Loyembo 86
Basi ya sembo, basi bakristo
Ya Papye
1. Sara, Estere, Maria ná Ruta:
Basi ya makoki mpe basi’a sembo.
Batyaki Nzambe n’esik’a liboso.
Bazalaki sembo, toyebi bango.
Yah andimaki basi mosusu,
Toyebi bango te, bazalaki sembo.
2. Bosembo, mpiko, bolamu, boboto,
Bato balingaka bizaleli’oyo,
Basi wana bazalaki na yango.
Batikelá biso nyonso ndakisa.
Basi bakristo, bólanda bango,
Mosala na bino ezali na ntina.
3. Bamama ná bandeko basi nyonso,
Bósala oyo bokoki kosala.
Boza’ na motem’a komikitisa,
Bóbanga eloko te, bondimami.
Basi bakristo, bóyika mpiko
Bópikama se ngwi, lifuti’ebɛlɛmi.
(Talá mpe Flp. 4:3; 1 Tim. 2:9, 10; 1 Pe. 3:4, 5.)