ຊີວິດຄລິດສະຕຽນ
ເຮົາສະແດງຄວາມຮັກໂດຍເຮັດຕາມຄຳສັ່ງສອນຂອງພະເຢໂຫວາ
ການຕັດສຳພັນຈະປົກປ້ອງປະຊາຄົມແລະສັ່ງສອນຄົນທີ່ເຮັດຜິດທີ່ບໍ່ກັບໃຈ. (1ກຣ 5:6, 11) ຖ້າເຮົາເຮັດຕາມການສັ່ງສອນນີ້ຂອງພະເຢໂຫວາກໍສະແດງວ່າເຮົາຮັກເພິ່ນ. ເປັນຫຍັງຈຶ່ງເວົ້າໄດ້ວ່າການຕັດສຳພັນເຮັດໃຫ້ຄົນທີ່ເປັນຍາດພີ່ນ້ອງແລະຄົນທີ່ຢູ່ໃນຄະນະກຳມະການຕັດສິນຄວາມຕ້ອງເຈັບປວດ?
ທີ່ສຳຄັນທີ່ສຸດ ເຮົາສະແດງໃຫ້ເຫັນວ່າເຮົາປົກປ້ອງຊື່ສຽງຂອງພະເຢໂຫວາແລະມາດຕະຖານຄວາມບໍລິສຸດຂອງເພິ່ນ. (1ປຕ 1:14-16) ນອກຈາກນັ້ນ ເຮົາຍັງສະແດງຄວາມຮັກຕໍ່ຄົນທີ່ຖືກຕັດສຳພັນນຳ. ເຖິງວ່າການສັ່ງສອນທີ່ແຮງໆຈະເຮັດໃຫ້ເຈັບປວດ ແຕ່ການເຮັດແນວນັ້ນຈະຝຶກຝົນພວກເຮົາ “ໃຫ້ເຮັດສິ່ງທີ່ຖືກຕ້ອງແລະມີສັນຕິສຸກ.” (ຮຣ 12:5, 6, 11) ຖ້າເຮົາຍັງຄົບຫາກັບຄົນທີ່ຖືກຕັດສຳພັນແລະຄົນທີ່ຕັດຕົວເອງອອກຈາກປະຊາຄົມ ເຮົາກໍຂັດຂວາງການສັ່ງສອນຂອງພະເຢໂຫວາ. ຢ່າລືມວ່າພະເຢໂຫວາສັ່ງສອນຄົນຂອງເພິ່ນ “ຕາມສົມຄວນ.” (ຢເຣ 30:11, ລ.ມ.) ເມື່ອເຮົາເຮັດຕາມການສັ່ງສອນຂອງພະເຢໂຫວາແລະເຮັດກິດຈະກຳທີ່ເສີມຄວາມເຊື່ອຕໍ່ໆໄປ ກໍສະແດງວ່າເຮົາຍັງຫວັງວ່າຄົນທີ່ຖືກຕັດສຳພັນຈະກັບມາຫາພະເຢໂຫວາພໍ່ທີ່ມີຄວາມເມດຕາ.—ເອຊາ 1:16-18; 55:7
ເປີດວິດີໂອພັກດີສະເໝີດ້ວຍຫົວໃຈທີ່ເປັນໜຶ່ງດຽວ ແລ້ວຕອບຄຳຖາມຕໍ່ໄປນີ້:
ເມື່ອລູກປະຖິ້ມພະເຢໂຫວາ ພໍ່ແມ່ທີ່ເປັນຄລິດສະຕຽນຈະຮູ້ສຶກເຈັບປວດສ່ຳໃດ?
ພີ່ນ້ອງໃນປະຊາຄົມຈະຊ່ວຍເຫຼືອຄົນທີ່ຍັງສັດຊື່ໃນຄອບຄົວຂອງຜູ້ທີ່ຖືກຕັດສຳພັນແນວໃດ?
ຕົວຢ່າງຂອງໃຜໃນຄຳພີໄບເບິນສອນເຮົາໃຫ້ເຫັນຄວາມສຳຄັນຂອງການພັກດີຕໍ່ພະເຢໂຫວາຫຼາຍກວ່າພັກດີຕໍ່ຄອບຄົວ?
ເຮົາຈະເຮັດຫຍັງເພື່ອສະແດງວ່າເຮົາພັກດີຕໍ່ພະເຢໂຫວາຫຼາຍກວ່າຄົນໃນຄອບຄົວ?