ຫ້ອງສະໝຸດອອນລາຍຂອງວັອດສ໌ທາວເວີ້

ອົບພະຍົບ 29:27, 28

ຄຳພີໄບເບິນສະບັບແປໂລກໃໝ່
- 27 ຊີ້ນສ່ວນເອິກແລະຂາຂອງແກະທີ່ໃຊ້ເປັນເຄື່ອງບູຊາແຕ່ງຕັ້ງ+ອາໂຣນກັບພວກລູກຊາຍໃຫ້ເປັນປະໂລຫິດ ເຊິ່ງເຈົ້າໄດ້ຊູໄປຊູມານັ້ນ ໃຫ້ເຈົ້າແຍກໄວ້ເປັນຂອງພວກປະໂລຫິດ. 28 ພວກອິດສະຣາເອນຈະຕ້ອງເອົາສ່ວນແບ່ງສັກສິດນີ້ໃຫ້ອາໂຣນກັບພວກລູກຫຼານຂອງລາວ. ເມື່ອພວກອິດສະຣາເອນເອົາເຄື່ອງບູຊາສ້າງຄວາມສະຫງົບສຸກມາໃຫ້+ ສ່ວນແບ່ງສັກສິດນີ້ຈະເປັນຂອງພະເຢໂຫວາ. ພວກອິດສະຣາເອນຈະຕ້ອງເຮັດຕາມກົດໝາຍນີ້ຕະຫຼອດໄປ.+

ລະບຽບພວກເລວີ 10:14

ຄຳພີໄບເບິນສະບັບແປໂລກໃໝ່
- 14 ນອກຈາກນັ້ນ ຊີ້ນສ່ວນເອິກຂອງເຄື່ອງບູຊາຊູໄປມາແລະຂາທີ່ເປັນສ່ວນແບ່ງສັກສິດ+ ເຈົ້າກັບພວກລູກຊາຍແລະພວກລູກສາວ+ກໍຕ້ອງກິນຢູ່ບ່ອນບໍລິສຸດຄືກັນ ເພາະນີ້ແມ່ນສ່ວນແບ່ງຂອງເຈົ້າກັບຂອງພວກລູກຊາຍຈາກເຄື່ອງບູຊາສ້າງຄວາມສະຫງົບສຸກຂອງພວກອິດສະຣາເອນ.

ຈົດເຊັນບັນຊີ 6:20

ຄຳພີໄບເບິນສະບັບແປໂລກໃໝ່
- 20 ປະໂລຫິດຕ້ອງເອົາສິ່ງເຫຼົ່ານັ້ນໄປຊູໄປຊູມາ*ເປັນເຄື່ອງບູຊາຊູໄປມາຕໍ່ໜ້າພະເຢໂຫວາ.+ ສ່ວນເຫຼົ່ານັ້ນກັບຊີ້ນສ່ວນເອິກທີ່ເປັນເຄື່ອງບູຊາຊູໄປມາແລະຂາຫຼັງທີ່ເປັນສ່ວນແບ່ງສັກສິດ+ ເປັນສິ່ງບໍລິສຸດສຳລັບປະໂລຫິດ. ຫຼັງຈາກນັ້ນ ຄົນທີ່ເປັນນາຊີຣີຈະກິນເຫຼົ້າແວງໄດ້.