Ndenge ya kosalela JW Library

MPO NA KOYEKOLA:

• Tángá Biblia mpe mokapo ya mokolo

• Tángá Buku ya mobu, bazulunalo, mpe mikanda mosusu. Tyá elembo esika otángi

• Bongisá makita ya lisangá, mpe tyá langi na biyano

• Talá bavideo

NA MAKITA:

• Luká mikapo oyo molobi azali kopesa. Finá elembo oyo elakisaka bisika otángaki liboso mpo ozonga na mokapo moko

• Na esika omema ebele ya mikanda na makita, salelá telefone to tablɛti na yo mpo na kolanda biteni ya makita mpe koyemba nzembo. Nzembo ya sika oyo ebimi naino te na buku na biso ya nzembo ezali na JW Library

NA MOSALA YA KOSAKOLA:

• Lakisá moto oyo asepeli eloko moko na JW Library, na nsima salisá ye atya programɛ yango na telefone to tablɛti na ye mpe azwa mikanda

• Finá elembo ya koluka maloba mpo omona vɛrsɛ moko ya Biblia

• Lakisá moto video. Soki nkolo-ndako azali na bana, okoki kolakisa bavideo Kómá moninga ya Yehova. To okoki kolakisa video Mpo na nini koyekola Biblia? mpo opesa moto mposa ya koyekola Biblia. Soki moto alobaka monɔkɔ mosusu, lakisá ye video moko ya monɔkɔ na ye

• Lakisá moto vɛrsɛ na Biblia ya monɔkɔ mosusu, oyo otyá na telefone to tablɛti na yo. Mpo osala yango, finá motángo ya vɛrsɛ yango, ekobimisa bilembo misato, finá elembo ya katikati