ຊີວິດຄລິດສະຕຽນ
ເຈົ້າຮັບມືກັບຄວາມລຳບາກໃນການຫາລ້ຽງຄອບຄົວໄດ້
ຊີວິດໃນສະໄໝສຸດທ້າຍເຕັມໄປດ້ວຍບັນຫາ. ແຮ່ງເຮົາເຂົ້າໃກ້ຈຸດຈົບຫຼາຍເທົ່າໃດ ບັນຫາກໍຈະແຮ່ງມີຫຼາຍຂຶ້ນ. ບາງເທື່ອເຮົາອາດຂາດແຄນບາງຢ່າງກໍໄດ້. (ຫາບາ 3:16-18) ແຕ່ອັນໃດຈະຊ່ວຍເຮົາໃຫ້ໝັ້ນໃຈວ່າເຮົາຈະຮັບມືກັບຄວາມລຳບາກໃນການຫາລ້ຽງຄອບຄົວໄດ້? ເຮົາຕ້ອງວາງໃຈພະເຢໂຫວາພະເຈົ້າຂອງເຮົາຕໍ່ໆໄປ. ເພິ່ນສັນຍາວ່າຈະເບິ່ງແຍງຜູ້ຮັບໃຊ້ຂອງເພິ່ນ ແລະເພິ່ນສາມາດຊ່ວຍໃຫ້ເຮົາມີສິ່ງຈຳເປັນບໍ່ວ່າສະຖານະການອ້ອມໂຕເຮົາຈະເປັນແນວໃດ.—ເພງ 37:18, 19; ຮຣ 13:5, 6
ສິ່ງທີ່ເຈົ້າເຮັດໄດ້:
ອະທິດຖານຂໍການຊີ້ນຳ ສະຕິປັນຍາ ແລະຄວາມຊ່ວຍເຫຼືອຈາກພະເຢໂຫວາ.—ເພງ 62:8
ໃຫ້ເຕັມໃຈເຮັດວຽກຫຍັງກໍໄດ້ເຖິງວ່າເຈົ້າຈະບໍ່ເຄີຍເຮັດວຽກນັ້ນມາກ່ອນ.—g-SI 10/1 ໜ້າ 8-9, ຂອບ
ເຮັດກິດຈະກຳທີ່ເສີມຄວາມເຊື່ອເປັນປະຈຳ ເຊິ່ງກໍຄືອ່ານຄຳພີໄບເບິນທຸກມື້ ເຂົ້າຮ່ວມການປະຊຸມແລະການປະກາດ
ເບິ່ງວິດີໂອສ້າງເຮືອນທີ່ທົນທານ—“ໃຫ້ພໍໃຈໃນສິ່ງທີ່ມີຢູ່” ແລ້ວຕອບຄຳຖາມຕໍ່ໄປນີ້:
ຄອບຄົວໃນວິດີໂອເຈິບັນຫາຫຍັງແດ່?
ສິ່ງສຳຄັນທີ່ສຸດໃນຊີວິດແມ່ນຫຍັງ?
ເຮົາຈະຊ່ວຍຄົນທີ່ກຳລັງລຳບາກໄດ້ແນວໃດ?