Bilei ya mpokwa ya Nkolo

1. Yehova, Tata na likoló,

Mpokwa oyo eza’ ya yo!

Kala, n’Elekeli, yo omonisaki

Nguya, bwanya, bolingo n’o.

Na makila ya mwana-mpate,

Yisraele esikwamaki.

Nsim’a mbula mingi, Yesu akufaki;

Ye nde mpate ya esakweli.

2. Mampa, vinyo eza’ bilembo

Ya mbeka monene oyo.

Opesaki Mwana na yo

mpo na biso,

Atosaki tii na liwa.

Mersi mpo na Ekaniseli;

Lelo toza’ kokanisa

Ndenge liw’a Yesu

esombaki biso,

Tolongwe na boombo’a liwa.

3. Liboso na yo toyangani.

Obengisi biso, toyei

Kokumisa yo mpo

otindaki Kristo,

Topesi ye mpe lokumu.

Bilei ya mpokw’a Nkolo Yesu

Elendisi mpenza biso.

Yah, tokolanda se lokolo ya Kristo,

Mpe tokozwa bomoi ya seko.