ເພງສັນລະເສີນ
ເຖິງຜູ້ຄວບຄຸມດົນຕີ ເພງນີ້ຕັ້ງຕາມເພງ “ດອກລິນລີ້.”* ເພງນີ້ສຳລັບໃຊ້ເປັນຂໍ້ເຕືອນໃຈ.
ເພງຂອງອາສັບ.+ ເພງສັນລະເສີນ.
2 ຂໍພະອົງສະແດງຄວາມຍິ່ງໃຫຍ່ຂອງພະອົງ+
ຕໍ່ໜ້າເອຟຣາຢິມ ເບັນຢາມິນ ແລະມານາເຊ.
ຂໍພະອົງມາຊ່ວຍພວກເຮົາໃຫ້ລອດ.+
3 ພະເຈົ້າເອີ້ຍ ຂໍພະອົງຍອມຮັບພວກເຮົາອີກເທື່ອໜຶ່ງ.+
ຂໍພະອົງເມດຕາພວກເຮົາເພື່ອພວກເຮົາຈະໄດ້ຮັບຄວາມລອດ.+
4 ພະເຢໂຫວາພະເຈົ້າຜູ້ບັນຊາການກອງທັບ ພະອົງຈະຕໍ່ຕ້ານແລະບໍ່ຟັງປະຊາຊົນຂອງພະອົງອີກດົນປານໃດ?+
5 ພະອົງໃຫ້ເຂົາເຈົ້າກິນນ້ຳຕາແທນເຂົ້າ
ແລະພະອົງໃຫ້ເຂົາເຈົ້າກິນນ້ຳຕາເທື່ອແລ້ວເທື່ອອີກ.
6 ພະອົງປ່ອຍໃຫ້ເພື່ອນບ້ານຂອງພວກເຮົາຜິດຖຽງກັນເລື່ອງພວກເຮົາ.
ສັດຕູຂອງພວກເຮົາຢາກເຍາະເຍີ້ຍພວກເຮົາແນວໃດກໍເຍາະເຍີ້ຍ.+
7 ພະເຈົ້າຜູ້ບັນຊາການກອງທັບເອີ້ຍ ຂໍພະອົງຍອມຮັບພວກເຮົາອີກເທື່ອໜຶ່ງ.
ຂໍພະອົງເມດຕາພວກເຮົາເພື່ອພວກເຮົາຈະໄດ້ຮັບຄວາມລອດ.+
8 ພະອົງພາປະຊາຊົນຂອງພະອົງອອກມາຈາກເອຢິບຄືກັບຫຼົກຕົ້ນໝາກລະແຊັງອອກ.+
ແລ້ວພະອົງກໍໄລ່ຊາດຕ່າງໆອອກໄປຈາກແຜ່ນດິນຂອງເຂົາເຈົ້າແລະປູກຕົ້ນໝາກລະແຊັງນັ້ນໄວ້ຢູ່ຫັ້ນ.+
9 ພະອົງກຽມບ່ອນໄວ້ໃຫ້ມັນ.
ມັນປົ່ງຮາກລົງເລິກແລະໃຫຍ່ເຕັມແຜ່ນດິນນັ້ນ.+
10 ຮົ່ມເງົາຂອງມັນປົກບັງພູຕ່າງໆ
ແລະເຄືອຂອງມັນກໍປົກຄຸມຕົ້ນຊີດ້າ*ຂອງພະເຈົ້າ.
12 ເປັນຫຍັງພະອົງພັງກຳແພງຫີນທີ່ອ້ອມສວນໝາກລະແຊັງໄວ້+
ແລະປ່ອຍໃຫ້ຄົນທີ່ຜ່ານໄປມາປິດເອົາໝາກຂອງມັນ?+
13 ໝູປ່າໄດ້ເຂົ້າໄປທຳລາຍສວນໝາກລະແຊັງ
ແລະສັດປ່າກໍເຂົ້າໄປກິນໝາກຂອງມັນ.+
14 ພະເຈົ້າຜູ້ບັນຊາການກອງທັບເອີ້ຍ ຂໍພະອົງອວຍພອນພວກເຮົາອີກເທື່ອໜຶ່ງ.
ຂໍພະອົງເບິ່ງລົງມາຈາກຟ້າສະຫວັນ
ແລະເບິ່ງແຍງຕົ້ນໝາກລະແຊັງຕົ້ນນີ້+
15 ເຊິ່ງເປັນຕົ້ນທີ່ພະອົງປູກເອງກັບມື*+
ແລະເບິ່ງເຄືອນັ້ນທີ່ພະອົງເຮັດໃຫ້ແຂງແຮງ.+
16 ມັນຖືກຈູດ+ແລະຖືກຕັດ.
ເມື່ອພະອົງສັ່ງສອນປະຊາຊົນຂອງພະອົງ ເຂົາເຈົ້າກໍຖືກທຳລາຍ.
17 ຂໍພະອົງຊ່ວຍຄົນທີ່ຢູ່ທາງເບື້ອງຂວາມືຂອງພະອົງ
ເຊິ່ງເປັນຄົນທີ່ພະອົງເຮັດໃຫ້ເຂັ້ມແຂງ ເພື່ອພະອົງຈະໄດ້ຮັບກຽດ.+
18 ແລ້ວພວກເຮົາຈະບໍ່ປະຖິ້ມພະອົງ.
ຂໍພະອົງປົກປ້ອງຊີວິດຂອງພວກເຮົາ ເພື່ອພວກເຮົາຈະໄດ້ສັນລະເສີນຊື່ຂອງພະອົງ.
19 ພະເຢໂຫວາພະເຈົ້າຜູ້ບັນຊາການກອງທັບເອີ້ຍ ຂໍພະອົງຍອມຮັບພວກເຮົາອີກເທື່ອໜຶ່ງ.
ຂໍພະອົງເມດຕາພວກເຮົາ ເພື່ອພວກເຮົາຈະໄດ້ຮັບຄວາມລອດ.+