Tókolisa makoki na biso ya kosakola—Ndenge ya koyanola moto oyo asiliki
Mpo na nini ezali na ntina: Bato mingi oyo tokutanaka na bango na mosala ya kosakola bazalaka na bokonde. Kasi, Yesu asakolaki ete bato mosusu bakoyina biso. (Yoa. 17:14) Na yango, tosengeli kokamwa te soki tokutani na moto oyo asiliki. Soki esalemi bongo, tosengeli kopesa eyano na lolenge oyo ekosepelisa Yehova, moto oyo tozali komonisa. (Rom. 12:17-21; 1 Pe. 3:15) Kosala bongo ekoki kosala ete makambo ebeba te. Lisusu, ekopesa moto oyo bozali kosolola na ye mpe moto nyonso oyo azali wana litatoli, mpe ekosala ete mbala ya nsima báyoka ntango Batatoli ya Yehova bakoya kotala bango.—2 Ko. 6:3.
Meká kosala boye na boumeli ya sanza:
Na losambo na bino ya libota, bómekameka ndenge ya koyanola moto oyo asiliki.
Nsima ya kokabwana na moto oyo asilikaki, sololá na mosakoli oyo obimi elongo na ye ndenge oyo bokokaki koyanola moto yango malamu koleka.