Omityela mikano na eleko ya Ekaniseli

Mbula na mbula, Batatoli ya Yehova bazelaka na mposa makasi koyangana na Ekaniseli elongo. Bapɔsɔ liboso mpe na nsima ya Ekaniseli, tolukaka mabaku ya kokumisa Yehova mpe kopesa ye matɔndi mpo na likabo ya lisiko. (Ef 1:3, 7) Na ndakisa, tosalaka makasi ya kobengisa bato na Ekaniseli. Basusu babongolaka programɛ na bango mpo na kosala lokola mobongisi-nzela mosungi mpe kopesa bangonga 30 to 50 na sanza ya misato to ya minei. Okosepela kosakola lisusu mingi na eleko ya Ekaniseli? Nini ekoki kosalisa yo osala bongo?

Mbala mingi, tozalaka na likoki ya kosala mingi soki tomibongisi malamu liboso. (Mas 21:5) Lokola eleko ya Ekaniseli ezali kokóma pene, sikoyo nde ntango ya komibongisa. Kanisá makambo oyo okoki kosala mpo omipesa mingi na mosala ya kosakola na eleko ya Ekaniseli, mpe kanisá makambo oyo osengeli kosala mpo okokisa mokano yango. Bondela Yehova apambola milende na yo.​—1Yn 5:14, 15.

Okoki kosala nini mpo omipesa lisusu mingi na mosala ya kosakola na eleko ya Ekaniseli?