ຊີວິດຄລິດສະຕຽນ
ໃຊ້ວິດີໂອເພື່ອສອນນັກສຶກສາຂອງເຈົ້າ
ການໃຊ້ພາບປະກອບໃນການສອນສາມາດດຶງດູດໃຈຜູ້ຟັງ ເຊິ່ງຊ່ວຍລາວໃຫ້ເຂົ້າໃຈໄດ້ດີຂຶ້ນແລະຈື່ສິ່ງທີ່ລາວຮຽນ. ພະເຢໂຫວາຜູ້ສອນອົງຍິ່ງໃຫຍ່ໄດ້ສອນບົດຮຽນທີ່ສຳຄັນໂດຍໃຊ້ພາບປະກອບ. (ຕົ້ນ. 15:5; ຢເຣ. 18:1-6) ພະເຍຊູທີ່ເປັນຄູຜູ້ຍິ່ງໃຫຍ່ກໍໃຊ້ສິ່ງທີ່ຜູ້ຄົນເຫັນໄດ້ມາເປັນຕົວຢ່າງໃນການສອນ. (ມັດ. 18:2-6; 22:19-21) ຮູບແບບໜຶ່ງທີ່ພົບວ່າເປັນປະໂຫຍດຫຼາຍໃນໄລຍະທີ່ຜ່ານມາແມ່ນ ວິດີໂອ. ເຈົ້າໃຊ້ປະໂຫຍດຈາກວິດີໂອເມື່ອສອນນັກສຶກສາຂອງເຈົ້າບໍ?
ວິດີໂອ 10 ເລື່ອງໄດ້ກຽມໄວ້ເພື່ອຊ່ວຍໃຫ້ເຮົາສອນບົດຮຽນໃນຈຸນລະສານຂ່າວດີຈາກພະເຈົ້າ! ປົກກະຕິແລ້ວ ຊື່ຂອງວິດີໂອແຕ່ລະເລື່ອງຈະກົງກັບຄຳຖາມຕົວເຂັ້ມທີ່ຢູ່ໃນຈຸນລະສານ. ຈຸນລະສານແບບເອເລັກໂຕຣນິກຈະມີລິ້ງທີ່ເຕືອນເຮົາວ່າຄວນເປີດວິດີໂອຕອນໃດ. ນອກຈາກນັ້ນ ວິດີໂອອື່ນໆຍັງອະທິບາຍເນື້ອຫາໃນປຶ້ມສຳລັບສຶກສາທີ່ຢູ່ໃນກ່ອງເຄື່ອງມືການສອນຂອງເຮົາ.
ເຈົ້າກຳລັງລົມເລື່ອງໃນຄຳພີໄບເບິນທີ່ນັກສຶກສາບໍ່ຄ່ອຍເຂົ້າໃຈບໍ? ນັກສຶກສາຂອງເຈົ້າກຳລັງເຈິການທົດສອບຢ່າງໃດຢ່າງໜຶ່ງບໍ? ໃຫ້ຄົ້ນຫາວິດີໂອໃນເວັບໄຊ jw.org ແລະລາຍການໂທລະທັດ JW (JW Broadcasting) ເພື່ອຊອກເບິ່ງວິດີໂອທີ່ຈະເປັນປະໂຫຍດຕໍ່ລາວ. ບາງທີເຈົ້າກັບນັກສຶກສາສາມາດເບິ່ງເລື່ອງໜຶ່ງນຳກັນແລ້ວກໍລົມກັນກ່ຽວກັບເລື່ອງນັ້ນ.
ແຕ່ລະເດືອນຈະມີວິດີໂອໃໝ່ໆອອກມາໃຫ້ດາວໂຫຼດໄດ້. ເມື່ອເຈົ້າເບິ່ງວິດີໂອເຫຼົ່ານີ້ ລອງຄິດເຖິງວິທີທີ່ເຈົ້າຈະເອົາໄປໃຊ້ເມື່ອສອນຄົນອື່ນ.