• ເພງສັນລະເສີນ 143:1, 2
    ຄຳພີໄບເບິນສະບັບແປໂລກໃໝ່

    • 143 ພະ​ເຢໂຫວາ​ເອີ້ຍ ຂໍ​ພະອົງ​ຟັງ​ຄຳ​ອະທິດຖານ​ຂອງ​ລູກ.+

      ຂໍ​ພະອົງ​ຟັງ​ຄຳ​ຮ້ອງ​ຂໍ​ຄວາມ​ຊ່ວຍເຫຼືອ​ຂອງ​ລູກ.

      ຂໍ​ພະອົງ​ຕອບ​ລູກ ຍ້ອນ​ພະອົງ​ສັດຊື່​ແລະ​ຍຸຕິທຳ.

       2 ຂໍ​ພະອົງ​ຢ່າ​ຕັດສິນ​ຜູ້​ຮັບໃຊ້​ຂອງ​ພະອົງ

      ຍ້ອນ​ທຸກ​ຄົນ​ທີ່​ມີ​ຊີວິດ​ຢູ່ ບໍ່​ມີ​ໃຜ​ບໍ່​ເຄີຍ​ເຮັດ​ຜິດ​ໃນ​ສາຍ​ຕາ​ຂອງ​ພະອົງ.+

  • ເອຊາຢາ 55:7
    ຄຳພີໄບເບິນສະບັບແປໂລກໃໝ່

    •  7 ໃຫ້​ຄົນ​ຊົ່ວ​ຖິ້ມ​ແນວ​ທາງ​ຊີວິດ​ທີ່​ຊົ່ວ​ໆ​ຂອງ​ລາວ+

      ແລະ​ໃຫ້​ຄົນ​ບໍ່​ດີ​ຖິ້ມ​ຄວາມຄິດ​ທີ່​ບໍ່​ດີ.

      ໃຫ້​ກັບ​ມາ​ຫາ​ພະ​ເຢໂຫວາ ແລ້ວ​ເພິ່ນ​ຈະ​ອີ່ຕົນ​ລາວ.+

      ໃຫ້​ກັບ​ມາ​ຫາ​ພະເຈົ້າ​ຂອງ​ພວກ​ເຮົາ​ເພາະ​ເພິ່ນ​ຈະ​ຍົກ​ໂທດ​ໃຫ້​ແທ້​ໆ​.”*+

  • ດານີເອນ 9:18
    ຄຳພີໄບເບິນສະບັບແປໂລກໃໝ່

    • 18 ພະເຈົ້າ​ຂອງ​ລູກ ຂໍ​ພະອົງ​ຟັງ​ລູກ ແລະ​ແນມ​ເບິ່ງ​ສະພາບ​ທີ່​ຮ້າງ​ເປົ່າ​ຂອງ​ເມືອງ​ທີ່​ຖືກ​ເອີ້ນ​ຕາມ​ຊື່​ຂອງ​ພະອົງ. ພວກ​ເຮົາ​ອ້ອນວອນ​ຫາ​ພະອົງ ບໍ່​ແມ່ນ​ຍ້ອນ​ຄວາມ​ດີ​ຂອງ​ພວກ​ເຮົາ ແຕ່​ຍ້ອນ​ພະອົງ​ມີ​ຄວາມ​ເມດຕາ​ຫຼາຍ.+

  • ໂຣມ 3:20
    ຄຳພີໄບເບິນສະບັບແປໂລກໃໝ່

    • 20 ດັ່ງນັ້ນ ການ​ເຮັດ​ຕາມ​ກົດໝາຍບໍ່​ໄດ້​ໝາຍ​ຄວາມ​ວ່າ​ພະເຈົ້າ​ຍອມຮັບ​ຄົນ​ເຮົາ.+ ທີ່ຈິງ ກົດໝາຍ​ຊ່ວຍ​ພວກ​ເຮົາ​ໃຫ້​ເຂົ້າ​ໃຈ​ວ່າ​ພວກ​ເຮົາ​ເປັນ​ຄົນ​ບາບ.+

  • ຕີໂຕ 3:5
    ຄຳພີໄບເບິນສະບັບແປໂລກໃໝ່

    • 5 (ບໍ່​ແມ່ນ​ຍ້ອນຄວາມ​ດີ​ໃດ​ໆ​ທີ່​ພວກ​ເຮົາ​ໄດ້​ເຮັດ+ ແຕ່​ຍ້ອນ​ເພິ່ນ​ອີ່ຕົນ​ພວກ​ເຮົາ)+ ເພິ່ນ​ຊ່ວຍ​ພວກ​ເຮົາ​ໃຫ້​ລອດ​ໂດຍ​ໃຊ້​ນ້ຳ​ລ້າງ​ພວກ​ເຮົາ ພວກ​ເຮົາ​ຈຶ່ງ​ມີ​ຊີວິດ​ໃໝ່+ ແລະ​ເພິ່ນ​ໃຊ້​ພະລັງ​ບໍລິສຸດ​ສ້າງ​ພວກ​ເຮົາ​ຂຶ້ນ​ໃໝ່.+