Zwá bwanya mpo na bomoi ya mokolo na mokolo na JW.ORG

Liloba ya Nzambe epesi biso nyonso oyo tosengeli na yango mpo na kolonga mikakatano ya ntango ya nsuka. (2Ti 3:1, 16, 17) Kasi, na bantango mosusu tozalaka na mposa ya lisalisi mpo tóyeba soki mitinda nini ya Biblia ekoki kosalisa biso na likambo moko oyo tokutani na yango. Na ndakisa, ozali moboti mpe ozali koluka batoli mpo na kobɔkɔla bana? Ozali elenge mpe ozali kobunda mpo na kobatela kondima na yo? Ozali na mawa mpo okufelá molongani? Okokuta na jw.org masolo oyo ekolakisa yo mitinda ya Biblia oyo ekosalisa yo na makambo ndenge na ndenge ozali kokutana na yango.​—Mas 2:3-6.

Kɔtá na eteni MATEYA YA BIBLIA, oyo ezali na lokasa ya ebandeli ya jw.org. (Talá fɔtɔ 1.) Poná motó ya likambo oyo osepeli na yango. To kɔtá na BIBLIOTƐKƐ > MAKAMBO NDENDE NA NDENGE mpe poná lisolo oyo osepeli na yango. (Talá fɔtɔ 2.) Okoki komona mpe makambo yango na JW Library^®.a Okoki mpe kotánga masolo yango na bisika yango. Okoki mpe kokoma mbala moko likambo oyo ozali koluka na esika basalaka bolukiluki na jw.org.

Komá masolo oyo elandi na esika basalaka bolukiluki na jw.org, mpe poná oyo okosepela kotánga.

• Kobɔkɔla bana

• Lisalisi mpo na bilenge

• Kobungisa moto na liwa