ເອຊາຢາ
38 ຕອນທີ່ເຮເຊກີຢາບໍ່ສະບາຍແຮງແລະໃກ້ຊິຕາຍ+ ຜູ້ພະຍາກອນເອຊາຢາ+ລູກຊາຍຂອງອາມອດມາຫາລາວແລະເວົ້າວ່າ: “ພະເຢໂຫວາບອກວ່າ ‘ໃຫ້ສັ່ງລາຄອບຄົວ*ຂອງເຈົ້າ ເພາະວ່າເຈົ້າຈະບໍ່ເຊົາເຈັບປ່ວຍແລະຈະຕາຍ.’+” 2 ເມື່ອໄດ້ຍິນແບບນັ້ນເຮເຊກີຢາກໍປິ່ນໜ້າເຂົ້າຝາແລະອະທິດຖານຫາພະເຢໂຫວາວ່າ: 3 “ພະເຢໂຫວາ ຂໍໃຫ້ຈື່+ວ່າລູກໃຊ້ຊີວິດຢ່າງສັດຊື່ໃນແນວທາງຂອງພະອົງ ຮັບໃຊ້ພະອົງດ້ວຍສຸດຫົວໃຈ+ ແລະເຮັດສິ່ງທີ່ພະອົງເບິ່ງວ່າຖືກຕ້ອງສະເໝີ.” ແລ້ວເຮເຊກີຢາກໍໄຫ້ແທ້ໄຫ້ວ່າ.
4 ພະເຢໂຫວາບອກເອຊາຢາວ່າ: 5 “ໃຫ້ເຈົ້າກັບໄປຫາເຮເຊກີຢາແລະບອກລາວວ່າ+ ‘ພະເຢໂຫວາພະເຈົ້າຂອງດາວິດປູ່ຍ່າຕານາຍຂອງເຈົ້າບອກວ່າ “ເຮົາໄດ້ຍິນຄຳອະທິດຖານຂອງເຈົ້າ+ ແລະເຫັນນ້ຳຕາຂອງເຈົ້າແລ້ວ.+ ເຮົາຈະໃຫ້ເຈົ້າມີຊີວິດຢູ່ຕໍ່ອີກ 15 ປີ.+ 6 ເຮົາຈະຊ່ວຍເຈົ້າກັບເມືອງນີ້ໃຫ້ລອດຈາກກະສັດອັດຊີເຣຍແລະເຮົາຈະປົກປ້ອງເມືອງນີ້.+ 7 ພະເຢໂຫວາຈະໃຫ້ທ່ານເຫັນສິ່ງຕໍ່ໄປນີ້ເພື່ອຢືນຢັນວ່າພະເຢໂຫວາຈະເຮັດຕາມທີ່ເພິ່ນໄດ້ເວົ້າ.+ 8 ເຮົາຈະເຮັດໃຫ້ເງົາທີ່ສ່ອງໃສ່ຂັ້ນໄດ*ຂອງອາຮາດຖອຍກັບຫຼັງ 10 ຂັ້ນ.”’”+ ແລ້ວເງົາທີ່ສ່ອງກາຍໄປແລ້ວກໍຖອຍກັບຫຼັງ 10 ຂັ້ນ.
9 ຕໍ່ໄປນີ້ແມ່ນສິ່ງ*ທີ່ເຮເຊກີຢາກະສັດຂອງຢູດາຂຽນຕອນທີ່ລາວບໍ່ສະບາຍແຮງແລະຕອນທີ່ລາວເຊົາແລ້ວ.
10 ຂ້ອຍເວົ້າວ່າ: “ທັງໆທີ່ຂ້ອຍຍັງບໍ່ເຖົ້າ
ແຕ່ຂ້ອຍຕ້ອງລົງໄປໃນບ່ອນຝັງສົບ.*
ຊີວິດທັງໝົດຂອງຂ້ອຍຕ້ອງຈົບລົງຕອນນີ້.”
11 ຂ້ອຍເວົ້າວ່າ: “ຂ້ອຍຈະບໍ່ເຫັນພະເຢໂຫວາ*ແລ້ວ. ຂ້ອຍຈະບໍ່ໄດ້ເຫັນພະເຢໂຫວາ*ໃນແຜ່ນດິນຂອງຄົນທີ່ມີຊີວິດຢູ່.+
ຂ້ອຍຈະບໍ່ເຫັນຄົນທີ່ມີຊີວິດຢູ່ອີກຕໍ່ໄປ
ຍ້ອນວ່າຂ້ອຍຈະໄປຢູ່ກັບຄົນຕາຍ.
12 ບ່ອນຢູ່ຂອງຂ້ອຍຖືກມ້າງແລະຖືກຍ້າຍ+
ຄືກັບເຕັ້ນຂອງຄົນລ້ຽງແກະ.
ຂ້ອຍມ້ວນຊີວິດຂອງໂຕເອງຄືກັບຄົນຕ່ຳຫູກມ້ວນຜ້າທີ່ລາວຕ່ຳ.
ເພິ່ນຕັດຊີວິດຂ້ອຍຄືກັບຄົນຕ່ຳຫູກຕັດຜ້າອອກຈາກເຄືອ.
ຕັ້ງແຕ່ເຊົ້າຮອດແລງ ເພິ່ນ*ເຮັດໃຫ້ຂ້ອຍເຈິແຕ່ຄວາມລຳບາກ.+
13 ຂ້ອຍພະຍາຍາມສະຫງົບໃຈຈົນຮອດຕອນເຊົ້າ.
ເພິ່ນຫັກກະດູກຂອງຂ້ອຍທັງໝົດຄືກັບທີ່ໂຕສິງເຮັດກັບເຫຍື່ອຂອງມັນ.
ຕັ້ງແຕ່ເຊົ້າຮອດແລງ ເພິ່ນເຮັດໃຫ້ຂ້ອຍເຈິແຕ່ຄວາມລຳບາກ.+
ຂ້ອຍແນມເບິ່ງທາງເທິງຈົນຕາເມື່ອຍແລະເວົ້າວ່າ:+
‘ພະເຢໂຫວາ ລູກທຸກໃຈຫຼາຍ.
ຂໍພະອົງຊ່ວຍລູກແດ່.’+
15 ຂ້ອຍຈະເວົ້າຫຍັງໄດ້ອີກ?
ເພິ່ນເວົ້າໄວ້ແນວໃດ ເພິ່ນກໍເຮັດຕາມນັ້ນ.
ຂ້ອຍເຄີຍເຈິຄວາມເຈັບປວດມາແລ້ວ.
ຕັ້ງແຕ່ນີ້ໄປ ຂ້ອຍຈະເປັນຄົນຖ່ອມຕະຫຼອດຊີວິດຂອງຂ້ອຍ.
16 ‘ພະເຢໂຫວາ ມະນຸດມີຊີວິດຢູ່ໄດ້ຍ້ອນຄວາມດີຂອງພະອົງ
ແລະລູກຫາຍໃຈຢູ່ໄດ້ກໍຍ້ອນຄວາມດີຂອງພະອົງຄືກັນ.
ພະອົງຈະຊ່ວຍລູກໃຫ້ເຊົາເຈັບປ່ວຍແລະມີຊີວິດຢູ່ຕໍ່ໄປ.+
17 ແທນທີ່ຈະມີຄວາມສະຫງົບໃຈ ລູກພັດມີແຕ່ຄວາມທຸກໃຈ
ແຕ່ຍ້ອນພະອົງຮັກລູກ
ພະອົງຈຶ່ງປົກປ້ອງລູກຈາກຄວາມຕາຍ.+
ພະອົງໂຍນຄວາມຜິດທັງໝົດຂອງລູກໄປທາງຫຼັງພະອົງ.*+
ຜູ້ທີ່ລົງໄປໃນບ່ອນຝັງສົບຈະບໍ່ເຫັນສິ່ງທີ່ພະອົງເຮັດດ້ວຍຄວາມສັດຊື່ອີກຕໍ່ໄປ.+
19 ມີແຕ່ຄົນທີ່ມີຊີວິດຢູ່ເທົ່ານັ້ນທີ່ສາມາດສັນລະເສີນພະອົງໄດ້
ຄືກັບທີ່ລູກເຮັດໃນມື້ນີ້.
ຜູ້ເປັນພໍ່ກໍຈະສອນລູກໃຫ້ຮູ້ກ່ຽວກັບຄວາມສັດຊື່ຂອງພະອົງໄດ້.+
20 ພະເຢໂຫວາ ຂໍຊ່ວຍລູກແດ່
ແລະພວກເຮົາຈະຫຼິ້ນເພງທີ່ລູກແຕ່ງດ້ວຍເຄື່ອງດົນຕີທີ່ມີສາຍ+
ຕະຫຼອດຊີວິດຂອງພວກເຮົາຢູ່ວິຫານຂອງພະເຢໂຫວາ.’”+
21 ຈາກນັ້ນ ເອຊາຢາບອກຄົນຮັບໃຊ້ຂອງກະສັດວ່າ: “ໄປເອົາໝາກເດື່ອແຫ້ງທີ່ປັ້ນເປັນກ້ອນມາແລະໂພະໃສ່ຝີ ແລ້ວກະສັດຈະໄຄຂຶ້ນ.” + 22 ເຮເຊກີຢາໄດ້ຖາມເອຊາຢາວ່າ: “ມີຫຍັງຢືນຢັນວ່າຂ້ອຍຈະໄດ້ໄປວິຫານຂອງພະເຢໂຫວາ?”+