6 ພະເຈົ້າ​ທ່ຽງ​ແທ້​ເວົ້າ​ກັບ​ລາວ​ໃນ​ຄວາມ​ຝັນ​ອີ​ກວ່າ: “ເຮົາ​ຮູ້​ວ່າ​ເຈົ້າ​ບໍ່​ໄດ້​ຕັ້ງ​ໃຈ​ເຮັດ​ຜິດ ເຮົາ​ຈຶ່ງ​ມາ​ຫ້າມ​ບໍ່​ໃຫ້​ເຈົ້າ​ເຮັດ​ຜິດ​ຕໍ່​ເຮົາ​ແລະ​ບໍ່​ໃຫ້​ເຈົ້ານອນ​ນຳ​ລາວ.

12 ຖ້າ​ຜູ້​ໃດ​ບໍ່​ເຮັດ​ຕາມ​ການ​ຕັດສິນ​ຂອງ​ຜູ້ຕັດສິນ​ຫຼື​ປະໂລຫິດ​ທີ່​ຮັບ​ໃຊ້​ພະ​ເຢໂຫວາ​ພະເຈົ້າ​ຂອງ​ເຈົ້າ ຜູ້​ນັ້ນ​ຈະ​ຕ້ອງ​ຕາຍ.+ ເຈົ້າ​ຕ້ອງ​ກຳຈັດ​ຄວາມ​ຊົ່ວ​ໃຫ້​ໝົດ​ໄປ​ຈາກ​ອິດສະຣາເອນ.+

23 ເພາະ​ການ​ບໍ່​ເຊື່ອ​ຟັງ+ພະເຈົ້າ​ມີ​ຄວາມ​ຜິດ​ຮ້າຍແຮງ​ສ່ຳ​ກັບການ​ຫຼິ້ນ​ຜີ+ ແລະ​ການ​ເຮັດ​ເກີນ​ສິດ​ກໍ​ຮ້າຍແຮງ​ສ່ຳ​ກັບ​ການ​ໃຊ້​ຄາຖາອາຄົມ​ແລະ​ການ​ຂາບ​ໄຫວ້​ຮູບ​ບູຊາ. ຍ້ອນ​ເຈົ້າ​ບໍ່​ເຮັດ​ຕາມ​ທີ່​ພະ​ເຢໂຫວາ​ບອກ+ ເພິ່ນ​ຈະ​ປົດ​ເຈົ້າ​ບໍ່​ໃຫ້​ເປັນ​ກະສັດ​ອີກ​ຕໍ່​ໄປ.”+

7 ພະ​ເຢໂຫວາ​ພະເຈົ້າ​ທ່ຽງແທ້​ໃຈຮ້າຍ​ໃຫ້​ອຸດຊາ​ຫຼາຍ. ເພິ່ນ​ຂ້າ​ລາວ+ຢູ່​ຫັ້ນ ຍ້ອນ​ລາວບໍ່​ນັບ​ຖືກົດໝາຍ​ຂອງ​ພະເຈົ້າ.+ ອຸດຊາ​ຕາຍ​ຢູ່ທາງຂ້າງ​ຫີບ​ສັນຍາ​ຂອງ​ພະເຈົ້າ​ທ່ຽງແທ້.

16 ແຕ່​ເມື່ອ​ມີ​ອຳນາດ​ແລ້ວ ລາວ​ກໍ​ກາຍ​ເປັນ​ຄົນ​ຈອງຫອງ​ຈົນ​ເຮັດ​ໃຫ້​ໂຕເອງ​ຈິບຫາຍ. ລາວເຮັດ​ຜິດຕໍ່​ພະ​ເຢໂຫວາ​ພະເຈົ້າ​ຂອງ​ລາວ ໂດຍ​ເຂົ້າ​ໄປ​ໃນ​ວິຫານ​ຂອງ​ພະ​ເຢໂຫວາ​ເພື່ອ​ເຜົາ​ເຄື່ອງຫອມ​ຢູ່​ແທ່ນ​ເຜົາ​ເຄື່ອງຫອມ.+ 17 ປະໂລຫິດ​ອາຊາຣີຢາ​ກັບ​ປະໂລຫິດ​ຂອງ​ພະ​ເຢໂຫວາ​ອີກ 80 ຄົນ​ກໍ​ຟ້າວ​ນຳ​ລາວ​ເຂົ້າ​ໄປ. 18 ເຂົາ​ເຈົ້າຫ້າມອຸດຊີຢາ​ແລະ​ບອກ​ລາວ​ວ່າ: “ທ່ານ​ບໍ່​ຄວນ​ເຮັດ​ແບບ​ນີ້. ທ່ານ​ບໍ່​ຄວນ​ເຜົາ​ເຄື່ອງຫອມ​ໃຫ້​ພະ​ເຢໂຫວາ+​ເພາະ​ວ່າ​ມັນ​ບໍ່​ແມ່ນ​ໜ້າ​ທີ່​ຂອງ​ທ່ານ ແຕ່​ເປັນ​ໜ້າ​ທີ່​ຂອງ​ພວກ​ປະໂລຫິດ​ທີ່​ເປັນ​ລູກ​ຫຼານ​ຂອງ​ອາໂຣນ+​ທີ່​ເຮັດ​ໃຫ້​ໂຕເອງ​ສະອາດ​ແລ້ວ*​ເທົ່າ​ນັ້ນ. ໃຫ້​ທ່ານ​ອອກ​ໄປ​ຈາກ​ບ່ອນ​ບໍລິສຸດ​ນີ້. ເຖິງ​ທ່ານ​ຈະ​ເຜົາ​ເຄື່ອງຫອມຢູ່​ແທ່ນ​ບູຊາ ແຕ່​ພະ​ເຢໂຫວາ​ພະເຈົ້າ​ຈະ​ບໍ່​ໃຫ້​ກຽດ​ທ່ານ ຍ້ອນ​ທ່ານ​ບໍ່​ເຊື່ອ​ຟັງ​ເພິ່ນ.”