ຫ້ອງສະໝຸດອອນລາຍຂອງວັອດສ໌ທາວເວີ້

ພະບັນຍັດ 28:45

ຄຳພີໄບເບິນສະບັບແປໂລກໃໝ່
- 45 ຄຳສາບແຊ່ງທັງໝົດນີ້+ຈະເກີດຂຶ້ນກັບພວກເຈົ້າ ແລະຈະຕິດໂຕພວກເຈົ້າໄປຈົນກວ່າພວກເຈົ້າຈະຖືກທຳລາຍຈົນໝົດ+ ຍ້ອນພວກເຈົ້າບໍ່ໄດ້ເຊື່ອຟັງພະເຢໂຫວາພະເຈົ້າຂອງພວກເຈົ້າ ແລະບໍ່ໄດ້ເຮັດຕາມຂໍ້ກຳນົດກົດໝາຍທີ່ເພິ່ນໄດ້ສັ່ງພວກເຈົ້າ.+

ເຢເຣມີຢາ 44:12-14

ຄຳພີໄບເບິນສະບັບແປໂລກໃໝ່
- 12 ເຮົາຈະເຮັດໃຫ້ຄົນຢູດາທີ່ເຫຼືອຢູ່ທີ່ຕັ້ງໃຈຈະໄປຢູ່ເອຢິບຕາຍຢູ່ແຜ່ນດິນນັ້ນ.+ ເຂົາເຈົ້າຈະຖືກຂ້າດ້ວຍດາບແລະຕາຍດ້ວຍຄວາມອຶດຢາກ. ເດັກນ້ອຍຈົນຮອດຜູ້ເຖົ້າກໍຈະຖືກຂ້າດ້ວຍດາບແລະຈະຕາຍຍ້ອນຄວາມອຶດຢາກ. ເຂົາເຈົ້າຈະຖືກສາບແຊ່ງ ຖືກເຮັດໃຫ້ເສຍກຽດ ແລະຖືກຕຳໜິ.+ ຊາດຕ່າງໆທີ່ເຫັນເຂົາເຈົ້າຈະຕົກໃຈແລະຢ້ານຫຼາຍ. 13 ເຮົາຈະລົງໂທດຄົນທີ່ໄປອາໄສຢູ່ເອຢິບດ້ວຍດາບ ດ້ວຍຄວາມອຶດຢາກ ແລະດ້ວຍໂລກລະບາດ*+ຄືກັບທີ່ເຮົາໄດ້ລົງໂທດເຢຣູຊາເລັມ. 14 ຄົນທີ່ເຫຼືອຢູ່ຢູດາທີ່ໄປອາໄສຢູ່ເອຢິບຈະບໍ່ລອດຊີວິດແລະຈະບໍ່ໄດ້ກັບໄປຢູດາອີກ. ເຂົາເຈົ້າຈະຢາກກັບໄປຢູ່ຫັ້ນ ແຕ່ຈະບໍ່ໄດ້ກັບໄປ. ຍົກເວັ້ນບໍ່ເທົ່າໃດຄົນທີ່ໜີໄປໄດ້.’”

ເຢເຣມີຢາ 44:27, 28

ຄຳພີໄບເບິນສະບັບແປໂລກໃໝ່
- 27 ຕອນນີ້ ເຮົາກຳລັງເຝົ້າເບິ່ງເຂົາເຈົ້າເພື່ອຈະເຮັດໃຫ້ເຂົາເຈົ້າເຈິແນວບໍ່ດີແລະເຈິຄວາມຈິບຫາຍ.+ ຄົນຢູດາທຸກຄົນທີ່ຢູ່ໃນເອຢິບຈະຖືກຂ້າດ້ວຍດາບແລະຈະຕາຍຍ້ອນຄວາມອຶດຢາກຈົນບໍ່ເຫຼືອຈັກຄົນ.+ 28 ຈະມີບໍ່ເທົ່າໃດຄົນເທົ່ານັ້ນທີ່ລອດຊີວິດຈາກດາບແລະໄດ້ອອກຈາກເອຢິບກັບໄປຢູ່ຢູດາ.+ ຕອນນັ້ນ ຄົນຢູດາທີ່ເຫຼືອຢູ່ເອຢິບຈະໄດ້ຮູ້ວ່າຄຳເວົ້າຂອງໃຜເກີດຂຶ້ນແທ້ ຂອງເຮົາຫຼືຂອງເຂົາເຈົ້າ.”’