ຊີວິດຄລິດສະຕຽນ
ຕັ້ງເປົ້າໝາຍສຳລັບຊ່ວງການປະຊຸມອະນຸສອນ
ທຸກປີ ປະຊາຊົນຂອງພະເຢໂຫວາຖ້າເວລາທີ່ຈະໄດ້ປະຊຸມອະນຸສອນນຳກັນ. ຊ່ວງຫຼາຍອາທິດກ່ອນແລະຫຼັງວັນອະນຸສອນ ເຮົາມີໂອກາດພິເສດທີ່ຈະສັນລະເສີນແລະຂອບໃຈພະເຢໂຫວາສຳລັບຄ່າໄຖ່ທີ່ເພິ່ນໃຫ້ເຮົາເປັນຂອງຂວັນ. (ອຟຊ 1:3, 7) ເຊັ່ນ ເຮົາຕັ້ງໃຈເຊີນຫຼາຍຄົນມາປະຊຸມອະນຸສອນກັບເຮົາ. ພີ່ນ້ອງບາງຄົນສາມາດຈັດເວລາເປັນໄພໂອເນຍສົມທົບ 30 ຫຼື 50 ຊົ່ວໂມງຊ່ວງເດືອນມີນາແລະເມສາໄດ້. ເຈົ້າຢາກເຮັດວຽກຮັບໃຊ້ຫຼາຍຂຶ້ນໃນຊ່ວງການປະຊຸມອະນຸສອນບໍ? ອັນໃດຈະຊ່ວຍເຈົ້າໃຫ້ເຮັດໄດ້?
ການວາງແຜນລ່ວງໜ້າຊ່ວຍໄດ້. (ສຸພາ 21:5) ອີກບໍ່ດົນກໍຈະປະຊຸມອະນຸສອນແລ້ວ ເຈົ້າເລີຍໜ້າຈະວາງແຜນຕັ້ງແຕ່ຕອນນີ້. ລອງຄິດເບິ່ງວ່າເຈົ້າຈະຮັບໃຊ້ຫຼາຍຂຶ້ນໄດ້ແນວໃດແດ່ໃນຊ່ວງການປະຊຸມອະນຸສອນ ແລະເຈົ້າຕ້ອງເຮັດຫຍັງແດ່ເພື່ອຈະເຮັດຕາມເປົ້າໝາຍທີ່ວາງໄວ້ໄດ້. ຢ່າລືມຂໍໃຫ້ພະເຢໂຫວາອວຍພອນຄວາມພະຍາຍາມຂອງເຈົ້ານຳ.—1ຢຮ 5:14, 15
ຄິດເບິ່ງວ່າມີວິທີໃດແດ່ທີ່ເຈົ້າຈະຮັບໃຊ້ຫຼາຍຂຶ້ນໄດ້ໃນຊ່ວງການປະຊຸມອະນຸສອນ?