Mayebisi

◼ Mikanda oyo tokolakisa na Aprili mpe Mai: Linɔ́ngi ya Mosɛnzɛli mpe Lamuká! Ntango tozali kozongela bato oyo basepelaki na nsango malamu, bakisa mpe baoyo bayanganaki na Ekaniseli to na mayangani na biso mosusu, kasi bayanganaka te na makita nyonso ya lisangá, tósala makasi mpo na kotikela bango buku Biblia eteyaka mpenza nini? Mokano na biso esengeli kozala ya kobanda koyekola na bango Biblia. Yuni: Biblia eteyaka mpenza nini? Soki moto azali na buku yango, mosakoli akoki kolakisa ye buku nyonso mosusu ya nkasa 192 oyo ebimaki liboso ya mobu 1995.

◼ Soki bozali na liyangani ya etúká, liyangani ya zongazonga to liyangani ya mokolo moko, na pɔsɔ yango bokosala makita te; ezala Boyekoli ya Biblia na lisangá, Eteyelo ya mosala ya Teokrasi to Likita ya Mosala. Na yango, tozali kolendisa moto nyonso ayekola ye moko makambo oyo bosengelaki koyekola na makita yango, na ndakisa na mpokwa ya Losambo na Libota.

◼ Lisukulu ya ntina mingi oyo ekosalema na eleko ya Ekaniseli 2010 ekozala na motó ya likambo “Ntango nini tokozala na kimya ya solosolo mpe na likambo ya kobanga te?”