ຫ້ອງສະໝຸດອອນລາຍຂອງວັອດສ໌ທາວເວີ້

ເອັດຊະຣາ 7:6

ຄຳພີໄບເບິນສະບັບແປໂລກໃໝ່
- 6 ເອັດຊະຣາມາຈາກບາບີໂລນ. ລາວຊຳນານໃນການຄັດລອກກົດໝາຍຂອງໂມເຊ+ເຊິ່ງເປັນກົດໝາຍທີ່ພະເຢໂຫວາພະເຈົ້າຂອງອິດສະຣາເອນເອົາໃຫ້ປະຊາຊົນຂອງເພິ່ນ. ເອັດຊະຣາຂໍຫຍັງນຳກະສັດກໍໄດ້ໝົດ ຍ້ອນວ່າພະເຢໂຫວາພະເຈົ້າຂອງລາວຢູ່ກັບລາວ.

ເອັດຊະຣາ 7:28

ຄຳພີໄບເບິນສະບັບແປໂລກໃໝ່
- 28 ເພິ່ນສະແດງຄວາມຮັກທີ່ໝັ້ນຄົງຕໍ່ຂ້ອຍ ເພິ່ນຈຶ່ງໃຫ້ກະສັດ+ ພວກທີ່ປຶກສາ+ ແລະພວກເຈົ້ານາຍທຸກຄົນຂອງກະສັດມັກຂ້ອຍແລະຢາກຊ່ວຍຂ້ອຍ. ຍ້ອນພະເຢໂຫວາພະເຈົ້າຂອງຂ້ອຍຢູ່ນຳຂ້ອຍ ຂ້ອຍຈຶ່ງກ້າຫານ ແລະຂ້ອຍໄດ້ພາຫົວໜ້າບາງຄົນຂອງພວກອິດສະຣາເອນກັບໄປເມືອງເຢຣູຊາເລັມນຳ.

ເນເຮມີຢາ 2:7, 8

ຄຳພີໄບເບິນສະບັບແປໂລກໃໝ່
- 7 ຂ້ອຍຍັງໄດ້ເວົ້າກັບກະສັດວ່າ: “ຖ້າທ່ານເຫັນດີ ຂໍໃຫ້ທ່ານຂຽນຈົດໝາຍໄປຫາພວກເຈົ້າແຂວງທີ່ຢູ່ທາງທິດຕາເວັນຕົກຂອງແມ່ນ້ຳເອິຟາຣາດແລະໃຫ້ຂ້ອຍຖືຈົດໝາຍໄປ+ ເພື່ອເຂົາເຈົ້າຈະໃຫ້ຂ້ອຍຜ່ານເຂດຂອງເຂົາເຈົ້າແລະຂ້ອຍຈະໄດ້ໄປຮອດຢູດາຢ່າງປອດໄພ. 8 ຂໍໃຫ້ທ່ານຂຽນຈົດໝາຍໄປຫາອາສັບທີ່ເປັນຜູ້ເບິ່ງແຍງປ່າໄມ້ຂອງທ່ານ ເພື່ອລາວຈະເອົາໄມ້ໃຫ້ຂ້ອຍໄປເຮັດປະຕູປ້ອມ+ທີ່ຢູ່ໃກ້ກັບວິຫານ ເຮັດກຳແພງເມືອງ+ ແລະປຸກເຮືອນທີ່ຂ້ອຍຈະຢູ່.” ຍ້ອນພະເຈົ້າຊ່ວຍຂ້ອຍ+ ກະສັດຈຶ່ງຂຽນຈົດໝາຍໃຫ້ຂ້ອຍ.+