-
ເອຊາຢາ 56:6, 7ຄຳພີໄບເບິນສະບັບແປໂລກໃໝ່
-
-
6 ສຳລັບຄົນຕ່າງຊາດທີ່ມາລວມກັນເພື່ອນະມັດສະການພະເຢໂຫວາ
ເຊິ່ງເປັນຄົນທີ່ຮັກຊື່ຂອງພະເຢໂຫວາ+
ເປັນຄົນທີ່ຢາກຮັບໃຊ້ເຮົາ
ເປັນຄົນທີ່ຖືວັນຊະບາໂຕແລະເຮັດໃຫ້ມື້ນັ້ນບໍລິສຸດ
ແລະເປັນຄົນທີ່ເຮັດຕາມສັນຍາຂອງເຮົາ
7 ເຮົາຈະພາເຂົາເຈົ້າມາພູບໍລິສຸດຂອງເຮົາ+
ແລະເຂົາເຈົ້າຈະມີຄວາມສຸກທີ່ໄດ້ຢູ່ໃນວິຫານສຳລັບການອະທິດຖານ.
ເຮົາຈະຮັບເອົາເຄື່ອງບູຊາເຜົາແລະເຄື່ອງບູຊາອື່ນໆທີ່ເຂົາເຈົ້າເອົາມາໃຫ້ຢູ່ເທິງແທ່ນບູຊາຂອງເຮົາ.
ວິຫານຂອງເຮົາຈະຖືກເອີ້ນວ່າວິຫານສຳລັບການອະທິດຖານຂອງຄົນທຸກຊາດ.”+
-
-
ເອຊາຢາ 66:20ຄຳພີໄບເບິນສະບັບແປໂລກໃໝ່
-
-
20 ເຂົາເຈົ້າຈະພາອ້າຍນ້ອງຂອງເຈົ້າທຸກຄົນອອກມາຈາກຊາດຕ່າງໆ+ເພື່ອເປັນເຄື່ອງຂອງທີ່ຈະມອບໃຫ້ພະເຢໂຫວາ ຄືກັບທີ່ຄົນອິດສະຣາເອນເອົາເຄື່ອງຂອງຂອງເຂົາເຈົ້າໃສ່ໃນເຄື່ອງໃຊ້ທີ່ສະອາດເຂົ້າໄປໃນວິຫານຂອງພະເຢໂຫວາ. ເຂົາເຈົ້າຈະຂີ່ມ້າ ຂີ່ລົດຮົບ ຂີ່ກວຽນທີ່ມີຫຼັງຄາ ຂີ່ລໍ* ແລະຂີ່ອູດຂຶ້ນໄປເທິງພູບໍລິສຸດຂອງເຮົາໃນເມືອງເຢຣູຊາເລັມ.” ພະເຢໂຫວາເວົ້າຈັ່ງຊີ້.
-
-
ເອເຊກຽນ 20:40ຄຳພີໄບເບິນສະບັບແປໂລກໃໝ່
-
-
40 ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດເວົ້າວ່າ ‘ຢູ່ເທິງພູສູງຂອງອິດສະຣາເອນທີ່ເປັນພູບໍລິສຸດຂອງເຮົາ+ ພວກອິດສະຣາເອນທຸກຄົນຈະຮັບໃຊ້ເຮົາ.+ ຢູ່ຫັ້ນ ເຮົາຈະພໍໃຈພວກເຈົ້າ ແລະເຮົາຈະໃຫ້ພວກເຈົ້າບໍລິຈາກເຄື່ອງທີ່ບໍລິສຸດໃຫ້ເຮົາ ເຊິ່ງລວມເຖິງຜົນລະປູກຊຸດທຳອິດຂອງພວກເຈົ້ານຳ.+
-
-
ໂຢເອນ 3:17ຄຳພີໄບເບິນສະບັບແປໂລກໃໝ່
-
-
17 ແລ້ວພວກເຈົ້າຈະຮູ້ວ່າ ເຮົາແມ່ນເຢໂຫວາພະເຈົ້າຂອງພວກເຈົ້າຜູ້ທີ່ຢູ່ເມືອງຊີໂອນເຊິ່ງເປັນພູທີ່ບໍລິສຸດຂອງເຮົາ.+
-