ຫ້ອງສະໝຸດອອນລາຍຂອງວັອດສ໌ທາວເວີ້

1 ຂ່າວຄາວ 16:8-13

ຄຳພີໄບເບິນສະບັບແປໂລກໃໝ່
- 8 “ໃຫ້ຂອບໃຈພະເຢໂຫວາ+ແລະເອີ້ນຊື່ເພິ່ນ.
  ໃຫ້ທຸກຄົນຮູ້ວ່າເພິ່ນໄດ້ເຮັດຫຍັງແດ່.+
  
  9 ຮ້ອງເພງໃຫ້ເພິ່ນແລະຫຼິ້ນດົນຕີສັນລະເສີນເພິ່ນ+
  ໃຫ້ຄິດເຖິງ*ສິ່ງທີ່ເປັນຕາງຶດທີ່ເພິ່ນໄດ້ເຮັດ.+
  
  10 ໃຫ້ພູມໃຈທີ່ໄດ້ສັນລະເສີນຊື່ທີ່ບໍລິສຸດຂອງເພິ່ນ.+
  
  ໃຫ້ຫົວໃຈຂອງຄົນທີ່ຊອກຫາພະເຢໂຫວາມີຄວາມສຸກ.+
  
  11 ໃຫ້ຊອກຫາພະເຢໂຫວາ+ແລະເພິ່ງກຳລັງຈາກເພິ່ນ.
  
  ຂໍໃຫ້ເພິ່ນຊ່ວຍເລື້ອຍໆ.+
  
  12 ໃຫ້ຄິດເຖິງສິ່ງທີ່ເປັນຕາງຶດທີ່ເພິ່ນໄດ້ເຮັດ+
  ຄິດເຖິງການອັດສະຈັນແລະການຕັດສິນທີ່ຍຸຕິທຳຂອງເພິ່ນ
  13 ພວກເຈົ້າທີ່ເປັນລູກຫຼານ*ຂອງອິດສະຣາເອນຜູ້ຮັບໃຊ້ຂອງເພິ່ນ+
  ພວກເຈົ້າທີ່ເປັນລູກຫຼານຂອງຢາໂຄບທີ່ເພິ່ນໄດ້ເລືອກໄວ້.+

ເພງສັນລະເສີນ 96:3

ຄຳພີໄບເບິນສະບັບແປໂລກໃໝ່
- 3 ໄປບອກທຸກປະເທດໃຫ້ຮູ້ວ່າເພິ່ນຍິ່ງໃຫຍ່ສ່ຳໃດ.
  ໄປເລົ່າສິ່ງທີ່ເປັນຕາງຶດທີ່ເພິ່ນໄດ້ເຮັດໃຫ້ທຸກຄົນຟັງ.+

ເພງສັນລະເສີນ 145:11, 12

ຄຳພີໄບເບິນສະບັບແປໂລກໃໝ່
- 11 ເຂົາເຈົ້າຈະປະກາດສະຫງ່າລາສີຂອງການປົກຄອງຂອງພະອົງ+
  ແລະເວົ້າເຖິງຄວາມຍິ່ງໃຫຍ່ຂອງພະອົງ+
  ל [ລາເມດ]
  
  12 ເພື່ອໃຫ້ມະນຸດທຸກຄົນຮູ້ຈັກສິ່ງທີ່ຍິ່ງໃຫຍ່ທີ່ພະອົງເຮັດ+
  ແລະຮູ້ວ່າການປົກຄອງຂອງພະອົງຍິ່ງໃຫຍ່ສ່ຳໃດ.+

ເອຊາຢາ 12:4

ຄຳພີໄບເບິນສະບັບແປໂລກໃໝ່
- 4 ໃນມື້ນັ້ນ ພວກເຈົ້າຈະເວົ້າວ່າ:
  
  “ໃຫ້ພວກເຮົາຂອບໃຈພະເຢໂຫວາແລະຮ້ອງຊື່ເພິ່ນ.
  ບອກທຸກຄົນໃຫ້ຮູ້ວ່າເພິ່ນໄດ້ເຮັດຫຍັງແດ່.+
  
  ບອກທຸກຄົນໃຫ້ຮູ້ວ່າຊື່ຂອງເພິ່ນໄດ້ຮັບການຍົກຍ້ອງຫຼາຍສ່ຳໃດ.+