ຫ້ອງສະໝຸດອອນລາຍຂອງວັອດສ໌ທາວເວີ້

1 ກະສັດ 9:8

ຄຳພີໄບເບິນສະບັບແປໂລກໃໝ່
- 8 ວິຫານຫຼັງນີ້ຈະເຫຼືອແຕ່ຊາກຫັກພັງ.+ ທຸກຄົນທີ່ຍ່າງກາຍໄປກາຍມາຈະຕົກໃຈແລະເວົ້າເຍາະເຍີ້ຍ*ວ່າ ‘ເປັນຫຍັງພະເຢໂຫວາຈຶ່ງເຮັດຈັ່ງຊີ້ກັບແຜ່ນດິນນີ້ແລະວິຫານຫຼັງນີ້?’+

2 ຂ່າວຄາວ 7:20

ຄຳພີໄບເບິນສະບັບແປໂລກໃໝ່
- 20 ເຮົາຈະຫຼົກພວກອິດສະຣາເອນໝົດຮາກໝົດເຫງົ້າອອກຈາກແຜ່ນດິນທີ່ເຮົາເອົາໃຫ້ເຂົາເຈົ້າ+ ແລະເຮົາກໍຈະປະຖິ້ມວິຫານທີ່ເຮົາເຮັດໃຫ້ບໍລິສຸດສຳລັບຊື່ຂອງເຮົາ ແລ້ວຊາດຕ່າງໆທີ່ຢູ່ອ້ອມຂ້າງຈະເວົ້າດູຖູກແລະເຍາະເຍີ້ຍພວກອິດສະຣາເອນ.+

ເຢເຣມີຢາ 24:9

ຄຳພີໄບເບິນສະບັບແປໂລກໃໝ່
- 9 ເຮົາຈະເຮັດໃຫ້ຊາດຕ່າງໆຢ້ານຫຼາຍເມື່ອເຫັນຄວາມຈິບຫາຍທີ່ເຮົາຈະເຮັດໃຫ້ເກີດຂຶ້ນກັບເຂົາເຈົ້າ.+ ຜູ້ຄົນຈະດູຖູກເຂົາເຈົ້າ ຈະໃຊ້ເຂົາເຈົ້າເປັນຕົວຢ່າງຂອງຄົນທີ່ເຈິຄວາມຈິບຫາຍ ຈະເຍາະເຍີ້ຍເຂົາເຈົ້າ ແລະຈະສາບແຊ່ງ+ເຂົາເຈົ້າຢູ່ທຸກບ່ອນທີ່ເຮົາເຮັດໃຫ້ເຂົາເຈົ້າກະຈັດກະຈາຍໄປ.+

ເຢເຣມີຢາ 25:9

ຄຳພີໄບເບິນສະບັບແປໂລກໃໝ່
- 9 ພະເຢໂຫວາບອກວ່າ “ເຮົາຈະເອີ້ນທຸກຄອບຄົວຂອງປະເທດຕ່າງໆທີ່ຢູ່ທາງເໜືອ+ແລະເອີ້ນເນບູກາດເນັດຊາກະສັດຂອງບາບີໂລນທີ່ເປັນຜູ້ຮັບໃຊ້ຂອງເຮົາມາ.+ ເຮົາຈະໃຫ້ເຂົາເຈົ້າມາຕໍ່ສູ້ແຜ່ນດິນນີ້+ ຄົນທີ່ຢູ່ແຜ່ນດິນນີ້ ແລະຊາດຕ່າງໆທີ່ຢູ່ອ້ອມຂ້າງແຜ່ນດິນນີ້.+ ເຮົາຈະທຳລາຍພວກເຈົ້າແລະຊາດເຫຼົ່ານີ້. ຜູ້ຄົນຈະຕົກໃຈແລະເຍາະເຍີ້ຍ*ເມື່ອເຫັນພວກເຈົ້າ ແລະແຜ່ນດິນນີ້ຈະກາຍເປັນຊາກຫັກພັງຕະຫຼອດໄປ.