10 ເມື່ອ​ພະ​ເຢໂຫວາ​ພະເຈົ້າ​ຂອງ​ເຈົ້າ​ພາ​ເຈົ້າ​ເຂົ້າ​ໄປ​ໃນ​ແຜ່ນດິນ​ທີ່​ເພິ່ນ​ສັນຍາ​ກັບ​ອັບຣາຮາມ ອີຊາກ ແລະ​ຢາໂຄບ​ທີ່​ເປັນ​ປູ່ຍ່າຕານາຍ​ຂອງ​ເຈົ້າ​ວ່າ​ຈະ​ເອົາ​ໃຫ້​ເຈົ້າ+ ເຊິ່ງ​ເປັນ​ແຜ່ນດິນ​ທີ່​ມີ​ເມືອງ​ໃຫຍ່​ໆ​ງາມ​ໆ​ທີ່​ເຈົ້າ​ບໍ່​ໄດ້​ສ້າງ+ 11 ມີ​ເຮືອນ​ທີ່​ເຕັມ​ແຕ່​ສິ່ງ​ດີ​ໆ​ທີ່​ເຈົ້າ​ບໍ່​ໄດ້​ອອກ​ແຮງ​ຫາ​ມາ ມີນ້ຳ​ສ້າງທີ່​ເຈົ້າ​ບໍ່​ໄດ້​ຂຸດ ມີ​ສວນ​ໝາກ​ລະແຊັງ​ແລະ​ຕົ້ນ​ໝາກກອກ​ທີ່​ເຈົ້າ​ບໍ່​ໄດ້​ປູກ ຖ້າ​ເຈົ້າ​ໄດ້​ກິນ​ຈົນ​ພໍ​ໃຈ​ແລ້ວ+ 12 ໃຫ້​ລະວັງ ຢ່າ​ລືມ​ພະ​ເຢໂຫວາ+ຜູ້​ທີ່​ໄດ້​ພາ​ເຈົ້າ​ອອກ​ຈາກ​ເອຢິບ ແລະ​ໄດ້​ປົດ​ປ່ອຍ​ເຈົ້າ​ອອກ​ຈາກ​ການ​ເປັນ​ທາດ.

 4 ຢ່າ​ເຮັດ​ວຽກ​ຈົນ​ເມື່ອຍ​ຫຼາຍ​ໂພດ​ເພື່ອ​ຈະ​ລວຍ​ຂຶ້ນ+

ໃຫ້​ເຊົາ​ເຮັດ​ແນວ​ນັ້ນ​ແລະ​ເຮັດ​ໃຫ້​ເຫັນ​ວ່າ​ເປັນ​ຄົນ​ສະຫຼາດ​ຂຶ້ນ.*

19 ໃຫ້​ເຊົາ​ສະສົມ​ຊັບ​ສົມບັດ​ສຳລັບ​ໂຕເອງ​ໃນ​ໂລກ​ນີ້+ ຍ້ອນ​ໂຕ​ແມງ​ກັບ​ຂີ້ໝ້ຽງ​ກັດ​ກິນ​ມັນ​ໄດ້ ແລະ​ຄົນ​ກໍ​ລັກ​ເອົາ​ມັນ​ໄປ​ໄດ້.

24 ບໍ່​ມີ​ຜູ້​ໃດເປັນ​ທາດ​ຂອງ​ນາຍ 2 ຄົນ​ໄດ້ ຍ້ອນ​ລາວ​ຈະ​ຮັກ​ຜູ້​ໜຶ່ງ​ແລະ​ຊັງ​ອີກ​ຜູ້​ໜຶ່ງ+ ແລະ​ຈະ​ນັບຖື​ຜູ້​ໜຶ່ງ​ແລະ​ດູຖູກ​ອີກ​ຜູ້​ໜຶ່ງ. ພວກ​ເຈົ້າ​ຈະ​ເປັນ​ທັງ​ທາດ​ຂອງ​ພະ​ເຈົ້າແລະ​ທາດ​ຂອງ​ຊັບ​ສົມບັດ​ກໍ​ບໍ່​ໄດ້.+

36 ທີ່ຈິງ ຖ້າ​ຜູ້​ໃດ​ໄດ້​ເປັນ​ເຈົ້າ​ຂອງ​ທຸກ​ສິ່ງ​ທຸກ​ຢ່າງ​ໃນ​ໂລກ​ແຕ່​ຕ້ອງ​ເສຍ​ຊີວິດ ມັນ​ຈະ​ມີ​ປະໂຫຍດ​ຫຍັງ?+

15 ແລ້ວ​ພະ​ເຢຊູ​ກໍ​ເວົ້າ​ກັບ​ປະຊາຊົນ​ທີ່​ຟັງ​ຢູ່​ວ່າ: “ລະວັງ​ໃຫ້​ດີ ຢ່າ​ເປັນ​ຄົນ​ໂລບ.+ ເຖິງ​ວ່າ​ຄົນ​ຜູ້​ໜຶ່ງ​ມີ​ຊັບ​ສົມບັດ​ຫຼາຍ​ໆ​ ແຕ່​ມັນ​ກໍ​ໃຫ້​ຊີວິດ​ລາວ​ບໍ່​ໄດ້.”+

17 ໃຫ້​ເຈົ້າ​ແນະນຳ*​ຄົນ​ຮັ່ງ​ໃນ​ໂລກ​ນີ້*​ວ່າ​ຢ່າ​ໃຫ້​ເປັນ​ຄົນ​ຖື​ໂຕ ແລະ​ຢ່າ​ຝາກ​ຄວາມ​ຫວັງ​ໄວ້​ກັບ​ຊັບ​ສົມບັດ​ທີ່​ບໍ່​ໝັ້ນຄົງ+ ແຕ່​ໃຫ້​ຝາກ​ຄວາມ​ຫວັງ​ໄວ້​ກັບ​ພະເຈົ້າ​ຜູ້​ທີ່​ໃຫ້​ພວກ​ເຮົາ​ມີ​ທຸກ​ສິ່ງ​ທີ່​ເຮັດ​ໃຫ້​ພວກ​ເຮົາ​ມີ​ຄວາມ​ສຸກ.+

16 ທຸກ​ສິ່ງ​ໃນ​ໂລກ​ນີ້ ບໍ່​ວ່າ​ຈະ​ເປັນ​ຄວາມ​ຕ້ອງການ​ຂອງ​ຮ່າງກາຍ​ທີ່​ມີ​ບາບ+ ຄວາມ​ຕ້ອງການ​ທີ່​ເກີດ​ຈາກ​ຕາ+ ຫຼື​ການ​ໂອ້​ອວດ​ຊັບ​ສົມບັດ*​ບໍ່​ໄດ້​ມາ​ຈາກ​ພະເຈົ້າ​ຜູ້​ເປັນ​ພໍ່ ແຕ່​ມາ​ຈາກ​ໂລກ.