Mayebisi

◼ Mokanda oyo tokokabola na Yuni: Biblia eteyaka mpenza nini? Tokosala makasi mpo na kobanda koyekola na bato Biblia kaka na mbala ya liboso oyo tokutani na bango. Soki bato yango bazali na buku Biblia eteyaka kasi baboyi koyekola Biblia, tokoki kopesa bango zulunalo moko ya kala to mwa buku nyonso mosusu oyo tomoni ete ekosalisa bango. Yuli mpe Augusto: Tokoki kokabola mwa buku nyonso ya nkasa 32 kati na oyo elandi: Nzambe amibanzabanzaka mpenza mpo na biso?; Nkombo ya Nzambe oyo ekoumela seko; Nzela ya bomoi ya seko​—Osili komona yango?, mpe Okoki kozala moninga ya Nzambe! Ntango tozali kozongela bato, tólakisa bango buku Biblia eteyaka to, na kotalela mposa ya moto, tokoki kosalela mwa babuku Yoká Nzambe to Yoká Nzambe mpo ozala na bomoi ya seko, mpe tokosala makasi tóbanda koyekola na bango Biblia.

◼ Na basanza oyo ezali koya, na Likita ya Mosala, tokotalela video oyo ezali na motó ya likambo: Toute la communauté des frères (Libota mobimba ya bandeko). Soki esengeli, bokoki kosɛnga yango na nzela ya lisangá.