-
ລະບຽບພວກເລວີ 23:34-36ຄຳພີໄບເບິນສະບັບແປໂລກໃໝ່
-
-
34 “ໃຫ້ບອກພວກອິດສະຣາເອນວ່າ ‘ວັນທີ 15 ຂອງເດືອນທີ 7 ໃຫ້ພວກເຈົ້າສະຫຼອງເທດສະການປຸກຕູບ* 7 ມື້ໃຫ້ພະເຢໂຫວາ.+ 35 ໃນມື້ທຳອິດ ພວກເຈົ້າຕ້ອງມາລວມໂຕກັນເພື່ອນະມັດສະການພະເຈົ້າ ແລະຫ້າມເຈົ້າເຮັດວຽກ. 36 ຕະຫຼອດ 7 ມື້ນັ້ນ ເຈົ້າຕ້ອງເອົາເຄື່ອງບູຊາດ້ວຍໄຟມາໃຫ້ພະເຢໂຫວາ ແລ້ວໃນມື້ທີ 8 ເຈົ້າຕ້ອງມາລວມໂຕກັນເພື່ອນະມັດສະການພະເຈົ້າ+ ແລະເຈົ້າຕ້ອງເອົາເຄື່ອງບູຊາດ້ວຍໄຟໃຫ້ພະເຢໂຫວາ. ນີ້ແມ່ນການປະຊຸມທີ່ພິເສດ. ຫ້າມເຈົ້າເຮັດວຽກ.
-
-
ພະບັນຍັດ 16:13-15ຄຳພີໄບເບິນສະບັບແປໂລກໃໝ່
-
-
13 ຫຼັງຈາກທີ່ເຈົ້າຟາດເຂົ້າແລ້ວ ແລະເຮັດນ້ຳມັນໝາກກອກກັບເຫຼົ້າແວງແລ້ວ ໃຫ້ເຈົ້າສະຫຼອງເທດສະການປຸກຕູບ*+ 7 ມື້. 14 ໃຫ້ເຈົ້າສະຫຼອງເທດສະການນີ້ຢ່າງມ່ວນຊື່ນ+ ກັບລູກຊາຍ ລູກສາວ ທາດຊາຍ ທາດຍິງ ຄົນເລວີ ຄົນຕ່າງຊາດ ລູກກຳພ້າພໍ່ ແລະແມ່ໝ້າຍທີ່ຢູ່ໃນເມືອງຂອງເຈົ້າ. 15 ໃຫ້ເຈົ້າສະຫຼອງເທດສະການນີ້ໃຫ້ພະເຢໂຫວາພະເຈົ້າຂອງເຈົ້າ 7 ມື້+ ໃນບ່ອນທີ່ພະເຢໂຫວາໄດ້ເລືອກໄວ້ ຍ້ອນພະເຢໂຫວາພະເຈົ້າຂອງເຈົ້າໄດ້ອວຍພອນເຈົ້າໃຫ້ໄດ້ຮັບຜົນລະປູກຫຼາຍ ແລະອວຍພອນທຸກສິ່ງທີ່ເຈົ້າເຮັດ.+ ເຈົ້າຈະມີຄວາມສຸກຫຼາຍ.+
-
-
ເນເຮມີຢາ 8:14-18ຄຳພີໄບເບິນສະບັບແປໂລກໃໝ່
-
-
14 ແລ້ວເຂົາເຈົ້າກໍຮູ້ວ່າໃນປຶ້ມກົດໝາຍນັ້ນພະເຢໂຫວາໄດ້ສັ່ງພວກອິດສະຣາເອນຜ່ານທາງໂມເຊວ່າ ໃນໄລຍະທີ່ສະຫຼອງເທດສະການປຸກຕູບໃນເດືອນທີ 7+ ໃຫ້ເຂົາເຈົ້າຢູ່ໃນຕູບນັ້ນ. 15 ເມື່ອຮູ້ແນວນັ້ນ ເຂົາເຈົ້າຈຶ່ງປະກາດ+ໃນທຸກເມືອງແລະທົ່ວເຢຣູຊາເລັມວ່າ: “ໃຫ້ໄປເຂດພູ ໄປເອົາງ່າຕົ້ນໝາກກອກ ງ່າຕົ້ນແປກ ງ່າຕົ້ນໄມ້ຫອມ* ງ່າຕົ້ນໄມ້ອື່ນໆທີ່ມີໃບດົກ ແລະກ້ານຕົ້ນປາມມາປຸກຕູບຕາມທີ່ຂຽນໄວ້ໃນກົດໝາຍ.”
16 ປະຊາຊົນກໍໄປເອົາງ່າໄມ້ຕ່າງໆມາປຸກຕູບຢູ່ເທິງດາດຟ້າ ເດີ່ນບ້ານ ເດີ່ນວິຫານຂອງພະເຈົ້າທ່ຽງແທ້+ ເດີ່ນທີ່ຢູ່ຕໍ່ໜ້າປະຕູນ້ຳ+ ແລະເດີ່ນທີ່ຢູ່ຕໍ່ໜ້າປະຕູເອຟຣາຢິມ.+ 17 ປະຊາຊົນທຸກຄົນທີ່ກັບມາຈາກບາບີໂລນໄດ້ປຸກຕູບແລະຢູ່ໃນຕູບນັ້ນ. ພວກອິດສະຣາເອນມີຄວາມສຸກຫຼາຍ+ ຍ້ອນວ່າບໍ່ໄດ້ມີການຈັດງານສະຫຼອງເທດສະການນີ້ຕັ້ງແຕ່ສະໄໝຂອງໂຢຊວຍ+ລູກຊາຍຂອງນູນ. 18 ທຸກໆມື້ ຕັ້ງແຕ່ມື້ທຳອິດຈົນຮອດມື້ສຸດທ້າຍໃນການສະຫຼອງເທດສະການປຸກຕູບ ມີການອ່ານປຶ້ມກົດໝາຍຂອງພະເຈົ້າທ່ຽງແທ້.+ ເຂົາເຈົ້າສະຫຼອງເທດສະການນັ້ນ 7 ມື້ ແລະໃນມື້ທີ 8 ເຂົາເຈົ້າໄດ້ຈັດການປະຊຸມພິເສດຕາມທີ່ກົດໝາຍໄດ້ກຳນົດໄວ້.+
-