• ພະບັນຍັດ 4:19
    ຄຳພີໄບເບິນສະບັບແປໂລກໃໝ່

    • 19 ເມື່ອ​ພວກ​ເຈົ້າ​ເງີຍ​ໜ້າ​ຂຶ້ນ​ເບິ່ງ​ຟ້າ​ແລະ​ເຫັນ​ຕາເວັນ ເດືອນ ແລະ​ດາວ​ຕ່າງ​ໆ​ເຊິ່ງ​ເປັນສິ່ງ​ທີ່​ຢູ່​ເທິງ​ຟ້າ ຢ່າ​ຫຼົງ​ໄປ​ຂາບ​ໄຫວ້​ຫຼື​ນະມັດສະການ​ສິ່ງ​ເຫຼົ່າ​ນັ້ນ.+ ພະ​ເຢໂຫວາ​ພະເຈົ້າ​ຂອງ​ພວກ​ເຈົ້າ​ໃຫ້​ສິ່ງ​ເຫຼົ່າ​ນັ້ນ​ກັບ​ທຸກ​ຄົນ​ໃນ​ໂລກ.

  • 2 ກະສັດ 17:16
    ຄຳພີໄບເບິນສະບັບແປໂລກໃໝ່

    • 16 ເຂົາ​ເຈົ້າ​ບໍ່​ເຮັດ​ຕາມ​ຄຳ​ສັ່ງ​ທຸກ​ຢ່າງ​ຂອງ​ພະ​ເຢໂຫວາ​ພະເຈົ້າ​ຂອງ​ເຂົາ​ເຈົ້າ. ເຂົາ​ເຈົ້າ​ເອົາ​ເຫຼັກ​ມາ​ຫຼໍ່​ເຮັດ​ງົວ​ນ້ອຍ 2 ໂຕ+ ເຮັດ​ເສົາ​ໄມ້​ສັກສິດ+ ຂາບ​ໄຫວ້​ດວງ​ດາວຕ່າງ​ໆ​ທີ່​ຢູ່​ເທິງ​ຟ້າ+ ແລະ​ນະມັດສະການ​ພະ​ບາອານ.+

  • 2 ກະສັດ 21:3
    ຄຳພີໄບເບິນສະບັບແປໂລກໃໝ່

    • 3 ບ່ອນ​ນະມັດສະການ​ຕ່າງ​ໆ​ທີ່​ເຮເຊກີຢາ​ພໍ່​ຂອງ​ລາວ​ໄດ້​ທຳລາຍ​ແລ້ວ+ ລາວ​ກໍ​ສ້າງ​ຂຶ້ນ​ມາ​ໃໝ່. ລາວ​ສ້າງ​ແທ່ນ​ບູຊາ​ໃຫ້​ພະ​ບາອານ​ແລະ​ເຮັດ​ເສົາ​ໄມ້​ສັກສິດ*+ຄື​ກັບ​ທີ່​ອາຮາບ​ກະສັດ​ຂອງ​ອິດສະຣາເອນ​ເຄີຍ​ເຮັດ.+ ລາວ​ຂາບ​ໄຫວ້​ແລະ​ນະມັດສະການ​ດວງ​ດາວ​ຕ່າງ​ໆ​.+

  • ເຢເຣມີຢາ 19:13
    ຄຳພີໄບເບິນສະບັບແປໂລກໃໝ່

    • 13 ເຮືອນ​ໃນ​ເຢຣູຊາເລັມ​ແລະ​ວັງ​ຂອງ​ພວກ​ກະສັດ​ຢູດາ​ຈະ​ກາຍ​ເປັນ​ບ່ອນ​ທີ່​ບໍ່​ສະອາດ​ຄື​ກັບ​ໂຕເຟັດ+ ຍ້ອນ​ເຂົາ​ເຈົ້າ​ເອົາ​ເຄື່ອງ​ບູຊາ​ໃຫ້​ດວງ​ດາວ​ຕ່າງ​ໆ​ທີ່​ຢູ່​ເທິງ​ຟ້າ+ ແລະ​ເທ​ເຄື່ອງ​ບູຊາ​ດື່ມ​ໃຫ້​ພະເຈົ້າ​ອື່ນ​ຢູ່​ເທິງ​ດາດຟ້າ.’”+

  • ເອເຊກຽນ 8:16
    ຄຳພີໄບເບິນສະບັບແປໂລກໃໝ່

    • 16 ແລ້ວ​ເພິ່ນ​ກໍ​ພາ​ຂ້ອຍ​ໄປ​ເດີ່ນ​ທາງ​ໃນ​ວິຫານ​ຂອງ​ພະ​ເຢໂຫວາ.+ ຢູ່​ທາງ​ເຂົ້າ​ວິຫານ​ຂອງ​ພະ​ເຢໂຫວາ​ລະຫວ່າງ​ຫ້ອງ​ທາງ​ເຂົ້າ​ກັບ​ແທ່ນ​ບູຊາ ມີ​ຜູ້​ຊາຍ 25 ຄົນ​ປິ່ນ​ຫຼັງ​ໃສ່​ວິຫານ​ຂອງ​ພະ​ເຢໂຫວາ​ແລະ​ປິ່ນ​ໜ້າ​ໄປ​ທາງ​ທິດ​ຕາເວັນ​ອອກ. ເຂົາເຈົ້າ​ກົ້ມ​ກາບ​ດວງ​ຕາເວັນ​ຢູ່​ທາງ​ທິດ​ຕາເວັນ​ອອກ.+

  • ເຊຟານີຢາ 1:4, 5
    ຄຳພີໄບເບິນສະບັບແປໂລກໃໝ່

    •  4 ເຮົາ​ຈະ​ລົງໂທດ​ຢູດາ

      ແລະ​ທຸກ​ຄົນ​ໃນ​ເຢຣູຊາເລັມ.

      ເຮົາ​ຈະ​ທຳລາຍ​ທຸກ​ສິ່ງ​ທີ່​ເຫຼືອ​ຢູ່*​ຂອງ​ພະ​ບາອານ​ໃຫ້​ໝົດ​ໄປ​ຈາກ​ບ່ອນ​ນີ້.+

      ເຮົາ​ຈະ​ເຮັດ​ໃຫ້​ທຸກ​ຄົນ​ບໍ່​ຈື່​ຊື່​ພວກ​ປະໂລຫິດ​ຂອງ​ພະເຈົ້າ​ປອມ​ກັບ​ພວກ​ປະໂລຫິດ​ທີ່​ນະ​ມັດ​ສະການ​ຮູບ​ບູຊາ.+

       5 ເຮົາ​ຈະ​ທຳລາຍ​ຄົນ​ທີ່​ຂາບ​ໄຫວ້​ດາວ​ຕ່າງ​ໆ​ທີ່​ຢູ່​ໃນ​ທ້ອງຟ້າ.*+

      ເຮົາ​ຈະ​ທຳລາຍ​ຄົນ​ທີ່​ນະ​ມັດ​ສະການ​ພະເຢໂຫວາ​ແລະ​ສາບານ​ວ່າ​ຈະ​ພັກດີ​ຕໍ່​ເຮົາ+

      ແຕ່​ກໍ​ໄປ​ສາບານ​ວ່າ​ຈະ​ພັກດີ​ຕໍ່ພະ​ມັນກາມ​ນຳ.+