Loyembo 168

Tókumisa Mokonzi ya sika na mabelé

(Nzembo 2:12)

1. Talá kuna na mosika,

Limpinga ya bomoko

—Babundi’oyo ya Yehova,

Batandi molɔngɔ́ fiɔ.

Na bikɔti ngɛlingɛli,

Nsɔmɔ, bapesi bobangi

Wana bango babeleli:

‘Ɛ nsé, bóyamba Klisto!’

(Mondimo)

2. Nkolo Yesu akokamba

Na boboto, limpinga.

Basodá bakobanga te;

Bakotosa Liloba.

Bamipesi, bamekoli

Ndakisa ya Mobikisi.

Baláti nsango ya bomoi;

Mopanga nde Liloba.

(Mondimo)

3. Ntang’ekoki ete Nkolo

Abanda koyangela.

Mosika te, akoboma

Banguna kino nsuka.

Nguya, Nzambe amonisi;

Mpe kɛlɛlo ebɛtami.

Bóbanga Yesu, bakonzi;

Bópesa ye lokumu.

(MONDIMO)

Bóyamba Nkolo, Mwana ya Nzambe

Mpo bókufa te.

Esengo’ezali na bango

Bakotosa ye.