MAKAMBO YA MOTUYA NA LILOBA YA NZAMBE

Mateya oyo tokoki kozwa na makonzí mibale

Batongaki makonzí mibale ya minene liboso ya porte ya tempelo, na esika oyo moto nyonso akokaki komona yango (1Ba 7:15, 16; w13 1/12 lok. 13 par. 3)

Bapesaki makonzí yango mibale bankombo oyo ezalaki na ndimbola, Yakine, oyo elimboli ‘Tiká ete Yehova atɛlɛmisa ngwi’ mpe Boaze, oyo ekoki kolimbola ‘Na nguya’ (1Ba 7:21; it-1-F lok. 355)

Ntango nyonso bato ya ekólo bazalaki kotyela Yehova motema, azalaki kosalisa bango bátɛlɛmisa tempelo yango ngwi (Nz 127:1)

Mbala mosusu Yehova asalisaki biso tólonga makambo oyo ezalaki kopekisa biso tóyeba solo. Kasi mpo ‘tótɛlɛma ngwi na kondima’ tosengeli kokoba kotyela ye motema.—1Ko 16:13.

Bililingi: 1. Elenge mwasi moko na wenze, andimi kozwa mwa buku “Sepelá na bomoi libela na libela!” epai ya ndeko mwasi moko. 2. Mwasi yango azali kotánga mwa buku “Sepelá na bomoi libela na libela!” na ndako mpe azali kokanisa na oyo akoki kosala mpo na ezaleli na ye ya komɛla makaya. 3. Azwi batisimo.

OMITUNA BOYE: ‘Ndenge nini nakoki komonisa ete natyelaka Yehova motema?’