanda yango ya ntina oyo epusaki bato basala mbongwana malamu kati na bomoi na bango ekoki mpe komemela yo bolamu.