ບົດທີ 04

ພະເຈົ້າແມ່ນໃຜ?

ສະບັບພິມ

ຕັ້ງແຕ່ອະດີດມະນຸດຂາບໄຫວ້ບູຊາຫຼືນະມັດສະການເທບພະເຈົ້າຫຼາຍອົງ. ແຕ່ຄຳພີໄບເບິນເວົ້າເຖິງພະເຈົ້າອົງໜຶ່ງທີ່ “ຍິ່ງໃຫຍ່ກວ່າພະເຈົ້າອົງອື່ນໆ.” (2 ຂ່າວຄາວ 2:5) ໃຜແມ່ນພະເຈົ້າອົງນັ້ນ? ແລະເປັນຫຍັງເພິ່ນຈຶ່ງຍິ່ງໃຫຍ່ກວ່າພະເຈົ້າອື່ນໆທີ່ຜູ້ຄົນນະມັດສະການ? ໃນບົດນີ້ເຈົ້າຈະໄດ້ຮູ້ຈັກເພິ່ນຫຼາຍຂຶ້ນ.

1. ພະເຈົ້າຊື່ຫຍັງ ແລະເຮົາໝັ້ນໃຈໄດ້ແນວໃດວ່າເພິ່ນຢາກໃຫ້ເຮົາຮູ້ຈັກຊື່ນັ້ນ?

ໃນຄຳພີໄບເບິນພະເຈົ້າບອກເຮົາໃຫ້ຮູ້ຈັກຊື່ຂອງເພິ່ນ. ເພິ່ນເວົ້າວ່າ: “ເຮົາແມ່ນເຢໂຫວາ. ນີ້ແມ່ນຊື່ຂອງເຮົາ.” (ອ່ານເອຊາຢາ 42:5, 8) “ເຢໂຫວາ” ແມ່ນຊື່ທີ່ແປມາຈາກພາສາເຮັບເຣີເຊິ່ງໝາຍເຖິງ “ເພິ່ນເຮັດໃຫ້ເປັນ.” ພະເຢໂຫວາຢາກໃຫ້ເຮົາຮູ້ຈັກຊື່ຂອງເພິ່ນ. (ອົບພະຍົບ 3:15) ເຮົາຈະແນ່ໃຈໄດ້ແນວໃດວ່າພະເຈົ້າຢາກໃຫ້ເຮົາຮູ້ຈັກຊື່ຂອງເພິ່ນ? ໃນຄຳພີໄບເບິນມີຊື່ຂອງເພິ່ນຫຼາຍກວ່າ 7.000 ເທື່ອ!a ເຢໂຫວາເປັນຊື່ຂອງ “ພະເຈົ້າທ່ຽງແທ້ອົງດຽວຢູ່ໃນສະຫວັນແລະຢູ່ໃນໂລກ.”—ພະບັນຍັດ 4:39

2. ຄຳພີໄບເບິນບອກໃຫ້ເຮົາຮູ້ຫຍັງກ່ຽວກັບພະເຢໂຫວາ?

ຄຳພີໄບເບິນເວົ້າວ່າໃນບັນດາພະເຈົ້າທີ່ມະນຸດນະມັດສະການ ພະເຢໂຫວາຜູ້ດຽວເທົ່ານັ້ນທີ່ເປັນພະເຈົ້າທ່ຽງແທ້. ເປັນຫຍັງຈຶ່ງເວົ້າແນວນັ້ນ? ມີຫຼາຍເຫດຜົນ. ພະເຢໂຫວາມີອຳນາດປົກຄອງສູງສຸດແລະເພິ່ນຜູ້ດຽວທີ່ເປັນ “ພະເຈົ້າສູງສຸດອົງດຽວທີ່ປົກຄອງທົ່ວໂລກ.” (ອ່ານເພງສັນລະເສີນ 83:18) ເພິ່ນມີ “ລິດເດດສູງສຸດ” ເຊິ່ງໝາຍຄວາມວ່າເພິ່ນມີພະລັງທີ່ຈະເຮັດຫຍັງກໍໄດ້ທີ່ເພິ່ນຕ້ອງການ. ເພິ່ນ “ສ້າງທຸກສິ່ງ” ໃນເອກະພົບແລະທຸກສິ່ງເທິງໂລກ. (ພະນິມິດ 4:8, 11) ມີແຕ່ພະເຢໂຫວາຜູ້ດຽວເທົ່ານັ້ນທີ່ມີຊີວິດຢູ່ຕະຫຼອດມາຕັ້ງແຕ່ອະດີດ ແລະເພິ່ນຈະມີຊີວິດຢູ່ຕະຫຼອດໄປ.—ເພງສັນລະເສີນ 90:2

ຮຽນຮູ້ຫຼາຍຂຶ້ນ

ມາເບິ່ງວ່າຕຳແໜ່ງຂອງພະເຈົ້າແລະຊື່ຂອງເພິ່ນແຕກຕ່າງກັນແນວໃດ ແລະເປັນຫຍັງເພິ່ນຈຶ່ງຢາກໃຫ້ເຮົາຮູ້ຈັກຊື່ຂອງເພິ່ນ.

ຜູ້ຊາຍຄົນໜຶ່ງເບິ່ງທ້ອງຟ້າຕອນກາງຄືນ. ຊື່ພະເຢໂຫວາຢູ່ເທິງທ້ອງຟ້າ.

3. ພະເຈົ້າມີຫຼາຍຕຳແໜ່ງ ແຕ່ມີຊື່ດຽວ

ເພື່ອຈະເຫັນຄວາມແຕກຕ່າງລະຫວ່າງຕຳແໜ່ງກັບຊື່ ເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:

ວິດີໂອ: ມີຫຼາຍຕຳແໜ່ງ ແຕ່ກໍມີຊື່ດຽວ (0:41)

ຕຳແໜ່ງເຊັ່ນ “ພະອົງເຈົ້າ” ກັບຊື່ຕ່າງກັນແນວໃດ?

ເຖິງຈະມີເທບພະເຈົ້າແລະພະຫຼາຍອົງທີ່ຜູ້ຄົນນະມັດສະການ ແຕ່ຄຳພີໄບເບິນບອກແນວໃດ. ອ່ານເພງສັນລະເສີນ 136:1-3 ແລ້ວລົມກັນກ່ຽວກັບຄຳຖາມຕໍ່ໄປນີ້:

ໃຜແມ່ນ “ພະເຈົ້າທີ່ເໜືອກວ່າພະເຈົ້າອື່ນໆ” ແລະ “ເຈົ້ານາຍເໜືອເຈົ້ານາຍທັງໝົດ”?

4. ພະເຢໂຫວາຢາກໃຫ້ເຈົ້າຮູ້ຈັກແລະເອີ້ນຊື່ຂອງເພິ່ນ

ເຮົາຮູ້ໄດ້ແນວໃດວ່າພະເຢໂຫວາຢາກໃຫ້ເຮົາຮູ້ຈັກຊື່ຂອງເພິ່ນ? ເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:

ວິດີໂອ: ພະເຈົ້າມີຊື່ບໍ?—ວິດີໂອສັ້ນ (3:11)

ສາກໜຶ່ງຈາກວິດີໂອ ‘ພະເຈົ້າມີຊື່ບໍ?—ວິດີໂອສັ້ນ.’ ຜູ້ຊາຍຄົນໜຶ່ງເຫັນຊື່ພະເຢໂຫວາຢູ່ ຄຳເພງ 83:18 ໃນຄຳພີໄບເບິນ ‘ສະບັບຄິງເຈມສ໌’ ປີ 1611.

ເຈົ້າຄິດວ່າພະເຢໂຫວາຢາກໃຫ້ທຸກຄົນຮູ້ຈັກຊື່ຂອງເພິ່ນບໍ?ເປັນຫຍັງຈຶ່ງຄິດແນວນັ້ນ?

ພະເຢໂຫວາຢາກໃຫ້ທຸກຄົນໃຊ້ຊື່ຂອງເພິ່ນ. ອ່ານໂຣມ 10:13 ແລ້ວລົມກັນກ່ຽວກັບຄຳຖາມຕໍ່ໄປນີ້:

ເປັນເລື່ອງສຳຄັນບໍທີ່ຈະເອີ້ນພະເຈົ້າດ້ວຍຊື່ເຢໂຫວາ? ຍ້ອນຫຍັງ?
ເຈົ້າຮູ້ສຶກແນວໃດຖ້າມີຄົນຮູ້ຊື່ຂອງເຈົ້າແຕ່ບໍ່ໄດ້ເອີ້ນຊື່ນັ້ນ?
ເຈົ້າຄິດວ່າພະເຢໂຫວາຈະຮູ້ສຶກແນວໃດຖ້າເຮົາເອີ້ນເພິ່ນວ່າພະເຈົ້າ ແຕ່ບໍ່ເຄີຍເອີ້ນຊື່ຂອງເພິ່ນເລີຍ? ແລ້ວເພິ່ນຈະຮູ້ສຶກແນວໃດຖ້າເຮົາເອີ້ນຊື່ຂອງເພິ່ນ?