16 ເມື່ອ​ເປັນ​ແນວ​ນີ້ ຄົນ​ທີ່​ຢ້ານຢຳ​ພະ​ເຢໂຫວາ​ກໍ​ລົມ​ກັນ ແລະ​ພະ​ເຢໂຫວາກໍ​ສົນໃຈ​ຟັງ​ສິ່ງ​ທີ່​ເຂົາເຈົ້າ​ເວົ້າ. ພະ​ເຢໂຫວາ​ໃຫ້​ຂຽນ​ຊື່​ຂອງ​ຄົນ​ທີ່​ເພິ່ນ​ຈື່+​ໃສ່​ປຶ້ມ​ໄວ້ ເຊິ່ງ​ກໍ​ແມ່ນ​ຄົນ​ທີ່​ຢ້ານຢຳ​ເພິ່ນ​ແລະ​ຄິດເຖິງ*​ຊື່​ຂອງ​ເພິ່ນ.+

21 ໃນ​ຕອນ​ນັ້ນ​ຈະ​ມີ​ຄວາມ​ທຸກ​ລຳບາກ​ຄັ້ງ​ໃຫຍ່+​ແບບ​ທີ່​ບໍ່​ເຄີຍ​ເກີດ​ຂຶ້ນ​ມາ​ກ່ອນ​ນັບ​ຕັ້ງແຕ່​ມີ​ໂລກ​ມາ​ຈົນ​ຮອດ​ດຽວ​ນີ້ ແລະ​ຄວາມ​ທຸກ​ລຳບາກ​ແບບນັ້ນ​ກໍ​ຈະ​ບໍ່​ເກີດ​ຂຶ້ນ​ອີກ​ເລີຍ.+ 22 ທີ່ຈິງ ຖ້າ​ພະເຈົ້າ​ບໍ່​ເຮັດ​ໃຫ້​ໄລຍະ​ທີ່​ມີ​ຄວາມ​ທຸກ​ລຳບາກ​ນັ້ນ​ສັ້ນ​ລົງ​ກໍ​ຈະ​ບໍ່​ມີ​ຜູ້​ໃດ​ລອດ​ເລີຍ ແຕ່​ເພື່ອ​ເຫັນ​ແກ່​ຜູ້​ທີ່​ເພິ່ນ​ເລືອກ​ໄວ້ ເພິ່ນ​ຈະ​ເຮັດ​ໃຫ້​ໄລຍະ​ເວລາ​ນັ້ນ​ສັ້ນ​ລົງ.+

20 ຢ່າ​ດີໃຈ​ທີ່​ພວກ​ປີສາດ​ຢູ່​ໃຕ້​ອຳນາດ​ພວກ​ເຈົ້າ ແຕ່​ໃຫ້​ດີໃຈ​ທີ່​ຊື່​ຂອງ​ພວກ​ເຈົ້າ​ຖືກ​ຈົດ​ໄວ້​ແລ້ວ​ໃນ​ສະຫວັນ.”+

5 ດັ່ງນັ້ນ ຄົນ​ທີ່​ໄດ້​ໄຊ​ຊະນະ+​ຈະ​ໃສ່​ເສື້ອ​ຄຸມ​ສີ​ຂາວ+ ແລະ​ຂ້ອຍ​ຈະ​ບໍ່​ລຶບ​ຊື່​ລາວ​ອອກ​ຈາກ​ປຶ້ມ​ລາຍຊື່​ຄົນ​ທີ່​ຈະ​ໄດ້​ຊີວິດ.+ ຂ້ອຍ​ຈະ​ບອກ​ວ່າ​ຂ້ອຍ​ຮູ້​ຈັກ​ຊື່​ລາວ​ເມື່ອ​ຢູ່​ຕໍ່​ໜ້າ​ພໍ່​ແລະ​ຕໍ່​ໜ້າ​ພວກ​ທູດສະຫວັນ​ຂອງ​ພໍ່.+

13 ຜູ້​ປົກຄອງ​ຄົນ​ໜຶ່ງ​ໄດ້​ຖາມ​ຂ້ອຍ​ວ່າ: “ຄົນ​ເຫຼົ່າ​ນັ້ນ​ທີ່​ໃສ່​ເສື້ອ​ຄຸມ​ສີ​ຂາວ+​ແມ່ນ​ໃຜ​ແລະ​ມາ​ຈາກ​ໃສ?” 14 ຂ້ອຍ​ຕອບ​ທັນທີ​ວ່າ: “ທ່ານ​ເອີ້ຍ ທ່ານ​ກໍ​ຮູ້​ແລ້ວ.” ເພິ່ນ​ຈຶ່ງ​ບອກ​ຂ້ອຍ​ວ່າ: “ເຂົາເຈົ້າ​ເປັນ​ຄົນ​ທີ່​ຜ່ານ​ຄວາມ​ທຸກ​ລຳບາກ​ຄັ້ງ​ໃຫຍ່+ ແລະ​ໄດ້​ຊັກ​ເສື້ອ​ຄຸມ​ຂອງ​ໂຕເອງ​ແລະ​ເຮັດ​ໃຫ້​ຂາວ​ດ້ວຍ​ເລືອດ​ຂອງ​ແກະ​ນ້ອຍ​ຂອງ​ພະເຈົ້າ.+