Yehova abatelaka basaleli na ye

Elekeli ya liboso ezalaki molulu moko ya ntina mingi. Na butu wana, ntango Farao ayaki koyeba ete mwana na ye ya liboso akufaki, ayebisaki Moize boye: “Bótɛlɛma, bólongwa na kati ya bato na ngai, bino ná bana mosusu ya Yisraele, mpe bókende, bósalela Yehova, kaka ndenge bolobi.” (Kob 12:31) Yehova amonisaki mpenza ete abatelaka bato na ye.

Soki totali istware ya basaleli ya Yehova ya mikolo oyo, tokomona mpenza ete Yehova azali kokoba kokamba mpe kobatela basaleli na ye. Yango emonisami na moko ya ba-musée oyo ezali na biro monene, oyo ezali na motó ya likambo: “Ekólo moko mpo na nkombo ya Yehova.”

TALÁ VIDEO VIZITE NA MUSÉE YA WARWICK: “EKÓLO MOKO MPO NA NKOMBO YA YEHOVA,” MPE NA NSIMA YANOLÁ NA MITUNA OYO:

• 

  Esaleli nini eutaki kobima bayekoli ya Biblia basalelaki kobanda 1914 mpo na kosalisa bato bakómisa kondima na bango makasi na Biblia, mpe yango ebimisaki matomba nini?

• 

  Komekama nini ebimaki na 1916 mpe 1918, mpe nini endimisi biso mpenza ete Yehova azalaki kotambwisa ebongiseli na ye?

• 

  Ndenge nini basaleli ya Yehova bakangamaki makasi na kondima na bango atako bazalaki kotɛmɛla bango?

• 

  Engɛngiseli nini basaleli ya Yehova bazwaki na 1935, mpe ndenge nini elendisaki bango?

• Soki ozwaki libaku ya kokende kotala musée yango, nini omonaki oyo endimisi yo mpenza ete Yehova azali kotambwisa mpe kobatela basaleli na ye?