Bwanya oyo ekotambwisa yo mpe ekopesa yo esengo
“Atako nasepelaka te ntango namonaka makambo ya mabe oyo ezali na mokili, na ndakisa bitumba, bobola, maladi, konyokola bana, nazali na elikya ete makambo ekobonga.”—RANI.a
Rani azwaki esengo ya solosolo ntango ayebaki esika oyo bwanya ya solosolo eutaka, epai ya Mozalisi na biso, Nzambe oyo azali na nguya koleka banguya nyonso. Ntango okotánga masolo oyo elandi, talá ndenge mateya yango ekoki kosalisa yo . . .
ozala na libota ya esengo
ozala na boyokani malamu na bato mosusu
osepela na oyo ozali na yango
oyeba ntina oyo bato bakufaka mpe bamonaka mpasi
ondima ete mosika te Nzambe akosilisa bampasi nyonso mpe akopesa biso bomoi ya esengo
oyeba Nzambe oyo asalá biso mpe okóma moninga na ye
Okoyeba mpe ete Nzambe aponaka te bato ya kopesa bwanya, kasi apesaka yango na moto nyonso oyo alukaka ye.
a Topesi bato yango bankombo mosusu.