ພາກທີ 10
ມີພະພອນແນວໃດແດ່ທີ່ລໍຖ້າຄົນເຫຼົ່ານັ້ນທີ່ເຊື່ອຟັງພະເຈົ້າ?
ຄົນສ່ວນຫຼາຍຈະໄດ້ຮັບການປຸກໃຫ້ມີຊີວິດຢູ່ເທິງແຜ່ນດິນໂລກ. ກິດຈະການ 24:15
ລອງຄິດເຖິງພະພອນທີ່ເຈົ້າຈະໄດ້ຮັບໃນອະນາຄົດຖ້າເຈົ້າເຊື່ອຟັງພະເຢໂຫວາ! ເຈົ້າຈະມີສຸຂະພາບທີ່ສົມບູນແບບ; ບໍ່ມີຜູ້ໃດເຈັບປ່ວຍຫຼືບໍ່ແຂງແຮງ. ຈະບໍ່ມີຄົນຊົ່ວ ເຈົ້າຈະສາມາດໄວ້ວາງໃຈທຸກຄົນໄດ້.
ຈະບໍ່ມີຄວາມເຈັບປວດ ໂສກເສົ້າຫຼືຮ້ອງໄຫ້. ບໍ່ມີໃຜເຖົ້າລົງແລະຕາຍໄປ.
ເຈົ້າຈະຢູ່ນຳກັນກັບໝູ່ຄູ່ແລະຄົນໃນຄອບຄົວ. ຊີວິດຢູ່ໃນອຸທິຍານຈະມີແຕ່ຄວາມຍິນດີ.
ຈະບໍ່ມີຄວາມຢ້ານ. ຜູ້ຄົນຈະມີຄວາມສຸກຢ່າງແທ້ຈິງ.