ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ຝຶກສອນຄົນໃໝ່ໆໃນວຽກການປະກາດ
ເປັນຫຍັງຈຶ່ງສຳຄັນ? ລູກສິດຄົນໃໝ່ໆຂອງພະເຍຊູຕ້ອງຮຽນຮູ້ທີ່ຈະເຮັດຕາມ “ສິ່ງທັງປວງ” ທີ່ພະອົງໄດ້ບອກໄວ້ ເຊິ່ງລວມເຖິງການສອນຄວາມຈິງໃຫ້ຄົນອື່ນໆ. (ມັດ. 28:19, 20) ຄົນໃໝ່ໆຫຼາຍຄົນໄດ້ມີຄຸນສົມບັດເໝາະສົມແລ້ວທີ່ຈະເຂົ້າຮ່ວມໃນໂຮງຮຽນເພື່ອການຮັບໃຊ້ຕາມລະບອບຂອງພະເຈົ້າ ແລະອາດຈະປະກາດແບບບໍ່ເປັນທາງການກັບຄົນໃນຄອບຄົວຫຼືກັບໝູ່ເພື່ອນ. ຢ່າງໃດກໍຕາມ ເມື່ອເຂົາເຈົ້າເຫັນຄຸນຄ່າຫຼາຍຂຶ້ນໃນສິ່ງທີ່ກຳລັງຮຽນຮູ້ແລະໄດ້ຮູ້ຈັກວ່າພະເຢໂຫວາຕ້ອງການໃຫ້ທຸກຄົນໄດ້ຍິນຂ່າວດີ. ເຂົາເຈົ້າອາດສະແດງຄວາມປາຖະໜາທີ່ຈະມີສ່ວນຮ່ວມໃນວຽກການປະກາດ. (ໂລມ 10:13, 14) ຫຼັງຈາກຄົນໃໝ່ໆໄດ້ຮັບອະນຸມັດໃຫ້ເປັນຜູ້ປະກາດທີ່ຍັງບໍ່ທັນຮັບບັບເຕມາ ການຝຶກສອນທີ່ດີຈະຊ່ວຍເຂົາເຈົ້າໃຫ້ໝັ້ນໃຈຫຼາຍຂຶ້ນເມື່ອເຂົາເຈົ້າເຮັດຕາມຂັ້ນຕອນທີ່ຈຳເປັນນີ້ເພື່ອຈະກ້າວໜ້າທາງດ້ານຄວາມເຊື່ອ.—ລືກາ 6:40
ລອງເຮັດໃນເດືອນນີ້:
ຖ້າເຈົ້າກຳລັງສຶກສາກັບໃຜຄົນໜຶ່ງທີ່ຫາກໍເປັນຜູ້ປະກາດ ເຈົ້າຄວນໄປປະກາດຕາມບ້ານເຮືອນກັບລາວ ແລະພາລາວໄປກັບຢ້ຽມຫຼືພາໄປສຶກສາ. ຖ້າເຈົ້າບໍ່ມີນັກສຶກສາທີ່ເປັນຜູ້ປະກາດໃໝ່ ໃຫ້ຊວນຜູ້ປະກາດທີ່ມີປະສົບການໜ້ອຍໄປປະກາດກັບເຈົ້າ.