Esaleli ya sika mpo na bolukiluki

Na mokili mobimba, bamilio ya basakoli basalelaka na ndenge ya malamu Index des Publications des Témoins de Jéhovah mpo na kosala bolukiluki. Nzokande, lokola ezali na makambo mingi, ebimisamaki na minɔkɔ mingi te. Na yango, Buku ya bolukiluki mpo na Batatoli ya Yehova ebongisami na minɔkɔ 170. Mikanda oyo esalelami na Buku ya bolukiluki ezwami mingimingi kobanda mobu 2000. Buku ya bolukiluki ebimisamaki te na minɔkɔ oyo ezalaka na Index, kasi ezali mpe na kati ya mikanda oyo etyami na Internet na Watchtower Library mpe Watchtower​—MIKANDA OYO EZALI NA INTERNET. Buku ya bolukiluki ekosalisa yo ozwa biyano na mituna ya Biblia, ozwa makambo etali bamposa na yo moko mpe obongisa makita ya lisangá mpe losambo na kati ya libota.