BOMOI YA BAKRISTO
Sepelá na elikya na yo
Elikya ezali lokola longo. (Ebr 6:19) Esalisaka mpo boyokani na biso na Nzambe ebeba te lokola masuwa oyo epanzani na ntango ya mopɛpɛ makasi. (1Ti 1:18, 19) Mipɛpɛ makasi mpo na biso ekoki kozala kolɛmba nzoto, kobungisa biloko ya kobikela, maladi oyo eumeli, liwa ya moto oyo tolingaka, to likambo mosusu nyonso oyo ezali komeka bosembo na biso.
Kondima mpe elikya esalisaka biso tómona polele mbano oyo Nzambe alaki. (2Ko 4:16-18; Ebr 11:13, 26, 27) Na yango, tózala na elikya ya kokende likoló to ya kozwa bomoi na mabele, tosengeli ntango nyonso komanyola bilaka oyo ezali na Biblia mpo na kobatela elikya na biso. Na yango, ntango tokokutana na mikakatano, ekozala mpasi te tóbatela esengo na biso.—1Pe 1:6, 7.
TALÁ VIDEO BÓSEPELA NA ELIKYA, MPE PESÁ BIYANO NA MITUNA OYO:
Mpo na nini Moize azali ndakisa malamu?
Batata ya mabota bazali na mokumba nini?
Masolo nini bokoki kotalela na Losambo na kati ya libota?
Ndenge nini elikya ekoki kosalisa yo ozala na mpiko na ntango ya komekama?
Makambo nini ozali kozela na motema moko?