LOYEMBO 2
Yehova nde nkombo na yo
Ya Papye
1. Yo Nzambe ya bomoi,
Yo Nzambe Mozalisi.
Yo obongwanaka te;
Nkombo n’o Yehova.
Tozali n’esengo
Mpo toza’ lisangá n’o.
Mpe na bikólo nyonso,
Tokumisaka yo.
(MONDIMO)
Yehova, Yehova,
Yo oleki nyonso.
Ata kuna na likoló
To mpe awa na nse.
Yo Mozwi-ya-Nguya-Nyonso,
Bato báyeba yo.
Yehova, Yehova,
Mosusu aza’ te se yo.
2. Yo okómisaka
Biso ndenge olingi,
Mpo tósepelisa yo;
Nkombo n’o Yehova.
Obengaka biso:
Batatoli’a Yehova.
Eza’ lokumu mpenza
Kobengama bongo.
(MONDIMO)
Yehova, Yehova,
Yo oleki nyonso.
Ata kuna na likoló
To mpe awa na nse.
Yo Mozwi-ya-Nguya-Nyonso,
Bato báyeba yo.
Yehova, Yehova,
Mosusu aza’ te se yo.
(Talá mpe 2 Nt. 6:14; Nz. 72:19; Yis. 42:8.)