MAKAMBO YA MOTUYA NA LILOBA YA NZAMBE | KOBIMA 6-7
“Sikoyo okomona oyo nakosala Farao”
Liboso ete Yehova abimisela Baezipito malɔzi mpo na kobimisa Bayisraele na boombo, Yehova ayebisaki Bayisraele makambo oyo akanaki kosala. Bakomona nguya ya Yehova na ndenge oyo bamoná naino te, mpe Baezipito bakoyeba mpenza soki Yehova azali nani. Ntango bilaka wana ya Yehova ekokisamaki, kondima ya Bayisraele ekómaki makasi, mpe esalisaki bango báboya makanisi ya losambo ya lokuta oyo ezalaki na Ezipito.
Ndenge nini lisolo oyo ya Biblia ekómisi kondima na yo makasi na bilaka oyo Nzambe apesi biso mpo na mikolo ezali koya?