Ndenge ya kolakisa bazulunalo
(Soki zulunalo ya Lingala ezali te bósalela ya Lifalanse)
Linɔ́ngi ya Mosɛnzɛli 1 Yuli
“Mingi kati na biso toyebaka mpenza te oyo tosengeli koyebisa moninga na biso oyo azali maladi makasi. Okanisi nini mpo na toli oyo? [Tángá Yakobo 1:19. Na nsima tiká ye ayanola.] Lisolo oyo ezali kopesa batoli ya malamu oyo euti na mitinda ya Biblia.” Fungolá lisolo oyo ebandi na lokasa 10 mpe limbolá yango na mokuse.
Lamuká! Yuli
“Basi bakoki kozala bateyi na kati ya lingomba? [Tiká ye ayanola.] Yoká oyo Biblia elobi na ntina ya mwasi moko. [Tángá Baroma 16:1.] Nzokande, vɛrsɛ mosusu elobi ete basi basengeli kofanda nyɛɛ na kati ya lisangá. Wapi kasi likanisi ya Biblia? Lisolo oyo elimboli yango.” Fungolá lisolo oyo ebandi na lokasa 28 mpe limbolá yango na mokuse.
Linɔ́ngi ya Mosɛnzɛli 1 Augusto
“Bato mingi bazali kobanga ete etumba ya Nikleere to mbongwana ya klima ebebisa to eboma mokili. Yo mpe okanisi bongo? [Tiká ye ayanola.] Yoká oyo Biblia ezali koloba na ntina na likambo yango. [Tángá Emoniseli 11:18.] Zulunalo oyo ezali koyanola na mituna minei oyo bato mingi bamitunaka mpo na nsuka ya mokili.”
Lamuká! Augusto
“Ekoki kozala ete Batatoli ya Yehova basilá kosolola na yo liboso. Osilá komituna mpo na nini tokendaka ndako na ndako, atako bato mingi basepelaka na biso te? [Tiká ye ayanola. Na nsima, tángá Matai 24:14.] Toyebaka ete bato mingi bakaniselaka biso mabe. Zulunalo oyo elimboli soki Batatoli ya Yehova bazali banani.”