-
ເພງສັນລະເສີນ 119:139ຄຳພີໄບເບິນສະບັບແປໂລກໃໝ່
-
-
139 ລູກຢາກເຮັດຕາມຄວາມຕ້ອງການຂອງພະອົງຫຼາຍຄືກັບມີໄຟເຜົາໄໝ້ຢູ່ໃນໂຕລູກ+
ຍ້ອນພວກສັດຕູຂອງລູກບໍ່ສົນໃຈຄຳສອນຂອງພະອົງ.
-
-
ມັດທາຍ 21:12, 13ຄຳພີໄບເບິນສະບັບແປໂລກໃໝ່
-
-
12 ແລ້ວພະເຢຊູກໍເຂົ້າໄປໃນວິຫານ ເພິ່ນໄລ່ຄົນທີ່ກຳລັງຊື້ຂາຍກັນຢູ່ຫັ້ນໃຫ້ອອກໄປ. ເພິ່ນຂວ້ຳໂຕະຂອງຄົນແລກປ່ຽນເງິນແລະຂວ້ຳຕັ່ງຂອງຄົນທີ່ຂາຍນົກເຂົາ.+ 13 ພະເຢຊູບອກເຂົາເຈົ້າວ່າ: “ພະຄຳພີບອກໄວ້ວ່າ ‘ວິຫານຂອງເຮົາຈະຖືກເອີ້ນວ່າວິຫານສຳລັບການອະທິດຖານ’+ ແຕ່ພວກເຈົ້າພັດເຮັດໃຫ້ເປັນຖ້ຳໂຈນ.”+
-
-
ມາຣະໂກ 11:15-17ຄຳພີໄບເບິນສະບັບແປໂລກໃໝ່
-
-
15 ພະເຢຊູກັບພວກລູກສິດເຂົ້າໄປໃນເມືອງເຢຣູຊາເລັມອີກ. ເພິ່ນເຂົ້າໄປໃນວິຫານ ແລ້ວໄລ່ຄົນທີ່ກຳລັງຊື້ຂາຍກັນຢູ່ຫັ້ນໃຫ້ອອກໄປ. ເພິ່ນຂວ້ຳໂຕະຂອງຄົນແລກປ່ຽນເງິນແລະຂວ້ຳຕັ່ງຂອງຄົນທີ່ຂາຍນົກເຂົາ.+ 16 ພະເຢຊູບໍ່ຍອມໃຫ້ຄົນແບກຫຍັງຍ່າງຜ່ານວິຫານເລີຍ. 17 ພະເຢຊູສອນເຂົາເຈົ້າວ່າ: “ພະຄຳພີບອກໄວ້ວ່າ ‘ວິຫານຂອງເຮົາຈະຖືກເອີ້ນວ່າວິຫານສຳລັບການອະທິດຖານຂອງຄົນທຸກຊາດ’+ ແຕ່ພວກເຈົ້າພັດເຮັດໃຫ້ເປັນຖ້ຳໂຈນ.”+
-
-
ໂຢຮັນ 2:13-17ຄຳພີໄບເບິນສະບັບແປໂລກໃໝ່
-
-
13 ຕອນໃກ້ຊິຮອດເທດສະການປັດສະຄາ+ຂອງຄົນຢິວ ພະເຢຊູກໍໄປເມືອງເຢຣູຊາເລັມ. 14 ເມື່ອເຂົ້າໄປໃນບໍລິເວນວິຫານ ເພິ່ນກໍເຫັນຄົນຂາຍງົວ ຂາຍແກະ ແລະຂາຍນົກເຂົາ+ ແລະເຫັນຄົນແລກປ່ຽນເງິນນັ່ງຢູ່. 15 ເພິ່ນຈຶ່ງເອົາເຊືອກມາເຮັດເປັນແສ້ ແລ້ວໄລ່ແກະໄລ່ງົວກັບຄົນທີ່ຂາຍສັດເຫຼົ່ານັ້ນອອກຈາກບໍລິເວນວິຫານ. ເພິ່ນຍັງເທເງິນຫຼຽນແລະຂວ້ຳໂຕະຂອງຄົນແລກປ່ຽນເງິນນຳອີກ.+ 16 ພະເຢຊູບອກຄົນຂາຍນົກເຂົາວ່າ: “ເອົາເຄື່ອງເຫຼົ່ານີ້ອອກໄປໃຫ້ໝົດ! ເຊົາເຮັດໃຫ້ເຮືອນຂອງພໍ່ຂ້ອຍເປັນຕະຫຼາດ!”+ 17 ພວກລູກສິດກໍຄິດພໍ້ຂໍ້ຄວາມທີ່ພະຄຳພີບອກໄວ້ວ່າ: “ລູກຮັກວິຫານຂອງພະອົງຫຼາຍຈົນຮູ້ສຶກຄືກັບວ່າມີໄຟລຸກແຮງຢູ່ໃນໂຕຂອງລູກ.”+
-